Filmi i gjatë artistik ‘Vera Andrron Detin’ me regji të Kaltrina Krasniqit dhe skenar të Doruntina Bashës, nesër në Bienalen e Venedikut do të ketë premierën botërore, përcjell KultPlus.
Shkumbin Istrefi, njëherit edhe producenti i filmit sëbashku me artistin e mirënjohur Astrit Kabashin kanë filluar me një kampanjë për liberalizim e vizave nga Bashkimi Evropian.
”A film from Kosovo? Welcome Crew? Sorry, you need visa to ente EU”, thuhet në mbishkrimet e bluzave të dy artistëve.
Vlen të ceket se filmi në fjalë ka për personazh kryesor një 64-vjeçare përkthyese e gjuhës së shenjave, që jeton në Kosovë. Ajo e sfidon burrin e saj patriarkal me qëllim që të mbrojë vajzën e saj të cilën ai e ka mohuar.
Filmi “Vera Andrron Detin” me producent Shkumbin Istrefin, është bashkëprodhim i Puntoria Kreative Isstra (Kosovë), Dream Factory (Maqedoni e Veriut) dhe Papadhimitri Production (Shqipëri), dhe është mbështetur nga Qendra Kinematografike Kosovës, Agjensioni i Filmit i Maqedonisë Veriore dhe Qendra Kombëtare e Kinemaografisë në Shqipëri. / KultPlus.com
Shtatori shënon muajin e ndërgjegjësimit të fëmijëve të prekur nga sëmundja e kancerit. Ndërkaq, sot në Bibliotekën Kombëtare të Kosovës, pikërisht për të shënuar këtë muaj janë ndezur dritat në kupolat e Bibliotekës, përcjell KultPlus.
Kjo nismë u organizua nga Komuna e Prishtinës, ndërkaq me një mesazh tejet prekës, erdhi drejtori i Kulturës në Komunën e Prishtinës, Adrian Berisha i cili përmes një statusi në rrjetin social Facebook, ndau me ndjekësit e tij historinë e tij personale si një fëmijë i prekur nga kanceri.
Berisha, ndër të tjera bëri thirrje që këta fëmijë të mos dorëzohen asnjëherë.
Më poshtë gjeni statusin e plotë të Berishës.
Kam qene vetem 16 vjec, kur u diagnostifikova me kancer. Atekohe, semundja kishte shu andrren time femijerore duke me detyru ne nderpre futbollin.
E di shume mire se si mund te ndihen femijet, te cileve u kumtohet lajmi se vuajne prej nje prej semundjeve me te renda qe njeh njerezimi. E di shume mire se si eshte me u friku, me humb shpresen dhe me pa njerezit ma te dashur rreth teje me lutje e merzi per ty.
Une isha nje prej qindra e mijera femijeve te botes qe luftojne me kancerin cdo vit. Por ia dola. Me ndihmen e familjareve, profesionisteve mjekesor dhe me deshiren e madhe per me vazhdu jeten.
Po, andrra per futboll u shua. Por jo edhe vullneti per jeten. Dhe dhimbja u shendrru ne motiv per me punu, edhe per Adrianin si femije por edhe per femijet e tjere si Adriani.
Sonte ndezem dritat e Bibliotekes Kombetare, duke iu bashkuar si Komune thirrjes per solidarizim me femijet e prekur nga kanceri. Muaji shtator eshte edhe muji i ndergjegjesimit per kancerin tek femijet.
Ajo qe dua te ju them krejt femijeve te cilet po perballen me kete semundje, eshte kjo:
Nuk jeni vetem. Dhe semundja, jo domosdo eshte fundi.
Sot shënohet 31 vjetori i Kushtetutës së Kaçanikut. Më 07 shtator të vitit 1990 delegatët e Kuvendit të atëhershëm të Kosovës, që kishin shpallur Deklaratën e Pavarësisë më 2 korrik të atij viti, e formalizuan atë deklaratë me Kushtetutën e Republikës së Kosovës.
Për nder të kësaj date shumë të rëndësishme në historinë e Kosovës, KultPlus ju sjell këngën e njohur ‘Gryka e Kaçanikut’, të intepretuar nga Esat Bicurri në turne me grupin e TVP-së në Shqipëri, në vitin 1987.
”Hej Kaçanik o shkamb e gur Vritesh e pritesh për flamur! Për flamurin e Skenderit Luftojnë djemt’ e Idriz o Seferit”, janë këto vargjet e famshme të kësaj këngë të cilat i dijmë secili prej nesh.
Më poshtë gjeni videon dhe tekstin e këngës.
Ushton gryka e Kaçanikut Morën zjarr këta gur’t e malit. I: Përmbi çallmat e Anadollit Ndizen hutat e shqiptarit! :I Ref.: I: Hej Kaçanik o shkamb e gur Vritesh e pritesh për flamur! Për flamurin e Skenderit Luftojnë djemt’ e Idriz o Seferit! :I Kurr nuk çarten o kullat tona Vendit tonë i dalim zot. Tirq e zhguna e xhubleta Thurr i kemi o me barot. Ref.: Hej… Sulen trimat nga Kabashi, Nga Lubizhda e Stagova. Th’rret me t’madhe Dërgut Pasha:
Festivali i muraleve në Berlin rifillon pas edicionit të vitit 2020, që u anulua për shkak të Covid-19.
Artistët pikturuan vepra arti gjigante në ndërtesa, ndërsa të tjerët mund të shëtisin në qytet duke vështruar pamjen e re artistike.
Fasadat e ndërtesave në Berlin janë pikturuar nga artistë si pjesë e festivalit të përvitshëm mural në kryeqytetin gjerman.
Artistja Anne Bengard, e cila merr pjesë në festival, ka pikturuar së bashku me kolegun e saj Kkade në muret e një ndërtese rrethin Neukölln.
Piktura murale përshkruan balerinën gjermane Anita Berber nga vitet 1920.
Festivali është pjesërisht i diskutueshëm në skenën e artit në Berlin sepse mbështetet nga grupi i madh i pronave “Deutsche Wohnen”, i cili luan një rol lider në tregun gjerman.
Por, në Berlin kompania vuan nga një imazh i pakëndshëm si një spekulator që nxit rritjen e çmimeve.
E vlerësuar në më shumë se 19 miliardë euro, kompania siguron fasadat e ndërtesave dhe mbështet financiarisht festivalin.
