Shqipëria është një vend, e cila deri vonë ishte anashkaluar në hartën e destinacioneve evropiane të pushimeve. Megjithatë, vitet e fundit, Shqipëria ka fituar popullaritet si një nga perlat e pazbuluara të Ballkanit, duke tërhequr turistët me historinë e sa të pasur dhe njerëzit mikpritës, shkruan në një artikull e përditshmja polake “Tychy.pl”.
Bukuria e natyrës së pazbuluar
Shqipëria ofron një peizazh jashtëzakonisht të larmishëm, duke filluar nga malet madhështore në pjesën veriore të vendit deri te plazhet e bukura dhe të paeksploruara në bregun perëndimor.
Deti Jon, me ujin e tij të pastër kristal, është një vend ideal për adhuruesit e diellit dhe detit.
Parku Kombëtar i Llogarasë është një parajsë për adhuruesit e trekking.
Historia dhe kultura e pasur
Historia e Shqipërisë është po aq e larmishme sa edhe peizazhi i saj.
Nga rrënojat e lashta si ato në Butrint e deri te kështjellat mesjetare të shpërndara në të gjithë vendin.
Qytete si Gjirokastra dhe Berati do t’ju befasojnë me arkitekturën e tyre osmane dhe zonat historike të listuara në UNESCO.
Banorë mikprites
Shqiptarët shquhen për mikpritjen dhe ngrohtësinë e tyre. Mos kini frikë të kërkoni ndihmë ose të kërkoni udhëzime, vendasit do të jenë të lumtur t’ju ndihmojnë, shpesh me një buzëqeshje në fytyrën e tyre.
Ekonomia dhe çmimet
Shqipëria është një nga destinacionet më ekonomike të pushimeve në Evropë.
Akomodimi, ushqimi dhe transporti janë shumë më të lira këtu sesa në destinacionet e tjera të njohura evropiane për pushime.
Përmbledhje
Shqipëria, një vend i kontrasteve, befason në çdo hap. A ia vlen ta duash këtë vend apo jo?
Kjo varet nga preferencat tuaja individuale. Nëse jeni në kërkim të autenticitetit, natyrës së paprekur dhe historisë së pasur, atëherë Shqipëria mund të jetë destinacioni i përsosur për pushimet tuaja të radhës.
Pavarësisht preferencave tuaja, një gjë është e sigurt; Shqipëria është një destinacion i jashtëzakonshëm në Ballkan, që ia vlen të zbulohet! /atsh/KultPlus.com
Presidentja e Republikës së Kosovës, Vjosa Osmani, e cila po qëndron në Neë York ku po mbahet sesioni i 78-të i Asamblesë së Kombeve të Bashkuara, ka zhvilluar një takim me kryeministrin e Libanit, Najib Mikati.
Në takim, Presidentja Osmani ka theksuar përkushtimin e Kosovës për formalizimin e marrëdhënieve diplomatike.
Presidentja Osmani e ka njoftuar kryeministrin Mikati edhe për zhvillimet e fundit në Kosovë.
Të dy bashkëbiseduesit diskutuan për mundësitë e bashkëpunimit në fushat e interesit të përbashkët.
Në takim me kryeministrin Mikati, Presidentja Osmani foli edhe për organizimin e edicionit të dytë të Forumit global të Grave, Paqes dhe Sigurisë që mbahet më 23 tetor të këtij viti dhe i bëri ftesë për pjesëmarrje atij dhe zyrtarëve të tjerë libanezë./KultPlus.com
Aktorja e famshme Angelia Jolie, ka bërë një postim në gjuhën shqipe, duke njoftuar se libri i saj “Njihni të drejtat tuaja dhe kërkojini ato”, i shkruar nga ajo, Amnesty International dhe Geraldine Vab Bueren, tanimë është publikuar edhe në Kosovë dhe në Shqipëri, shkruan KultPlus.
Përmes një publikimi në instagram, Jolie u është drejtuar ndjekësve të saj edhe në gjuhën shqipe.
“Për t’i kërkuar të drejtat tuaja, duhet t’i njihni ato. Neni 42 i Konventës për të Drejtat e Fëmijëve i detyron qeveritë të sigurohen që fëmijët dhe prindërit të jenë të vetëdijshëm për parimet dhe të drejtat e mbrojtura me konventë. Jam e lumtur që libri ynë për të drejtat e të rinjve tani është publikuar në Shqipëri, Kosovë, Poloni, Rumani dhe Moldavi, dhe ua dërgoj respektin tim të gjithë aktivistëve/eve që mbrojnë të drejtat e fëmijëve në rajon dhe që përdorin të drejtën e tyre të jenë të zëshëm.”, thuhet në shkrim./KultPlus.com
Presidentja e Kosovës Vjosa Osmani sot ka takuar Presidentin e Kenias William Ruto me të cilin ka biseduar për thellimin e marrëdhënieve mes dyja vendeve, shkruan KultPlus.
Lajmin për takimin me presidentin kenian e ka bërë të ditur vetë presidentja përmes një postimi në faebook.
“Kënaqësi të takoj Presidentin e Kenias, William Ruto për të diskutuar thellimin e marrëdhënieve midis dy vendeve tona. Mezi presim ndërmarrjen e hapave të përbashkët që do t’i afrojnë tutje vendet dhe popujt tanë”, thuhet në postimin e Presidentes.
Përndryshe Presidentja Osmani është duke qëndruar në një vizitë zyrtare në NewYork, me ftesë të Presidentit amerikan Joe Biden/KultPlus.com
Poezia “Poçari” e aktorit të madh shqiptar Dritëro Agollit, është një ndër poezitë më të njohura shqipe, e cila publikut shqiptar i është sjellë edhe në formë kënge nga këngëtari Selami Kolonja. Një interpretim mahnitës e sjell edhe ylli i kinematografisë shqiptare Margarita Xhepa, shkruan KultPlus.
Poezia “Poçari”, e Dritëro Agollit, ndër rreshta jep mesazhin e mallit të shqiptarit të dëbuar nga trojet e tij, prej armiqëve të kohës. Shkarja nga dora e vazos-poçit ndryshon rrjedhën e historisë, duke shpërthyer në lot mallëngjyes për gjuhën e nënës, nga e cila fati i kishte ndarë padrejtësisht. Këtë e tregon më së miri vargu “Fjala shipe s’blihet në pazar, në dyqan ka kohë që se kam ndjerë”.