Më 26 shtator, në të njëjtën ditë me zgjedhjet parlamentare, në Berlin qytetarët do të votojnë për një referendum që detyron kompanitë e mëdha të pronës të shesin mijëra banesa në qytet./OraNews.tv/ KultPlus.com
Seriali fitues i disa çmimeve, “La Casa de Papel”, u kthye më 3 shtator për gjysmën e parë të sezonit të tij të pestë dhe të fundit. Që nga sezoni i parë e më tej, grabitësit janë maskuar me maska që i ngjajnë artistit spanjoll Salvador Dali, i cili kishte një mustaqe të ekzagjeruar. Pse pamja e Dalit?
Epo, shumica e punës së Dalit u krijua gjatë lëvizjes “Dada” të Cyrihut, e cila u zhvillua në fillim të shekullit të 20-të dhe kishte të bënte me refuzimin e shoqërisë moderne kapitaliste.
Si pasojë, filozofitë e Dalit përputhen me etikën e hajdutëve në “La Casa de Papel”. Përveç dëshirës për t’u pasuruar, hajdutët në fakt planifikojnë t’i kthejnë paratë e tyre te njerëzit.
Për më tepër, publiku dëgjon rregullisht versionin e Manu Pilas të shfaqjes “Bella Ciao” gjatë shfaqjes. “Bella Ciao” është po aq e qëllimshme sa maskat e Dalit. Sipas “Arts and Terror” të Vladimir L. Marchenkov, “Bella Ciao” është një këngë popullore italiane që u miratua si himni i rezistencës antifashiste.
Përveç huazimit nga historia, “La Casa de Papel”, me popullaritetin e madh global, po ndikon gjithashtu në kulturë në kohë reale. Shfaqja nuk është thjesht për grabitësit e bankave, por edhe një histori për rezistencën. Në vitin 2019, për shembull, veshja e ekuipazhit e frymëzuar nga Dali ishte veshur nga protestuesit duke kërkuar që guvernatori i Porto Rikos, Ricardo Rosselló, të japë dorëheqjen.
Maria Hinojosa, producente ekzekutive e Latino USA në NPR, postoi një fotografi në Instagram të katër personave të veshur me kostumin e aktorëve në serial. Njerëzit e Porto Rikos i kuptojnë përdorimet dhe shprehjet e shumta të demokracisë. Le të shikojmë dhe të mësojmë nga bashkëqytetarët tanë amerikanë. Ky është një moment i jashtëzakonshëm dhe të gjithë duhet të pyesni veten pse nuk është kjo historia kryesore kudo. #Puertorico./ konica.al/ KultPlus.com
Jeta e tij është e lidhur tërësisht me artin. Për të, të qenit piktor është më shumë se dhunti, më shumë se një profesion, është arti i formëzimit të së bukurës, natyrës, njerëzores, në një tablo. Tepër modest për emrin që ka krijuar nëpër botë, Gjergj Kola është ndër piktorët më të talentuar shqiptarë. Kush e njeh atë dhe punën e tij nuk ngre dyshime për këtë fakt.
Emigroi në Greqi në vitet 90-të pa e ditur se ditë pas dite do të mund të bashkëjetonte me pasionin e tij, pikturën. Me pak fat e shumë këmbëngulje arriti të merrte punët e para në Greqi, e Itali, deri sa talenti i tij spikati dhe u vlerësua së tepërmi në mbarë botën. Sot jeton me familjen në Trentin, Riva del Garda, Itali, ndërsa puna dhe emri i tij ekspozohet në muzeumet më të famshëm të botës. Muzeu i Louvrit në Paris mban të ekspozuara pikturat e tij, ndërsa emra të njohur të botës së artit e politikës koleksionojnë pikturat e Kolës. Numëron mbi 160 ekspozita vetjake e kolektive; arti i tij kanë zënë vend në Galerinë Skryptir në Londër në Cassa Batlo në Barcelonë, në Universitetin e Bristol USA, në Art Museum Ny USA në Cikago, Toronto, Moske, e në shumë hapësira të tjera, ekspozohet një pjesë e konsiderushme e punës së Gjergj Kolës. Arti i tij karakterizohet nga thjeshtësia, ia dedikon vetë njeriut, duke e quajtur krijesën më të bukur të nënës natyrë. Në intervistën e mëposhtme Gjergj Kola na rrëfen më shumë për veten, familjen dhe pasionin e tij.
Z.Kola, sa vite u bënë që jeni larguar nga Shqipëria, dhe sa i vështirë ishte depërtimi në zhanrin e pikturës për një emigrant shqiptar?
Në gusht të këtij viti bëhen plot 30 vite që jam larguar nga Shqipëria. Pas shkatërrimit dhe vandalizimit të shkollës së Balldrenit në Lezhë ku punoja si mësues, në verën e vitit 1991 u largova për në Greqi. Fati e solli që të bëja një ndalesë në qytetin e Kozanit. Qysh në ditët e para në këtë qytet vizatimet dhe pikturat e mia më ndihmuan të depërtoj shumë shpejt në jetën kulturore dhe artistike të qytetit. Fillimisht në disa bashkëpunime të vogla me studio arti, galeri, muzeun e qytetit e dalëngadalë me skenografi në teatrin e qytetit, e në vazhdim u zgjerua aktivizimi edhe në qytetet e tjera sidomos në Selanik, dhe Athinë po edhe jashtë në Europë e më larg. Qyteti i Kozanit ku unë nisa karrierën time, ka një kulturë të avancuar muzikore, është vendi i origjinës së muzikantit austriak Fon Karagian, por gjithashtu është edhe vendlindja e skulptorit të popullit Odise Paskali.
Keni emigruar së bashku me familjen. Sa ju ka mbështetur bashkëshortja dhe fëmijët në karrierën tuaj?
Familja është gjithçka për mua, është kolona vertebrale e krijimtarisë sime artistike. Bashkëshortja, Vjollca është diplomuar për histori-gjeografi, por pati mundësinë në Itali të bëj studime plotësuese për artet kontemporane, kështu që e mbështet fuqishëm aktivitetin tim artistik, sidomos përfaqësimet në evente arti në hapësirën ndërkombëtare. Ajo është bashkautorë në librat e ilustruar që kemi botuar dhe ribotuar; “Legjendat shqiptare” në gjashtë gjuhë, shqip, italisht, anglisht, greqisht, rusisht, gjermanisht, dhe “Hypatia e Aleksandrisë “ të botuar e ribotuar në shqip, italisht, greqisht.
Sigurisht që në 30 vite keni realizuar dhjetra tablo, ju kujtohet piktura juaj e parë?
Punët që lindin nga ‘shpirti’ janë më të rëndësishmet në pikëpamjen emocionale, artistike, ndërsa porositë e njerëzve plotësojnë sferën e mbijetesës biologjikë dhe nuk korrespondojnë, janë dy gjëra të ndryshme. Fillimisht në Greqi kam vizatuar bujq në parcelat e duhanit, pijedashës në kafeteri të ndryshme, policë kur na mblidhnin në operacionet diskriminuese “fshesa”, dhe gradualisht mu dha mundësia të vizatoj personazhe të rëndësishme të jetës kulturore, akademike dhe politike në Greqi duke krijuar një bagazh dhe eksperience të rëndësishme të zgjeruar. Kam vizatuar drejtpërdrejt Heroin e Rezistencës greke kundër fashizmit të paharruarin, Manolis Glezos, mik edhe i vendit tonë. Puna ime zuri vend shpejt në Greqi në muzeume, galeri artesh, e koleksionistë të thjeshtë, por edhe të njohur duke më dhënë mundësinë e frymëmarrjes artistike dhe promovimin në nivele ndërkombëtare, fillimisht në vende europiane e në vazhdim edhe më larg.
Çfarë ju frymëzon në artin tuaj?
Magjia universale e natyrës me gjithçka të mrekullueshme të sajën, e në epiqendër njeriun me butësinë, dëlirësinë po edhe me egocentrizmin e pandalshëm të tij, përbëjnë subjektin në tërësi të studimeve, hulumtimeve dhe interpretimeve të mia artistike, i pavarur nga korrentit e modës në labirintet me dritëhije e kontraste të forta të artit.
Shumë nga pikturat tuaja janë ekspozuar në disa nga muzetë dhe galeritë më të njohura në botë. Na rendisni disa prej tyre dhe ndjesitë që keni përjetuar nga ky vlerësim?
Ajo që është më e rëndësishme në pikëpamjen artistike besoj se është fakti që arrita të mbijetoi artistikisht, si të thuash të tregoj dhe të them fjalën time, besoj se bëra të mundur të merret parasysh piktura ime edhe në sallone të rëndësishme ku shihet dhe ekspozohet arti kontemporan botëror në qytete e kryeqytete të rëndësishme të botës duke na dhënë emocione të thella dhe besim për sakrificat e jashtëzakonshme që kemi bërë.
Ju keni realizuar punime për njerëz të famshëm në Shqipëri dhe mbarë botën, na tregoni disa prej këtyre emrave dhe përshtypjet që keni marrë prej tyre?
Për mua njeriu i parë më i rëndësishëm që kam vizatuar dhe pikturuar është nëna ime që më lindi, që vuajti për të më rritur, edukuar e shkolluar. Janë në radhe tre VIP-at e tjerë të familjes time, bashkëshortja Vjollca, me dy fëmijët Iliriana e Sebastian, që më karikojnë shpirtërisht e fizikisht për vazhdimësinë e kësaj rruge magjike e aspak të lehtë. Të gjithë personazhet e tablove që kam realizuar janë miqtë e mi të dashur dhe i përkasin të gjitha shtresave të shoqërisë, fillojnë nga njerëz të thjeshtë si bujq e blegtorë, punëtorë, pacienteë në klinika e spitale, nxënës, studentë, profesorë, akademikë, priftërinj, hoxhallarë, politikanë, ministra e presidentë, shkencëtarë, artistë, stilistë, poet e shkrimtarë, të gjithë miq e dashamirës të artit tim.
Jam i mendimit se kur do të pikturosh një personazh, do të pikturosh historinë dhe veprën e tij, kështu që në pikëpamjen morale është përgjegjësi, kërkohet përqendrim, punë e madhe dhe teknikë. Për shembull nëse ke për të pikturuar një hero duhet të pikturosh heroizmin që ai ka bërë, kur do të interpretosh imazhin e Nënë Terezës duhet të njohësh sakrificat vetëmohuese të jashtëzakonshme të saj që ka shpëtuar mijëra njerëz nga uria dhe mizeria ekstreme; kur do ti referohesh imazhit të Papa Franceskos para së gjithash duhet të dish karakterin, temperamentin, urtësinë, inteligjencën, po edhe humorin e hirësisë së tij… Nëse do të flisnim për disa emra konkretë mund të përmend disa bashkëpunime me stilistët e njohur botërisht ‘Dolce&Gabbana’, shkrimtarin dhe ish ministrin Visar Zhiti, që për mua mbetet më i vërteti, më i spikaturi, më njerëzori shqiptar që kam vizatuar dhe pikturuar shumë herë duke pasur parasysh diskriminimin që i bënë kolegët dhe sistemi; Gavin Tulloch, shkencëtar dhe poet australian me famë botërore, Manolis Glesos, heroi i rezistencës kundër fashizmit, Papa Francesco,Victorio Zgarbi,Silvia Cupini, Baronesha Jiselda Salbu, artistë të shumtë etj.
Është e vështirë të jesh një piktor…Sa kohë ju merr realizimi i një tabloje?
Pas një pune shumë të madhe në teori dhe praktikë fiton një eksperiencë teknike që është e domosdoshme për të bërë të dukshëm emocionin sipas kritereve dhe stilit specifik. Në këtë kuptim ka raste që shprehja emocionale mund të jetë aq e fortë saqë për pak minuta mund të realizohen gjëra të bukura dhe të vështira teknikisht, aq sa mund të mundohesh për shumë kohë dhe mund të mos kesh rezultat.
Sa ekspozita keni hapur deri më sot?
Jam i ekspozuar në shume vende, në katër kontinente. Kemi të regjistruara 160 ekspozita personale dhe kolektive, por sigurisht që janë më shumë se kaq, pasi disa fondacione arti si në në Itali, Greqi, Francë, Norvegji, U.S.A disponojnë koleksione me punimet e mia dhe i ekspozojnë duke mos na informuar rregullisht.
Një tjetër aspekt i veprimtarisë suaj është edhe filantropia që lidhet kryesisht me donacione të ndryshme që keni bërë për individë, galeri e institucione. Pse kjo zgjedhje?
Donacionet janë pjesë e rëndësishme e çdo hapi në jetën time artistike pasi e konsideroj jo si luks, por si domosdoshmëri jetike, për këtë ne dhurojmë vepra për donacione, bamirësi, shtëpi jetimore, spitale, azile të moshuarish, shkolla, universitete si dhe institucione besimi në të gjitha vendet ku jemi ekspozuar.