KultPlus ju sjellë tekstin e plotë të kësaj poezie.
Vajta në Stamboll të bëj pazar, për kujtim të ble një vazo balte: – Paqe dhe selam, usta poçar, Vazon më të mirë po e pate Paqe dhe selam, usta poçar!
Vazoja nga dora shkau e ra Dhe m’u bë njëzet e pesë copë, Më erdhi rrotull deti Marmara Dhe m’u hap dyqani turk si gropë, Më erdhi rrotull deti Marmara.
Pa më shau poçari keq turqisht, Unë e shava shqip e mend i rashë; Për çudi poçari nuk u ligsht, Veç dy lot në sytë e kuq i pashë, Për çudi poçari nuk u ligsht!
Mos u çmend ky turk, ky musliman? Unë e shaj, ai me duar në qafë! Poçe tjetër mori në dyqan Dhe më tha: ” Më shaj, për besë, prapë!” Poçe tjetër mori në dyqan.
Psheretiu si unë: ” Jam shqiptar, Shqip, vëlla, ti shamë dhe një herë, Fjala shqipe s’blihet në pazar, Në dyqan ka vjet që s’e kam ndjerë, Fjala shqipe s’blihet në pazar!”
Ikën nga dyqani burra e gra, Unë e një poçar e tjetër s’kishte, Vazot frynte deti Marmara, Vazove poçari shqip u fliste, Vazot mbushte deti Marmara./KultPlus.com
Vargjet e poetit të madh shqiptar Dritëro Agollit tashmë janë ngulitur edhe në këngë të Ilir Shaqirit e Selami Kolonjës, kurse me një emocion të jashtëzakonshëm e sjell edhe aktorja e madhe shqiptare, Margarita Xhepa, shkruan KultPlus.
Poezia “Poçari”, është shkruar vite më parë nga poeti i njohur shqiptar Dritëro Agolli. “Fjala shqipe s’blihet në Pazar”, është një nga fjalitë e fuqishme të kësaj poezie që tregon rëndësinë e gjuhës për një mërgimtar. Kjo poezi tregon se si në një dyqan në Stamboll, një vazo e thyer nxjerrë një sharje në gjuhën shqipe, e që e shuan mallin e poçarit shqiptar për të dëgjuar qoftë edhe një sharje në këtë gjuhë.
KultPlus ju sjellë tekstin e plotë të kësaj poezie.
Vajta në Stamboll të bëj pazar, për kujtim të ble një vazo balte: – Paqe dhe selam, usta poçar, Vazon më të mirë po e pate Paqe dhe selam, usta poçar!
Vazoja nga dora shkau e ra Dhe m’u bë njëzet e pesë copë, Më erdhi rrotull deti Marmara Dhe m’u hap dyqani turk si gropë, Më erdhi rrotull deti Marmara.
Pa më shau poçari keq turqisht, Unë e shava shqip e mend i rashë; Për çudi poçari nuk u ligsht, Veç dy lot në sytë e kuq i pashë, Për çudi poçari nuk u ligsht!
Mos u çmend ky turk, ky musliman? Unë e shaj, ai me duar në qafë! Poçe tjetër mori në dyqan Dhe më tha: ” Më shaj, për besë, prapë!” Poçe tjetër mori në dyqan.
Psheretiu si unë: ” Jam shqiptar, Shqip, vëlla, ti shamë dhe një herë, Fjala shqipe s’blihet në pazar, Në dyqan ka vjet që s’e kam ndjerë, Fjala shqipe s’blihet në pazar!”
Ikën nga dyqani burra e gra, Unë e një poçar e tjetër s’kishte, Vazot frynte deti Marmara, Vazove poçari shqip u fliste, Vazot mbushte deti Marmara./KultPlus.com
Mes luginave pjellore, grykave, rrënojave të lashta dhe fshatrave malore, parku i parë kombëtar i lumit të egër në Evropë “Vjosa” përpiqet të balancojë turizmin dhe ruajtjen e siteve kulturore, shkruan në një artikull Alex Crevar të botuar në të përditshmen amerikane “The New York Times”.
Një udhëtim përgjatë lumit të Vjosës të Shqipërisë jugore, një nga rrugët ujore të fundit të Evropës, do të thotë të përshkosh një peizazh që duket si ndër shekuj.
Duke rrjedhur nga kufiri veriperëndimor i Greqisë në detin Adriatik, Vjosa derdhet në kanione dhe gryka të formuara nga pyje të thepisura lisash dhe bredhash.
Urat e lashta prej guri lidhin brigjet e saj, duke përshkuar ujërat bruz.
Në fillim të këtij viti, Shqipëria ndërmori një hap kritik drejt ruajtjes së siteve kulturore me ngritjen e Parkut Kombëtar të Lumit të Egër të Vjosës, i pari në Evropë dhe një destinacion i përfshirë në listën e “52 vendeve për të vizituar këtë vit”.
Qeveria shqiptare, Bashkimi Ndërkombëtar për Ruajtjen e Natyrës, organizatat joqeveritare nga fushata “Save the Blue Heart of Europe” dhe kompania amerikane e veshjeve rekreative në natyrë, “Patagonia” punuan së bashku për të mbrojtur 120 milje të lumit në Shqipëri dhe degët kryesore të tij.
Burimi i Vjosës prej 169 miljesh është në malet e Pindit të Greqisë.
Pas disa vitesh protestash kundër projekteve të minierave dhe digave dhe mbështetjes nga aktori hollivudian, Leonardo DiCaprio, klasifikimi i parkut ishte një fitore.
“Mbështetja jonë për Vjosën u rrit kur filluam partneritetin me qeverinë shqiptare në vitin 2021, për të bërë diçka që nuk ishte bërë më parë”, tha Ryan Gellert, shefi ekzekutiv i “Patagonia”.
Sipas Gellert, plani parashikon që parku të jetë plotësisht funksional, me një qendër për vizitorët dhe stafin në vitin 2024.
Si për vendasit ashtu edhe për turistët, klasifikimi i parkut është një ndihmë, nëse jo një shpëtim.
Në një vend tashmë të njohur për ushqimin e tij, territori i Luginës së Vjosës e vendos atë në krye të listës.