Çfarë e dallon Gjergj Kolën në punën e tij, një element që e karakterizon artin tuaj në dallim dhe nga piktorët e tjerë?
Unë nuk mundem ti bëj analizë punës sime, as nuk mund të vetëklasifikohem se cilës rryme artistike i përkas. Mendoj se kjo është puna e ekspertëve dhe kritikëve të cilët shpesh herë janë të pabesueshëm në mendimet e tyre. Edhe ato të nivelit të lartë shpesh nuk dakordësohen, gjithsesi kjo nuk përbën problem për vijimin e krijimtarisë së një artisti, por përbën problem për tregun e artit i cili është shumë i ngarkuar me kamuflime dhe ingranazhe të pakontestueshme, dhe të pa adaptueshme nëse me të vërtetë do që të jesh vetvetja.
Në këndvështrimin tuaj sa vlerësohet arti në Shqipëri si nga institucionet ashtu dhe nga qytetarët?
Vendi ynë është një fidanishte intelektualësh dhe talentesh që fatkeqësisht nuk trajtohen mirë nga anomali ekstreme politike në vend, kështu detyrohen të sakrifikojnë shumë në emigrim dhe të japin frutat e talenteve e punës larg vendit tonë. Duhet të këtë një qasje më njerëzore, më konkrete, më të sinqertë dhe jo thjesht disa bashkëpunime që më shumë janë përkëdheli militanteske të disa artistëve apo intelektualeve, që implikohen dukshëm në konjukturat politike.
Si artist që jeni nuk besojmë se mund ti qëndroni indiferentë shumë situatave dhe lajmeve që kanë të bëjnë me artin dhe kulturën në Shqipëri. Një nga ngjarjet më të bujshme që ka ndodhur kohët e fundit ishte dhe vendimi për prishjen e godinës së Teatrit Kombëtar në qendër të Tiranës. Shumë artistë u pozicionuan pro e të tjerë kundër. Cili është qëndrimi juaj?
Fatkeqësisht është dëmtuar rëndë një pjesë e madhe e thesarit të trashëgimisë kulturore shqiptare. Në këtë aspekt edhe prishja e godinës së Teatrit Kombëtar është një gabim fatal të cilin e arritën ta bënin me shumë dhunë dhe arrogancë, ata që kanë pushtetin duke demonstruar një mungesë të madhe ndjeshmërie, kulture dhe mirëkuptimi. Duhej të dëgjoheshin ekspertët e ndershëm dhe të përgjegjshëm, duhet të mësojmë përfundimisht nga pasojat e shumta, dhe me dëshpërim dalim tek fjalët e Konicës, Fishtës, apo Nolit, shprehur në veprat e tyre për fatin e Shqipërisë. /konica/ KultPlus.com
Këngëtari i njohur nga Gjilani sapo ka publikuar këngën e tij më të re, njëherit edhe kënga e gjashtë në albumin e tij të katërt i cili do të publikohet po këtë vit, përcjell KultPlus.
Kënga mban titullin ”Kohë” dhe trajton një temë tejet të ndjeshme, atë të nostalgjisë.
Teksti, muzika dhe orkestrimi është realizur nga vetë këngëtari, ndërkaq në gitarë është Reshat Beqiri, kurse në Backvocal është Herolinda Bajrami.
“Asnjë e vërtetë nuk mund ta shërojë dhimbjen të cilën e ndjejmë kur e humbasim dikë që e kemi dashur. S’ka të vërtetë, s’ka sinqeritet, s’ka forcë, s’ka mirësi që mund ta shërojë atë dhimbje.
E gjitha që mund të bëjmë është të shohim përmes saj deri në fund dhe të mësojmë diçka prej saj, por ajo që do ta mësojmë nuk do të na ndihmojë në përballjen me dhimbjen tjetër, e cila vjen tek ne pa paralajmërim.”
“Nuk më intereson se çfarë do të bësh me mua, por vetëm nuk dua të më lëndosh. Tashmë kam pasur mjaftueshëm lëndime në jetën time. Më shumë se mjaftueshëm. Tani dua të jem e lumtur.”
“Nuk është se ne nuk përshtateshim. Ne thjeshtë skishim asgjë për të thënë.”
Leximi i jep trurit tuaj një “stërvitje” të ndryshme nga shikimi i televizorit ose dëgjimi i radios.
Nëse jeni të zhytur në një libër shumë interesant, apo thjesht shfletoni një manual udhëzimi për makinën tuaj të kafesë, “pjesë të trurit që kanë evoluar për funksione të tjera – të tilla si shikimi, gjuha dhe të mësuarit asociativ – lidhen në një qark të caktuar nervor për leximin, gjë që është shumë sfiduese”, tha për revistën Oprah, profesor Ken Pugh, president dhe drejtor i studimit të Haskins Labs. Ky zakon e nxit trurin tuaj të mendojë dhe të përqëndrohet.
Leximi e mban trurin tuaj të ri në moshë
Zhytja në një libër të mirë mund të heqë shumë vite nga mendja juaj, sipas një studimi të kohëve të fundit nga Qendra Mjekësore e Universitetit Rush, siç raportohet nga “Prevention”. Të rriturit që kalojnë kohën e lirë me aktivitete krijuese ose intelektuale (si leximi) kishin një ritëm më të ngadaltë, prej 32 për qind, të rënies së aftësive njohëse në fundin e jetës, se sa ata që nuk e bënin.
“Sjelljet e zgjuara e bëjnë trurin më efikas duke ndryshuar strukturën e tij për të vazhduar funksionimin e duhur, pavarësisht nga neuropatologjitë e lidhura me moshën”, tha Robert S. Uilson, profesor i neuropsikologjisë në Qendrën Mjekësore të Universitetit Rush.
Një tjetër studim i kohëve të fundit zbuloi se të rriturit më të mëdhenj në moshë që lexojnë ose luajnë rregullisht lojëra mendore, si shahu apo gjëzat, janë dy herë e gjysmë më pak të prirur të zhvillojnë sëmundjen e Alzheimerit.
Leximi largon stresin
Nëse zhyteni në një libër të mirë ju ulni nivelet e hormoneve të stresit si kortizoli. Në një studim britanik, pjesëmarrësit u angazhuan në një aktivitet që provokonte ankth, dhe më pas ose lexonin për disa minuta, ose dëgjonin muzikë, ose luanin lojëra video. Nivelet e stresit të atyre që lexuan ranë 67 përqind, gjë që ishte një rënie më e madhe sesa ajo e grupeve të tjera.