Frutat dhe perimet e freskëta, trofta, mjalti i malit, qengji, vera, viçi, rakia, djathërat dhe barishtet janë me bollëk, së bashku me mikpritjen ballkanike.
Parku i ri përfshin degët e Vjosës, një lumë rreth 250 milje dhe më shumë se 31,000 hektarë: një ekosistem me rreth 1,200 specie, 15 prej të cilave janë në rrezik zhdukjeje.
“Dhjetë vjet më parë, të gjithë po iknin nga fshatrat”, shkroi në një email Mirela Kumbaro, ministrja e Turizmit dhe Mjedisit e Shqipërisë.
“Tani kemi gjithnjë e më shumë njerëz që po kthehen nga emigrimi në fshatrat e tyre, për të hapur bujtina, agroturizëm dhe ferma bujqësore”, shkruan ajo.
“E shoh të ardhmen e turizmit si miqësore me mjedisin, me njerëz që do ta vlerësojnë natyrën si një pasuri të paçmuar”, shtoi Kumbaro.
Lugina ishte e mbushur me vizitorë kur bëra ndalesën time të parë në qytetin e Përmetit, i cili shtrihet në një kthesë të Vjosës rreth 20 milje nga kufiri grek.
“Vjosa n’Fest”, edicioni i dytë vjetor, organizohej në ish-qendrën tregtare osmane, të quajtur “Qyteti i Trëndafilave”, që po kthehet në një qendër aventurash.
Formacioni i festivalit përfshinte performanca muzikore, ecje me guidë, kalërim, çiklizëm dhe rafting.
Në gjysmën e ekspeditës triorëshe, ne zbritëm në një plazh me guralecë.
Pas nesh, ndodhej Maja e Papingut 2489 m, pika më e lartë në vargmalin e Nemerckës.
Vendasit e quajnë malin me emrin e tij mitik: “Maja e Dritës”.
Ky vend shkëlqen kryesisht me bujtinat e tij lokale, ndërveprimet lokale dhe zbulimet e pashkruara.
Kombinimi i mikpritjes dhe potencialit të pashfrytëzuar e bën dehëse Luginën e Vjosës, relativisht të pazbuluar.
Gjithashtu, krijon kushte pjellore për një turizëm të jashtëzakonshëm.
“Turizmi masiv dhe urbanizimi është një rrezik”, tha Andrej Sovinc, një ekspert i zonave të mbrojtura në Unionin Ndërkombëtar për Ruajtjen e Natyrës, organizata që e klasifikoi Vjosën si një park kombëtar.
“Për të adresuar këtë, ne po projektojmë një plan për zhvillimin e qëndrueshëm të turizmit në dhe rreth W.R.N.P Vjosa, që vë në fokus banorët vendas dhe ruajtjen e vlerave natyrore dhe kulturore”, tha ai.
Udhëtimi tjetër ishte një orë shëtitje në jug të Përmetit deri në kishën ortodokse të Shën Mërisë, të shekullit të XVIII në vendbanimin kodër të Leusës.
Kisha me tri nefshe, me gurë e tulla, e cila ka një ikonostas druri të gdhendur në mënyrë të ndërlikuar, është e mbushur me afreske dhe murale.
Më pas, vizituam kanionin e ngushtë të Lengaricës, që ndodhet në lumin e Lengaricës, një degë e Vjosës dhe një sërë burimesh të nxehta pranë fshatit Benjë.
Kemi ecur pranë urës Katiu të epokës osmane, e cila formon banjat më të mëdha termale, tashmë të mbushura me njerëz.
Secila nga gjashtë banjat e squfurit ka një përfitim të veçantë mjekësor.
Të nesërmen, ne bëmë një ecje 45-minutëshe nga qyteti buzë lumit të Kelcyrës deri te mbetjet e një fortese ilire 2400-vjeçare në një kreshtë me pamje nga Vjosa.
Në vizitën time të fundit, ndoqa rrugën e re të çiklizmit 675 milje të UNESCO-s, një pjesë e së cilës kalon përmes pellgut të Vjosës deri në fundin e detit Adriatik.
Udhëtimi, rreth 30 milje në ditë për tre ditë, filloi në Gjirokastër, një vend i Trashëgimisë Botërore të UNESCO-s, i njohur për karakterin e tij arkitekturor tipik të periudhës osmane.
Ndërtesat me çati të qytetit janë të shtrira përgjatë lumit të Drinit, një nga degët e reja të mbrojtura të parkut.
Vendlindja e shkrimtarit, Ismail Kadare dhe e diktatorit Enver Hoxha, “Qyteti i Gurit” gumëzhinte nga vizitorët që endeshin në kështjellën e shekullit të XIII dhe në rrugët e pjerrëta me kalldrëm të pazarit.
Gjurmët vazhdonin në veri përgjatë Drinit, duke kaluar Parkun Arkeologjik të Antigonesë prej 222 hektarësh, ku blloqet e gurit përshkruajnë qytetin e lashtë grek.
Shtegu ndiqte një rrugë shtetërore me ngjitje rrotulluese dhe zbritje gjithëpërfshirëse që hapeshin në lugina.
Në qytetin e Tepelenës, një kështjellë e shekullit të XIX qëndronte roje pranë bashkimit të Drinit dhe Vjosës.
U ndala në shtëpinë e mysafirëve Lord Byron, siç e quante poeti anglez që vizitoi qytetin në vitin 1809.
“Pamja e jashtëzakonshme e Vjosës përfshin mjedisin, rritjen ekonomike dhe ekuilibrin mes tyre”, tha Rezarta Bare, këshilltare për turizmin për Agjencinë Gjermane për Bashkëpunim Ndërkombëtar në Shqipëri.
“Historia e vërtetë ka të bëjë me njerëzit. Njerëzit e këtij rajoni janë të ngrohtë dhe të sjellshëm, mishërimi i mikpritjes së jugut të Shqipërisë. Biseda rreth Vjosës është e rëndësishme sepse hedh dritë mbi cenueshmërinë e njerëzve, natyrës dhe kulturës, të gjitha të ndërthurura në këtë lumë të egër”, shtoi ajo.
Lumi përfundonte në veri të Vlorës, qyteti i dytë më i madh bregdetar i vendit, i themeluar nga grekët 2600 vjet më parë.