Ju pasuron fjalorin
Edhe në qoftë se keni qenë dekada që s’jeni shqetësur për provimet, ju ende mund të përdorni libra për të zgjeruar fjalorin tuaj mendor. Në fakt, studiuesit vlerësojnë se ne mësojmë pesë deri në 15 përqind të të gjitha fjalëve që njohim përmes leximit, sipas një raporti skolastik. Kjo është veçanërisht e rëndësishme për fëmijët, madhësia e fjalorit të të cilëve është direkt dhe dramatikisht e lidhur me librat që lexojnë.
Kuptojmë më mirë të tjerët
Tregimet që lexojmë ofrojnë perspektivë që ndryshon jetën, thonë studiuesit e Universitetit të York-ut. Përfshirja në jetën e personazheve forcon aftësinë tuaj për të kuptuar ndjenjat e të tjerëve. Për shembull, duke e parë botën nëpërmjet syve të Jane Eyre, mund ta bëni më të lehtë që të lidheni me pikëpamjen e motrës suaj.
Inkurajon për objektivat që keni në jetë
Leximi për një personazh që kapërcen pengesat mund t’ju motivojë për të përmbushur qëllimet tuaja, sipas një zbulimi nga studiuesit e Universitetit Shtetëror të Ohajos. Nëse dëshironi një ngritje në pagë, ndjekja e një personazhi në zyrën e shefit mund t’ju japë guximin për të bërë të njëjtën kërkesë. Sa më shumë që identifikoheni me një personazh dhe përjetoni ngjarjet sikur po ndodhnin me ju, aq më shumë do të jeni në gjendje për të ndërmarrë veprime.
Ndihmon të ndjeheni më të lidhur
Kur identifikoheni me personazhe në një libër, përjetoni një lloj marrëdhënieje të vërtetë që mund të rrisë ndjenjën tuaj të përfshirjes, thonë psikologët në Universitetin e Buffalos. Me fjalë të tjera, leximi i Marley & Me mund të rrisë bashkëpunimin me pronarët e qenve në park.
Mund t’ju ndriçojë ditën
Një fund i lumtur ju ngre humorin, por romanet mund të na nxisin ndjenja pozitive edhe në mënyra më direkte. Edhe ngjarjet më të vogla në rrëfime mund të na zbulojnë kujtime të ngrohta. A merr pjesë personazhi kryesor në një barbeky në plazh? Me shumë gjasë do të kujtoni një festë ku ju keni marrë pjesë. / KultPlus.com
Fëmijërinë e kaloi në Gjakovë, para se të jetonte në Prishtinë.
Ka diplomuar për Gjuhë dhe Letërsi dhe për Dramë. Ajo është ndër aktoret e para gra në Kosovë dhe aktiviste për të drejtat e grave.
Në 2013, ajo u dekorua me Medaljen Presidenciale të Meritave për karrierën e saj në teatër, dhe fushatën kundër analfabetizmit dhe për fuqizimin e grave përmes Shoqatës Motrat Qiriazi, të cilën e bashkëthemeloi me motrën e saj Igballe Rogova dhe bashkëshortin e ndjerë, kostumografin dhe skenografin, Nuredin Loxha.
Burimi: Albanian Women / Instagram dhe Oral History / KultPlus.com
Fotografja Melanie Issaka bëri serinë e saj “Gjetja e Personales’ në errësirë totale në dhomën e saj të gjumit, transmeton KultPlus.
Autoportretet e saj janë fotograme, një mënyrë për të bërë imazhe pa kamera. Ajo u shtri në letër fotografike dhe shkrepi pozat, duke regjistruar momente larg botës reale.
Issaka, e cila ka lindur në Gana dhe jeton në Londër, është magjepsur nga ajo që do të thotë të jesh e zezë, britanike dhe femër.
“Unë bëj pyetje për vendin tim në botë. Shoqëria na mëson të shikojmë veten përmes syve të të tjerëve; ne ndihemi si të huaj në trupin tonë. Kjo punë shqyrton marrëdhënien time me veten dhe hapësirën që zë. “
Më poshtë mund të gjeni disa nga imazhet e kësaj serie:
Në një intervistë të fundit për The Guardian, Angelina Jolie rrëfeu se asaj dikur iu desh të “shpëtonte” prej Harvey Weinstein, në fillimet e saj, pasi ai e ngacmoi. Përdhunuesi i dënuar Harvey Weinstein ka reaguar për këtë deklaratë, duke thënë se nuk e ka sulmuar kurrë Angelina Jolie-n.
“Nuk pati kurrë një sulm dhe as një përpjekje për të sulmuar,” –tha në një deklaratë për TMZ, Weinstein, i cili aktualisht po vuan një dënim 23-vjeçar për përdhunim dhe dhunë. “Është një publicitet i pavërtetë, vetëm për klikime. Ti je Angelina Jolie, çdo mashkull dhe femër në botë, jam i sigurt, tregon interes për ty. A po të sulmon e gjithë bota? Është shumë e qartë për mua se kjo është bërë për të sjellë më shumë shitje për librin e Angelina-s.”
Në intervistë, Jolie thotë se ajo i tregoi burrit të saj të parë, Jonny Lee Miller, për incidentin e pretenduar.
“Unë qëndrova larg dhe i paralajmërova njerëzit për të. Mbaj mend që i thashë Jonny -t, bashkëshortit tim të parë, i cili u tregua i mrekullueshëm, që t’ua përhapë fjalën djemve të tjerë – mos i lini vajzat të shkojnë vetëm me të,” tha Jolie.
Pretendimet e Jolie për Weinstein dolën ndërsa ajo po diskutonte problemet e vazhdueshme që kishte me ish-burrin e saj, Brad Pitt, që çuan në fundin e martesës së tyre. Ajo pretendoi se Pitt i kërkoi Weinstein të ishte producent në filmin e tij “Killing Them Softly “./lapsi.al/ KultPlus.com
Fundjavën që lamë pas, Enrique Iglesias njoftoi se albumi i tij i ardhshëm, i titulluar Final, mund të jetë i fundit për të.
Kantautori spanjoll e zbuloi lajmin për Ricky Martin dhe Sebastián Yatra, si dhe për miliona ndjekësit e tyre në Instagram, gjatë një bisede live që promovonte turneun e tyre të ardhshëm që do të nisë në fund të këtij muaji. Final pritet publikohet më 17 shtator.
“Mund të jetë albumi im i fundit,” –tha Iglesias. “Nuk është diçka për të cilën kam menduar gjatë muajve të fundit. Është diçka për të cilën kam menduar vitet e fundit. Do të ketë Vol. 1 dhe Vol. 2, por ato janë përfundimtare. Unë jam në atë moment në jetën time, atë kapitull në jetën time, ku mendoj se është koha e duhur për ta nxjerrë dhe kam menduar për këtë që nga viti 2015. ”
Edhe pse mund të jetë albumi i tij i fundit, Iglesias i siguroi fansat se kjo nuk do të thotë se ai do të ndalojë së bëri muzikë.
“Unë kurrë nuk do të ndaloj së shkruari këngë, sepse më pëlqen të shkruaj këngë, por do ta bëj në një mënyrë tjetër – që do të thotë se ato nuk duhet domosdoshmërisht të dalin si album – kështu që ky projekt për mua është i rëndësishëm.”
Së fundmi, Iglesias u bashkua me Farruko për hitin e verës “Me Pasé”, i cili u publikua në korrik dhe u bë kënga e tij e parë që nga viti 2019. Final Vol. 1 do të jetë albumi i 11-të në studio i Iglesias dhe do të pasojë “Sex and Love” të vitit 2014, i cili arriti numrin 1 në listën e albumeve më të mira latine të Billboard./ lapsi.al KultPlus.com
Përgatitjet për fillimin e vitit të ri shkollor 2021/2022 kanë qenë temë kryesore e diskutimit në një takim virtual në të cilin kanë marrë pjesë ministrja e Arsimit, Arbërie Nagavci, përfaqësues të Drejtorive Komunale të Arsimit, përfaqësues të SBAShK-ut dhe ata të Këshillit të Prindërve në Prishtinë.
Sipas njoftimit të MASHTI-t, Nagavci, citohet të ketë thënë se janë bërë të gjitha përgatitjet për fillimin e vitit të ri shkollor, megjithatë bazuar në situatën epidemiologjike çdo vendim do të merret duke i respektuar rekomandimet e profesionistëve shëndetësorë.
Ministrja bëri të ditur se është rishikuar udhëzuesi dhe protokollet për mësim në situatë pandemie derisa shtoi se në vizitat që ka zhvilluar në shkolla është informuar se janë të gatshme për fillimin e vitit shkollor.
Nagavci shtoi se, situata epidemiologjike në javët e fundit ka qenë e rënduar dhe vazhdon të mbetet e tillë, derisa ka përmendur rëndësinë e vaksinimit të mësimdhënësve dhe prindërve.
Besim Avdimetaj, kryetar i Kolegjiumit të DKA-ve, u pajtua që janë bërë përgatitjet për fillimin e vitit shkollor, ndërsa tha se vaksinimi i mësimdhënësve tashmë është në një përqindje të lartë, por do të merren për bazë rekomandimet e IKShP-së, Ministrisë së Shëndetësisë dhe Ministrisë së Arsimit.
Kryetari i SBAShK-ut, Rrahman Jasharaj, u shpreh se apeli i kësaj sindikate dhe MASHTI-t për vaksinim ka ndikuar pozitivisht te mësimdhënësit, të cilët janë të gatshëm për të filluar vitin e ri shkollor, me dëshirën që të krijohen kushte për mësim në shkolla, por nëse e imponon situata atëherë do të japin kontributin e tyre të plotë edhe në skenarin online.
Ndërkaq, kryetari i Këshillit të Prindërve në Prishtinë, Jeton Demi theksoi se presin që Udhëzuesi të jetë në harmoni me skenarët./KultPlus.com
Kështu e përshkruan qytetin e ëndrrave miliarderi Marc Lore: pastërtia e Tokio-s bashkë me diversiteti i New York-ut, shërbimet sociale të Stockholmit dhe jetesa e 5 milionë personave në të. E vetmja gjë për ta bërë realitet këtë ëndërr është financimi prej 400 miliardë dollarëve.
Ish- drejtuesi i Walmart gjatë javës së kaluar zbuloi planet për Telosa ( emri është i maruar nga greqishtja “telos” apo qëllim i lartë, term i përdorur nga filozofi Aristoteli ), një metropol që ai shpreson qw ta krijojë në shkretëtirën amerikane.
Ky plan prej 150,000 hektarëve premton arkitekturë miqësore me mjedisin, prodhim të qëndrueshëm të energjisë si dhe një sistem uji që është rezistent ndaj thatësirës. Po ashtu, pritet që banorët të kenë qasje në vendet e tyre të punës, shkolla dhe në paisjet esenciale (komoditetet) vetëm për 15 minuta larg nga shtëpitë e tyre sipas “dizajnit 15-minutësh të qytetit”.
Firma me famë botërore Bjarke Ingels Group (BIG), do të jetë realizatori i këti qyteti utopik, ku sipas imazheve ata synojnë hapsira të bollshme për t’u shfrytëzuar nga banorët, gjithashtu pritet ndalimi i automjetëve me lëndë djegëse fosile në qytet.
Faza e parë e ndërtimit do të strehonte 50,000 banorë dhe vjen me një kosto prej 25 miliardë dollarëve, ndërsa i gjithë projekti pritet të kaloj vleren 400 miliardë dollar. Planifikuesit shpresojnë t’u afrohen zyrtarëve shtetërorë “shumë shpejt”, me qëllim që të mirëpresin banorët e parë deri në vitin 2030.
Pos dizajnit të qytetit, premtohet edhe “një model i ri për shoqërinë”, ku do të ketë një qeveri transparente dhe banorëve do tu lejohet pjesëmarrja në vendimmarrje dhe në procesin e buxhetimit.
Miliarderi Lore e quan atë si “qyteti më i hapur, më i drejtë dhe më përfshirës në botë”. “Misioni i Telosa është të krijojë një të ardhme më të barabartë dhe të qëndrueshme. Ky ështe Ylli ynë i Veriut” – shkruan BBC news./KultPlus.com
Placido Domingo dhe Ermonela Jaho do të jenë të ftuar specialë në inaugurimin e Teatrit të Operas dhe Baletit më 15 shtator.
Lajmin e bëri të ditur ministrja e Kulturës Elva Margariti dhe drejtoresha Zana Çela në një konferencë për mediat ku po jep edhe detaje për eventin.
Gazetarja Leontina Nika bën të ditur se Ramë Lahaj dhe Gëzim Myshketa ende nuk e kanë konfirmuar prezencën ndërsa Saimir Pirgu nuk do të jetë i pranishëm pasi është i angazhuar në Londër.