Në Zonën e Mbrojtur Vjosa-Narta, e cila mbulon rreth 50,000 hektarë midis deltës së Vjosës dhe lagunës së Nartës, hapësira ngjason me një parajsë për shpendët; me afro 200 lloje, duke përfshirë flamingot, një habitat kritik migrator.
Vjosa është gjithashtu qendra e një polemike të fundit, pasi qeveria ka filluar ndërtimin e një aeroporti të ri brenda zonës së mbrojtur. /atsh/KultPlus.com
Ministri i Kulturës, Rinisë dhe Sportit, Hajrulla Çeku ka prezantuar konceptin zyrtar të organizimit të Lojrave Mesadhetare “Prishtina 2030”, nga ku ka bërë të ditur se MKRS ka ndarë 253 euro për organizimin e këtyre lojërave, historike për sportin kosovar, shkruan KultPlus.
Ministri Çeku ka uruar komunitetin sportiv për këtë arritje, pasi sipas tij angazhimi i institucioneve shtetërore, do të ishte pa rezultat, po të mos ishin sukset e tyre ndërkombëtare ndër vite.
“Uroj të gjithë komunitetin sportiv për këtë arritje historike e cila refleton vullnetin talentin dhe punën e deritanishme të sportistëve tanë. Vetëm me një fitore të këtij lloji për organizimin e një gare multisporive në vend, kështu edhe ne të tjerët mund të jemi në linjë me punën dhe përkushtimin tuaj ndër vite andaj të dashur sportistë, urime të gjithëve nga zemra, para së gjithash juve sepse i gjithë ky sukses, i gjithë ky angazhim i organizatave sportive shtetërore e institucionale do të ishte pa rezultat sikur t mos ishin puna dhe sukseset tuaja ndërkombëtare ndër vite”, ka thënë ministri Çeku/KultPlus.com
Nga data 15 deri më 19 nëntor do të zhvillohet Panairi i 26 i LIBRIT. Mes shumë aktiviteteve, një nga ata që pritet me shumë interes, është edhe konkursi i Çmimeve të Panairit.
Juria këtë vit përbëhet nga personalitete të letërsisë dhe kulturës:
Arta Marku – gazetare e kulturës, përkthyese – kryetare
Aristotel Spiro – përkthyes, gjuhëtar
Enkel Demi – shkrimtar
Erion Kristo – pedagog, përkthyes
Monika Stafa – gazetare e kulturës
Autori, përkthyesi, libri më i mirë për fëmijë etj. i vitit 2023 do të përzgjidhen për këto çmime te mirepritura.
Në konkurrim do të përfshihen të gjitha botimet pas Panairit të 25 të Librit (dhjetor 2022 – nëntor 2023), përjashtuar ribotimet. Mund të futen në garën e çmimeve me librat e tyre të gjithë botuesit shqiptarë nga Shqipëria, Kosova apo Maqedonia, pjesëmarrës në Panair.
Shumë libra janë paraqitur dhe shumë të tjerë priten ende. Data e fundit e dorëzimit të librave është 3 nëntor 2023./express/KultPlus.com
Në mesin e muajit shtator rifilluan sërisht gërmimet arkeologjike në parkun arkeologjik të Finiqit. Projekti i përbashkët arkeologjik shqiptaro-italian i ka përqendruar kërkimet e tij në zonën publike të qytetit antik, aty ku në periudhën Perandorake Romake mendohet të jetë zhvilluar Forumi.
Strukturat që po nxjerrin gërmimet arkeologjike dëshmojnë për godina monumentale, të cilat në zonën e pjerrët qëndronin mbi tarracime. Zona është e aksesueshme për vizitorët që zgjedhin të vizitojnë parkun arkeologjik të Finiqit. Në këtë park paralelisht me gërmimet arkeologjike, nga DRTK Vlorë janë kryer ndërhyrje restauruese, si dhe është rinovuar e gjithë infrastruktura e parkut me tabela shpjeguese e orjentuese.
DRTK Vlorë fton të apasionuarit ndaj arkeologjisë të përfitojnë nga prania e arkeologëve gjatë muajit shtator dhe të vizitojnë parkun arkeologjik të Finiqit./atsh/KultPlus.com
Pesë kështjella daneze në formë unazore nga epoka e vikingëve janë shtuar në listën e trashëgimisë botërore të UNESCO-s.
Qytetet u ndërtuan midis viteve 958 dhe 987 gjatë kohës së mbretit viking Harald Blåtand,si regjent, njoftojnë mediet skandinave, transmeton RTKlive.
Kështjellat unazore janë disa nga mbetjet arkeologjike më të shquara nga epoka e vikingëve në Danimarkë.
Pesë kështjellat janë të përhapura në të gjithë Danimarkën: Aggersborg dhe Fyrkat në veri të Jylland-it, Nonnebakken në Ishullin Fyn, Borgring në Själland dhe Trelleborg afër Slagelse në Västsjälland.
“Është hera e parë që Danimarka me forca të veta po përpiqet ta zërë një vend në listën e trashëgimisë botërore. Kështjellat vikinge janë kandidatë për gjeometrinë unike dhe për dëshminë e ndërtimit në Danimarkë që njohim nga historia. Unë angazhohem për ngritjen e interesimit dhe zgjerimin e njohjes së historisë së Danimarkës në botë”, deklaroi ministri i Kulturës së Danimarkës, Joy Mogensen./rtk/KultPlus.com
Ekspozita “Foodprint: The Mediterranean Diet Revisited”, bazohet në një projekt ndërmedial nga gjashtë fotografë që fokusohen në dietën mesdhetare, një traditë e vjetër ushqimore me plot kreativitet dhe sezonalitet.
Ekspozita fotografike që u çel edhe në Tiranë përcolli mesazhin pse dieta mesdhetare është e rëndësishme për jetën tonë sot.
Eventi i organizuar në Tiranë, me mbështetjen e BE në Shqipëri në bashkëpunim me institucionet e linjës, solli në një panel diskutimi, përfaqësues të ndryshëm të linjës që trajtuan çështje në këndvështrime të ndryshme nën titullin “Më trego çfarë ha, të të them se kush je”.