Prezente nuk do të jetë në këtë mbrëmje gala as Inva Mula./KultPlus.com
Tirana do të mirëpresë këtë javë festivalin kulturor Shqipëri-Izrael, një event i jashtëzakonshëm që do të nxjerrë në pah artin shqiptar dhe atë izraelit, shkëmbimet historike ndërmjet popullit shqiptar dhe atij hebre dhe skenën vibruese artistike të Shqipërisë.
Festivali, i planifikuar në datat 12-21 shtator, do të sjellë një varietet eventesh dhe shfaqjesh në fushat e muzikës klasike dhe tradicionale, arteve figurative, fotografisë, letërsisë, kinematografisë, kostumografisë, etj.
Ky event vjen në 30-vjetorin e vendosjes së marrëdhënieve diplomatike ndërmjet Shqipërisë dhe Izraelit dhe do të shërbejë për të celebruar marrëdhëniet e ngrohta ndërmjet dy vendeve dhe ndërmjet dy popujve.
Festivali është një iniciativë unike në skenën kulturore shqiptare dhe ballkanike. Ndër pjesëmarrësit e këtij viti do jenë Klezmer Orchestra nga Izraeli, Kuartet Harqesh nga Filarmonia e Berlinit, Nitzan Bartana nga Orkestra e Bazelit (Zvicër), dirigjentja Suzana Turku “Mjeshtër i Madh”, Sivan Rotem nga Izraeli, e shumë të ftuar të tjerë të veçantë. Një pjesë e madhe e artistëve të ftuar nga jashtë vjen të performojë në Shqipëri për herë të parë.
Almira Emiri, Drejtore Artistike e Festivalit dhe pianiste shqiptare e mirënjohur në arenën evropiane dhe në Izrael, e cilëson eventin si një mundësi të artë promovimi për artin dhe kulturën.
“Arti izraelit dhe thesaret e kulturës botërore hebraike duhet dhe mund të jenë shumë më të pranishme në Shqipëri. Dhe anasjelltas: tradita e shkëlqyer kulturore dhe kreativiteti bashkëkohor i shqiptarëve duhet dhe mund të jetë shumë më i aksesueshëm për publikun izraelit. Duke sjellë së bashku kulturën dhe traditën nga Izraeli dhe Shqipëria, ky festival do të kontribuojë në dialogun ndërkulturor dhe ndërbreznor, si dhe të krijojë mundësi për të ushqyer tolerancë dhe diversitet”, shprehet ajo.
Anëtare Nderi e Festivalit është Avital Leibovich, Drejtore e Zyrës në Jeruzalem të Komitetit Hebre Amerikan (American Jewish Committee), e cila rishtazi mori titullin “Urdhëri i Skënderbeut” nga Presidenti i Republikës së Shqipërisë.
Leibovich e vë theksin te mundësitë dhe shkëmbimeve ndërmjet dy vendeve. “Marrëdhënia ndërmjet shqiptarëve dhe hebrenjve është unike, jo vetëm prej të shkuarës, por edhe prej të tashmes. Ngjashmëritë ndërmjet nesh janë më të mëdha se diferencat dhe arti është një mjet i fuqishëm në forcimin e marrëdhënieve ndërmjet njerëzve”, tha ajo.
Festivali kulturor Shqipëri-Izrael është një iniciativë e Qendrës Shalom në Shqipëri dhe mbështetet nga Ministria e Kulturës dhe Ministria e Jashtme e e Shqipërisë, Bashkia Tiranë, Ambasada e Izraelit në Tiranë, si dhe Komiteti Hebre Amerikan (American Jewish Committee) dhe Kongresi Hebre Amerikan (American Jewish Congress). /atsh/KultPlus.com
Fillimi i vitit 2020 mori me vete ikonën e muzikës shqiptare, Nexhmije Pagarushën, mirëpo këngët e saj vazhdojnë të dëgjohen e këndohen, pasiqë Pagarusha pas vetes la kryevepra artistike që nuk do të zhduken asnjëherë, shkruan KultPlus.
Kur flitet për Nexhmije Pagarushën, përdoren në një frymë shumë epitete si, Bilbili i Kosovës, Mbretëresha e Këngës Shqipe, Primadona e Melosit Popullor, e shumë epitete të tjera.
Repertori i saj interpretues është tejet i gjerë dhe i larmishëm. Veçohen këngët “Ani mori nuse”, “Kur më del në derë”, “Metelikun ta kam fal”, “Po të pres te dega e fikut”, “Mora testin”, “Kënga e Rexhës” etj.
Sot, KultPlus ua risjell tekstin dhe videon e këngës ‘Zani i tij prej së largu më thërret”:
Ndalu njëherë dhe vetëm një çast, Zani i tij prej së largu më thërret, Kam frikë mos është andërr thirrja e tij. Që këtë natë spo më lë m’u qetësu,
Dashnia që po m’thërret kaherë ka perëndu, Veç n’andërr më mundon nganjëherë, pa mëshirë.
Me mijëra dallëndyshe, kur fluturojnë, Kritht e tij dashnia pushoi. Kam ftu një prej zogjve me më shoqnu Zemrëm time të njomë me ndryshu
Dashnia që po m’thërret kaherë ka perëndu, Veç n’andërr më mundon nganjëherë, pa mëshirë.
Ndalu njëherë dhe vetëm një çast, Zani i tij prej së largu më thërret, Kam frikë mos është andërr thirrja e tij. Që këtë natë spo më lë m’u qetësu,
Dashnia që po m’thërret kaherë ka perëndu, Veç n’andërr më mundon nganjëherë, pa mëshirë./KultPlus.com
Edhe pak ditë kanë mbetur për regjistrim, dhe edhe këtë vit maturantët po shprehin interesim të jashtëzakonshëm ti bashkohen Kolegjit Universum. Me kampuse inovative, bursa ndërkombëtare dhe orare fleksibile pa shkëputje nga puna, Kolegji Universum mbetet vendi ideal për studime.
Regjistrimet po vazhdojnë! Eksploro Evropën gjatë studime, studio një semester në Evropë me të gjitha shpenzimet e mbuluara. Apliko këtu https://www.universum-ks.org/sq/apliko/
Regjistrimi mund të bëhet edhe online https://www.universum-ks.org/sq/apliko/ apo fizikisht në njëren nga kampuset e Kolegjit Universum në Prishtinë, Ferizaj dhe Gjakovë.
Kolegji Universum është kolegji më inovativ në Kosovë, i renditur në Top 1000 shkollat më të mira të biznesit në botë nga Agjencia Eduniversal. Institucion lider i ndërkombëtarizimit, i vetmi institucion nga Kosova që ka arritur numrin më të madhë të marrëveshjeve të financuara nga Komisioni Evropian. Apliko këtu https://bit.ly/2HuMame
Këtë vit Kolegji Universum ka shtuar dhe numrin e bashkëpunimeve me Universitetet Evropiane duke e ngritur në 395 numrin e BURSAVE Ndërkombëtare që do të ofrohen për këtë vit për studentë për shkëmbim në 26 shtete të BE-së.
462 studentë të Kolegjit Universum deri tani kanë përfituar shkëmbim semestral në 26 shtete të BE-së. Kliko këtu, shiko fotot e studentëve përfitues të bursave.
Filmi “Vera Andrron Detin” i regjisores Kaltrina Krasniqi do të jepet si premierë botërore në një nga festivalet më prestigjioze në botë, atë të Festivalit të Filmit të Venezia-s – “Venice Film Festival”.
“Vera Andrron Detin” është në konkurrencë zyrtare në programin “Orizzonti”, ndërsa president i jurisë është regjisorja boshnjake, Jasmila Zbaniç, e që premiera e këtij filmi do të jepet në këtë të mërkurë, shkruan KultPlus.
Filmi kosovar është nominuar në disa kategori, atë të “Filmit më të mirë”, “Regjisë më të mirë”, “Çmimin special të jurisë”, “Aktori dhe aktorja më e mirë” si dhe “Skenari më i mirë”.
Ky prodhim kinematografik është një film i metrazhit të gjatë me skenar nga Doruntina Basha dhe regji të Kaltrina Krasniqit.
Në film përditshmëria e qetë e Verës (64) çrregullohet nga vetëvrasja e papritur e burrit të saj që hapë rrugë për një paradë të padëshiruar kërcënimesh nga kushërinjtë që pretendojnë të kenë pronësi mbi shtëpinë e familjes së tyre në fshat. Kur tendencat e një skeme të nëntokës fillojnë të dalin në pah, bota e Verës përballet me rreziqe të cilat duket se do ta fundosin atë. Frika dhe mosbesimi, shtyjnë Verën të marrë fatin e familjes në duart e saj.
E zhytur në një atmosferë të tensionuar, “Vera Andrron Detin” është një portret intim por edhe universal i një gruaje e cila lufton një realitet të vrazhdë pabarazishë gjinore thellë të rrënjosura në shoqëri edhe në ditët e sotme’.
Filmi përbëhet prej një kasti aktorësh ku bëjnë pjesë; Teuta Ajdini Jegeni, Alketa Syla, Refet Abazi, Astrit Kabashi, Arona Zyberi, Aurita Agushi, Ilire Vinca, Xhevat Qorraj e disa të tjerë.
Filmi është bashkëprodhim në mes të Kosovës (Puntoria Kreative Isstra, Vera Films), Maqedonisë së Veriut (Dream Factory) dhe Shqipërisë (Papadhimitri Productions) i mbështetur nga Qendra Kinematografike e Kosovës, Agjencia e Filmit e Maqedonisë së Veriut dhe Qendra Kombëtare e Kinematografisë.
Kurse me film të metrazhit të shkurtë, Kosova për herë të parë ka marrë pjesë në këtë festival prestigjioz me filmin e Lendita Zeqiraj, e cila kishte marrë pjesë me filmin “Ballkoni”, po në kategorinë Orizzonti, pjesëmarrje që kishte ndodhë qysh në vitin 2013. / KultPlus.com
Presidentja e Republikës së Kosovës Vjosa Osmani, me rastin e 31 vjetorit të Kushtetutës së Kaçanikut ka vlerësuar se ‘në këtë ditë historike, jemi falënderues ndaj grave e burrave të Kosovës, të cilët 31-vjet më parë patën dijen, vizionin e guximin që ta miratojnë Kushtetutën e Kaçanikut, dokumentin përmbajtësor, me të cilin nisi krijimi i identitetit kushtetues e shtetëror të Republikës së Kosovës’, ka shkruar mes tjerash presidentja Osmani.
KultPlus e sjell të plotë reagimin e presidentes Osmani, lidhur me këtë datë historike.
Në këtë ditë historike, jemi falënderues ndaj grave e burrave të Kosovës, të cilët 31-vjet më parë patën dijen, vizionin e guximin që ta miratojnë Kushtetutën e Kaçanikut, dokumentin përmbajtësor, me të cilin nisi krijimi i identitetit kushtetues e shtetëror të Republikës së Kosovës. Të frymëzuar nga idealet e lirisë dhe demokracisë, delegatët e Kuvendit të Kaçanikut sfiduan guximshëm veprimet represive dhe kërcënimet brutale të regjimit të Serbisë, duke u bërë udhërrëfyes në rrugëtimin tonë për lirinë dhe pavarësinë e Republikës së Kosovës.
Tri dekada më parë, ëndrra e brezave për shtetin e Kosovës mori formë. Së pari Deklarata e 2 korrikut 1990 e pas saj Kushtetuta e Kaçanikut e bënë Kosovën Republikë, i dhanë kuptim thirrjes së hershme, kauzës sonë për liri, demokraci e shtet.
Urime Dita e Kushtetutës së Kaçanikut, e bëfshim Kosovën çdo ditë e më të mirë!/ KultPlus.com
Polonia ka ndarë 100 mijë vaksina Anti-COVID për Kosovën. Ndonëse nuk janë dhënë informacione për kohën kur vendi do të furnizohet me to, presidentja Vjosa Osmani ka bërë të ditur se autoritetet polake do t’i dhurojnë 100 mijë vaksina Pfizer për vendin.
Kosovës i janë ndarë edhe 100 mijë vaksina Anti-COVID falas.
Polonia ka vendosur t’i dhurojw 100 mijë vaksina Pfizer për vendin.
Kështu ka bërë të ditur presidentja Vjosa Osmani, teksa ka falënderuar të gjithë ata që i kanë qëndruar pranë Kosovës gjatë pandemisë.
“Për më tepër, sot u informova nga autoritetet polake se ata do të dhurojnë 100 mijë vaksina Pfizer në Kosovë. Faleminderit Polonisë dhe të gjithë aleatëve tanë që na qëndruan pranë në këtë kohë të vështirë për shkak të pandemisë”, ka shkruar ajo në Twitter./KultPlus.com