Ekspozita paraqiti workshops, dokumentarë dhe përvoja të paharrueshme kulinare.
Duke lidhur Shqipërinë, Greqinë, Italinë, Spanjën, Portugalinë, Marokun, Qipron dhe Kroacinë, projekti bazohet në fotografitë e pesë fotografëve që sjellin të gjallë këtë traditë të vjetër ushqimore të bazuar në kursim, kreativitet, ndarje dhe sezonalitet. Imazhet e tyre kërkojnë të frymëzojnë ndryshimin dhe të na inkurajojnë të lidhemi me të kaluarën e rajonit dhe të tashmes së Mesdheut, i cili ofron një nga dietat më të shëndetshme dhe më të qëndrueshme në botë.
Me imazhe të kundërta dramatike nga fshatrat e izoluar të peshkimit në fshatrat malore dhe shkollat moderne të kuzhinës, krijuesit eksplorojnë tema të ndryshme si qëndrueshmëria, identiteti, familja, komuniteti, gatimi, bujqësia, shëndeti dhe kreativiteti./ atsh / KultPlus.com
Baleti Kombëtar i Kosovës ka filluar fazën e parë të projektit më ambicioz që BKK ka realizuar ndonjëherë.
Në Prishtinë do të vihet në skenë për herë të parë “Arrthyesi”, një nga shfaqjet më të famshme të repertorit botëror të baletit klasik.
Koreograf është primabalerini shqiptar me renome ndërkombëtare, Ilir Kerni (Nderi i Kombit).
Kjo vepër do të realizohet në bashkëpunim me Orkestrën e Filharmonisë së Kosovës, dhe siç e do zakoni do të shfaqet para publikut në dhjetor, afër festave të fundvitit. / KultPlus.com
Pas vitesh kërkimi, piktura e Vincent Van Gogh “Kopshti i shtëpisë së famullisë në Neunen në pranverë” (1884), e cila u vodh nga Muzeu Singer Laren në Amsterdam në mars 2020, është gjetur më në fund.
Piktura u zhduk nga muzeu vetëm disa javë pasi institucioni u mbyll për shkak të pandemisë Covid-19. Edhe pse i dyshuari u arrestua një vit më vonë, vepra, e cila ishte huazuar nga Muzeu Groninger aty pranë, nuk ishte gjetur.
Megjithatë, Arthur Brand, një detektiv i famshëm holandez i specializuar në veprat e artit të munguara, arriti të gjurmojë pikturën e Van Gogh dhe ta marrë atë nga një person i paidentifikuar.
Kur i erdhi në duar piktura ishte e mbështjellë me një këllëf jastëku dhe u fut në një kuti, shkruan ArtNet.
Detektivi privat, i cili deri më tani ka ndihmuar në gjetjen e më shumë se 200 veprave të artit të vjedhura, thotë se personi që ktheu pikturën nuk ishte i përfshirë në vjedhje. / KultPlus.com
Elvin Hoxha, një nga violinistët më të talentuar e të kuotuar të planetit, ka fituar çmimin prestigjioz në një nga garat më të rëndësishme ndërkombëtare, duke përfaqësuar Shqipërinë.
Bëhet fjalë për konkursin ndërkombëtar “Szymanowski” që zhvillohet në Katovicë të Polonisë, ku Elvin Hoxha fitoi çmimin e dytë.
Elvini, një artist tashmë i rritur plotësisht profesionalisht, ka qenë një talent i spikatur që i vogël, por që jetën e tij e ka të angazhuar thuajse non stop me studim dhe kompeticione ndërkombëtare. Djali i një muzikanti nga Shkodra, Hajredin Hoxhës, pjesëtar i një familje të njohur intelektuale e qytetit, dhe një muzikante nga Azerbaxhani, Elvini është rritur në kryeqytetin turk, Ankara, ku dhe prindërit punonin si pjesëtar të Filarmonisë së Turqisë.
Ndërkaq, sot, Elvini jeton në Gjermani, ku nuk resht së marri mësime në nivelet e larta të konservatorit nga pedagogë nga më kryesorët në Evropë.
Shqipëria është hera e parë që merr një çmim kaq prestigjioz në konkursin “Szymanowski International Competition./GazetaTema / KultPlus.com
Edicionii 6-të me radhë i PrIVocalFest po vjen. Ky festival, edicionin e parë e filloi në vitin 2018 dhe vazhdoi rrugëtimin e tij duke sjellë në skenën tonë artistë të ndryshëm vendor dhe të huaj, poashtu duke ju dhënë vëmendje edhe artistëve të rinjë.
“Jemi të lumtur që edhe këtë vit do e pasurojmë skenën me vokale të shquara që muzikalitetin e tyre e shprehin nëpërmjet veprave të ndryshme të kompozitorëve të huaj, duke mos i anashkaluar edhe kompozitorët shqiptarë”, thuhet në njoftim.
Ky edicion do shpalosë shtatë netë me program të pasur, ku secila natë do të ketë veçoritë e veta dhe njëra nga netët do i dedikohet veçanërisht artistëve të rinjë.
Programi i detajuar i edicionit të 6-të:
~04 TETOR | OCTOBER – LUCIANO BERIO SONGS AND MORE… E MËRKURË, 20:00 | WEDNESDAY, 8.00PM AMFITEATRI I RI I BIBLIOTEKËS UNIVERSITARE – PRISHTINË, KOSOVË THE NEW AMPHITHEATER OF THE UNIVERSITY LIBRARY – PRISHTINA, KOSOVO PRISHTINË, REPUBLIKA E KOSOVË | PRISHTINA, REPUBLIC OF KOSOVO
PRIMODERN Ensemble FLAKA GORANCI, mexosoprano | mezzosoprano (AUSTRI | AUSTRIA) KUSHTRIM GASHI, dirigjent | conductor (REPUBLIKA E KOSOVË – GJERMANI | REPUBLIC OF KOSOVO – GERMANY)
~06 TETOR | OCTOBER E PREMTE, 20:00 | FRIDAY, 8.00PM KLAN ARENA PRISHTINË, REPUBLIKA E KOSOVË | PRISHTINA, REPUBLIC OF KOSOVO
KORI DHE ORKESTRA E FILHARMONISË SË KOSOVËS KOSOVO PHILHARMONIC CHOIR AND ORCHESTRA KORI I PËRZIER I SELANIKUT MIXED CHOIR OF THESSALONIKI
BESA LLUGIQI, soprano (REPUBLIKA E KOSOVËS | REPUBLIC OF KOSOVO) ALBANE CARRERE, mexosoprano | mezzosoprano (FRANCË | FRANCE) PABLO KARAMAN, tenor (ITALI | ITALY) JULIAN KONSTANTINOV, bariton | baritone (BULLGARI | BULGARIA) MARY KONSTANDINIDOU, dirigjent | conductor (GREQI | GREECE)
~08.10.2023 – YOUNG ARTISTS E DIEL, 20:00 | SUNDAY, 8.00PM AMFITEATRI I RI I BIBLIOTEKËS UNIVERSITARE – PRISHTINË, KOSOVË THE NEW AMPHITHEATER OF THE UNIVERSITY LIBRARY – PRISHTINA, KOSOVO PRISHTINË, REPUBLIKA E KOSOVË | PRISHTINA, REPUBLIC OF KOSOVO
KEJSI HAXHIJA, soprano (SHQIPËRI | ALBANIA) SHINASI RAMADANI, tenor (MAQEDONIA E VERIUT | NORTH MACEDONIA) HARRIS BAJRAKTARI, bariton | baritone (REPUBLIKA E KOSOVË | REPUBLIC OF KOSOVO) MELOS BUZA, piano (REPUBLIKA E KOSOVË | REPUBLIC OF KOSOVO)
~10.10.2023 – EARLY MUSIC NIGHT E MARTË, 20:00 | THURSDAY, 8.00PM AMFITEATRI I RI I BIBLIOTEKËS UNIVERSITARE – PRISHTINË, KOSOVË THE NEW AMPHITHEATER OF THE UNIVERSITY LIBRARY – PRISHTINA, KOSOVO PRISHTINË, REPUBLIKA E KOSOVË | PRISHTINA, REPUBLIC OF KOSOVO
ISMET VEJSELI, tenor (MAQEDONIA E VERIUT | NORTH MACEDONIA) Mysafire | Guest DEA HAMDIU, mexosoprano | mezzosoprano (REPUBLIKA E KOSOVË | REPUBLIC OF KOSOVO)
~11.10.2023 E MËRKURË, 20:00 | WEDNESDAY, 8.00PM AMFITEATRI I RI I BIBLIOTEKËS UNIVERSITARE – PRISHTINË, KOSOVË THE NEW AMPHITHEATER OF THE UNIVERSITY LIBRARY – PRISHTINA, KOSOVO PRISHTINË, REPUBLIKA E KOSOVË | PRISHTINA, REPUBLIC OF KOSOVO
ANSAMBLI VOKAL ATTACCA | VOCAL ENSEMBLE ATTACCA
ADELINA PALOJA, soprano (REPUBLIKA E KOSOVË | REPUBLIC OF KOSOVO) ELONA SADIKU, soprano (REPUBLIKA E KOSOVË | REPUBLIC OF KOSOVO) ISMET VEJSELI, tenor (MAQEDONIA E VERIUT | NORTH MACEDONIA) HAJRULLAH SYLA, dirigjent | conductor (REPUBLIKA E KOSOVË | REPUBLIC OF KOSOVO)
~13.10.2023 E PREMTE, 20:00 | FRIDAY, 8.00PM AMFITEATRI I RI I BIBLIOTEKËS UNIVERSITARE – PRISHTINË, KOSOVË THE NEW AMPHITHEATER OF THE UNIVERSITY LIBRARY – PRISHTINA, KOSOVO PRISHTINË, REPUBLIKA E KOSOVË | PRISHTINA, REPUBLIC OF KOSOVO
ZOYA PETROVA, soprano (RUSI – SLLOVAKI | RUSSIA – SLOVAKIA) ANDI DURAKU, PIANO (REPUBLIKA E KOSOVË | REPUBLIC OF KOSOVO)
~14.10.2023 – ZËRI I RRËNJËVE E SHTUNË, 20:00 | SATURDAY, 8.00PM DEFY THEM PRISHTINË, REPUBLIKA E KOSOVË | PRISHTINA, REPUBLIC OF KOSOVO
CEYLAN TACI, vocal | vocal (BELGJIKË | BELGIUM) ASTRIT STAFAI & Friends (REPUBLIKA E KOSOVË | REPUBLIC OF KOSOVO). / KultPlus.com
Mbrëmë, në një ceremoni solemne, në ambientet e Holiday Resort – “Buquku”, në Sllatinë të Fushë-Kosovë, në prani të përfaqësuesve të lartë shtetërorë, krijuesve, artistëve të njohur botërorë, dashamirësve të artit dhe kulturës, studentëve dhe artdashësve, u bë hapja e Festivalit Ndërkombëtar “Euro Kosova Art”, edicioni i 12-të.
Drejtori i këtij festivali, Muhamet Ahmeti-Metis, tha se artistët që kanë ardhur nga vendet e largëta në Kosovë, për një javë, sa do të zgjasë aktiviteti, do të prezantojnë artin e tyre, do të njihen me artefaktet dhe kulturën tonë të lashtë dhe këto të fundit do t’i promovojnë në arenën ndërkombëtare, si dhe do të bëjnë këmbimin e eksperiencave artistike.
Të gjithë artistët pjesëmarrës, përveç aktiviteteve të tjera, në këtë ambient ku jemi, do të krijojnë vepra artistike, piktura, fotografi etj. dhe në fund të javës, më 22 shtator, do ta hapim ekspozitën kolektive.
Ndërsa, nënkryetari i komunës së Fushës-Kosovës, Besnik Osmani, i fascinuar me pjesëmarrjen e artistëve, tha se ky festival është një mundësi e mirë që artistët tanë të krijojnë njohje dhe bashkëpunime me artistët ndërkombëtarë. Andaj komuna e Fushë-Kosovës, aktivitetet e tilla që organizohen në nivel profesional i mbështet pa rezervë.
Në hapje dhe risi e këtij edicioni është paraqitja art trupi me modelen nga Ukraina Inaya Asya, nga artistja Mishel Valcheva nga Bullgaria. Më pastaj u paraqitën edhe disa pika skenike nga aktorët e rinj, Arbnora Ademi dhe Çlirim Shabani, si dhe vallëzim tradicional nga “Zëri i Kosovës” nga Fushë-Kosova.
Sponsor i Festivalit të 12-të Ndërkombëtar “Euro Kosova Art” janë Ministria e Kulturës, Rinisë dhe Sporteve të Kosovës dhe komuna e Fushë Kosovës. Festivali do të jetë i hapur nga 17-22 shtator 2023. / KultPlus.com
Presidentja e Republikës së Kosovës, Vjosa Osmani, e cila po qëndron në New York ku po mbahet sesioni i 78-të i Asamblesë së Kombeve të Bashkuara, nën organizimin e aktivistit të mërgatës shqiptare dhe shërbimeve filantropike, z. Mark Gjonaj, ka takuar një grup të organizatave të komunitetit shqiptarë nga Kosova, Shqipëria, Maqedonia e Veriut, Presheva, Medvegja, Bujanovci dhe Mali i Zi, të cilat veprojnë në SHBA.
Sipas Presidentes Osmani, ky takim me mërgatën shqiptare është dëshmi e lidhjeve të forta dhe të qëndrueshme ndërmjet popullit të Kosovës, si dhe komunitetit shqiptar në përgjithësi me Shtetet e Bashkuara të Amerikës.
Në këtë kontekst, Presidentja Osmani, ka falënderuar komunitetin shqiptar, i cili përveç se në forcimin e lidhjeve të Kosovës me SHBA-të, ka ndihmuar shtetin e Kosovës në procesin e lirisë, pavarëssisë dhe shtetndërtimit.
“Ju jeni forca shtytëse e shumë proceseve nëpër të cilat ka kaluar Kosova. Liria dhe shteti jonë, janë rezultat edhe i angazhimit të vazhdueshëm të mërgatës sonë këtu, ndaj faleminderit për gjithçka që keni bërë dhe po bëni. Na duhet edhe mëtej angazhimi juaj. Kosova ka nevojë për mbështetjen tuaj dhe të SHBA-ve. E di që nuk hezitoni, ndaj presim që bashkërisht, pa dallim të angazhohemi që ta fuqizojmë shtetin tonë, krahas mbështetjes dhe koordinimit me aleatat tanë”, ka theksuar Presidentja Osmani.
Më tej, Presidentja Osmani shtroi nevojën e ruajtjes dhe promovimit të kulturës dhe trashëgimisë sonë në Shtetet e Bashkuara, për të cilën gjë tha se rol më rëndësi luajnë shoqatat, të cilat i grumbullojnë shqiptarët.
Në bashkëbisedim me mërgatën, Presidentja Osmani tha se Kosova pret mbështetjen e tyre edhe në fushën e investimeve. Sipas Presidentes Osmani, në Kosovë tashmë është krijuar një klimë e përshtatshme për investime, ndaj investimet nga mërgata janë të mirëseardhura.
Ndërkaq përfaqësues të shoqatave që grumbullojnë shqiptarët në SHBA, falënderuan Presidenten Osmani për takimin dhe shprehën mbështetjen e palëkundur për Kosovën dhe përkushtimin për të ndihmuar iniciativa të ndryshme, të cilat synojnë zhvillimin dhe mirëqenien e shtetit. / KultPlus.com
Autobusi ngjyrë rozë ka filluar qarkullimin të hënën në kryeqytet.
Nisja është bërë në rrugën “Luan Haradinaj”, konkretisht te New Born e gjithë kjo në kuadër të muajit të ndërgjegjësimit për parandalimin e kancerit të gjirit.
Drejtori i Shëndetësisë, Izet Sadiku bëri të ditur se shërbimi i mamografisë do të ofrohet falas në tri Qendrat e Mjekësisë Familjare: në Qendrën Kryesore të Mjekësisë Familjare, atë të lagjes “Dardania” dhe në QMF “Veternik”.
Ai ka falënderuar ekipet e basketbollit të Trepçës e Pejës, lojtarët e së cilave do të veshin bluzat “Race for the Cure Prishtina 2023” në shenjë mbështetje për fushatën e vetëdijësimit kundër kancerit të gjirit.
Kryeshefi ekzekutiv i “Trafikut Urban”, Burim Maraj tha se ë gjithë që bëjnë mamografinë në tetor udhëtojnë falas me “Trafikun Urban”. / KultPlus.com
Javë më parë, në të gjtihat mediat vendore pothuajse ishte lajm se si dy shqiptare u takuan rastësisht me njëra-tjetrën në skenën e spektaklit “The Voice Australia”.
Bëhet fjalë për trajneren Rita Ora dhe konkurrenten Sihana Haxhnikaj, të cilat nuk hezituan të shprehnin simpatinë e tyre për njëra-tjetrën në audicionet e fshehura.
Me të dëgjuara se është nga Kosova, Rita u entuziazmua shumë kur e pa Sihanën në skenë, e aq më tepër që ajo e ktheu karrigen për të.
Por megjithëse u pëlqye shumë nga publiku australian, Sihana nuk e ka vazhduar rrugëtimin e saj në raundin tjetër pasues.
Ajo është eliminuar pasi nuk është votuar mjaftueshëm nga publiku në garën me konkurrentet Gezel Bardossi dhe Elsa Marilyn, të cilat u votuan mjaftueshëm për të shkuar në beteja, por në fund Rita zgjodhi të vazhdonte me Elsan.
Ky është përndryshe viti i tretë me radhazi që Rita Ora zgjidhet të jetë anëtare e jurisë në spektaklin e talenteve “The Voice Australia”. / KultPlus.com
Festivali Ndërkombëtar “Sanatla Uyanmak” (“Zgjimi me Art”) po vazhdon prej 21 vitesh, të jetë një tregues i shoqërisë aktive të komunitetit turk në fushën e artit.
Festivali ndër vite ka realizuar shumë aktivitete si ekspozita, koncerte, shfaqje skenike dhe teatrale si dhe promovim të librave, duke kontribuar kështu në promovimin e trashëgimisë sonë kulturore me tematika të ndryshme të trajtuara në kuadër të festivalit çdo vit.
Sivjet tema e festivalit ishte “Filigran”, një nga artizanatet më të rëndësishme në qytetin e Prizrenit. Prezent në hapje ishin ministri Hajrulla Çeku, zëvendëskryeministrja Emilija Redzepi dhe Ambasadori Turqisë në Kosovë, Sabri Tunç Angılı, të cilët i përshendetën të pranishmit dhe i përgëzuan organizatorët për festivalin. / KultPlus.com
“Mirësevini në Shqipëri, një nga vendet më pak të eksploruara në Evropë”, kështu e nis artikullin media e njohur spanjolle Travesías.
U bë e zakonshme tashmë që Shqipëria të rrëmbejë titujt e mediave të huaja, për sa i përket turizmit me vendet dhe traditat e bukura që ofron. Sipas “Travesías” udhëtarët që vijnë këtu habiten nga gastronomia, pasuria kulturore dhe karakteri shqiptar që nuk i ngjan asnjë vendi tjetër.
Ndër qytetet që kanë përmendur janë Tirana, Berati, Gjirokastra dhe Vlora.
Tirana
Shqipëria është një nga vendet më të vogla në Evropë. Me vetëm 28 748 kilometra katrorë, ajo zë vendin e 37-të në kontinent për nga sipërfaqja.
Megjithatë, pavarësisht territorit të saj ajo krenohet me madhështinë e historisë së saj.
Përtej të shkuarës së afërt, diktaturës së Enver Hoxhës dhe integrimit të vështirë të saj në ekonominë globale pas vitit 1991, Shqipëria ka qenë gjithmonë një vend ndryshe.
Mjafton të lexosh Ismail Kadaren për të kuptuar se diçka e ndan kulturën shqiptare nga pjesa tjetër e Evropës.
Do të ishte mirë të fillonim me “Dosjen H”, të botuar në 1981, ku Kadaré tregon historinë e dy studiuesve të huaj që mbërrijnë në Shqipëri për të studiuar poezinë e saj dhe ndeshen me një botë të mbyllur dhe provinciale; “Pallati i ëndrrave”, një distopi ku qeveria regjistron ëndrrat e secilit prej qytetarëve të saj për t’i kontrolluar ato (në mënyrë të pashmangshme na bën të mendojmë për kohën e diktaturës).
Midis ndërtesave të rrënuara dhe shtëpive të vjetra të shndërruara në klube, bare dhe restorante, lagjia e Bllokut ndihet veçanërisht e qetë gjatë mëngjeseve.
Në Tiranë ka copëza historie gjithmonë të pranishme, nga shtëpia e diktatorit pa asnjë gardh apo ndarje që mund ta mbajë të fshehur nga sytë e udhëtarëve dhe vendasve.
Sheshi Skënderbej është qendra e Tiranës.
Piramida, e cila supozohej të ishte një muze kushtuar të njëjtit personazh, sot është shndërruar në një qendër teknologjike.
Disa nga bunkerët e braktisur brenda qytetit janë shndërruar në galeri dhe muze, ndërsa mbetjet e kështjellës së vjetër u shndërruan në një qendër tregtare në ajër të hapur.
Në zemër të qytetit, një rrugë shumë e gjerë e veshur me pisha mesdhetare të bën të mendosh për stilin e veçantë fashist që pasqyronte ndikimin e Italisë gjatë mbretërimit të Zogut I dhe që do të arrinte kulmin me pushtimin në 1939 dhe aneksimin deri në 1944, viti në të cilin do të vinte në pushtet diktatori, Hoxha.
Edi Rama, kryeministri i Shqipërisë, i cili përveç rolit të tij si politikan, është edhe piktor dhe basketbollist.
Tirana është një qytet relativisht i vogël, por shumë miqësor për të shëtitur.
Në qendër ndodhet Sheshi Skënderbej, i rimodeluar së bashku nga artisti Anri Sala dhe zyra e S1N4E, më shumë se 90,000 metra katrorë e sheshit u mbuluan me mermerë të ngjyrave të ndryshme.
Në sfond, Opera dhe Muzeu Historik Kombëtar e inkuadrojnë në mënyrë madhështore hapësirën.
Në krye të muzeut, murali Shqiptarët, krijimi i Vilson Kilicës, Josif Drobonikut, Agim Nebiut, Anastas Kostandinit dhe Aleksandër Filipit, tregon historinë e vendit nga kohërat e lashta e deri në epokën komuniste.
I restauruar së fundmi, falë një fondi të Bashkimit Evropian që rindërtoi vendet e prekura nga tërmeti i 2019, murali rifitoi shkëlqimin dhe rrëmben vështrimin e udhëtarëve, me figurën femërore të Republikës në qendër dhe duke ngritur dorën me njërën dorë, pas saj fluturon flamuri kombëtar kuq e zi.
Berati
Megjithëse Tirana ka shumë për të ofruar, gjëja më e bukur e Shqipërisë është atje jashtë, në fshat, në rrugët dredha-dredha që përshkojnë peizazhe dramatike të luginave dhe maleve me qytete të vogla si diçka nga një përrallë mesjetare, të vendosura në majë të një mali.
Berati është një vendbanim që daton në shekullin e VII para Krishtit, i quajtur qyteti i njëmijë dritareve.
I vendosur në brigjet e lumit Osum, qyteti është i ndarë në tre rrethe: në krye, kalaja e vjetër; në qendër, një qytet i lashtë me mure i njohur si Mangalemi ose lagje osmane dhe, në anën tjetër të lumit, Gorica.
Shtëpitë e vogla të bardha, me dritare druri, mbulojnë të dy anët e malit dhe i japin udhëtarëve një kartolinë unike.
Berati konsiderohet si vendbanimi më i vjetër në Shqipëri dhe për shumë vite ishte pikërisht kufiri midis Perandorisë Bizantine dhe Perandorisë Romake, diçka që përshkon edhe historinë e të gjithë vendit, edhe në gjysmë të rrugës mes Lindjes dhe Perëndimit, mes krishterimit, islamit dhe ateizmit (shumë shqiptarë ende kujtojnë se si feja u ndalua nga viti 1967 deri në 1989).
Në njërën anë të kështjellës, kapela bizantine e Trinisë së Shenjtë shikon drejt luginës që nga shekulli i XV, ndërsa në rrëzë të malit funksionon Teqeja Halveti, një lloj manastiri i rendit Jalwati, një vëllazëri sufi islamike, sot si xhami. Është pjesërisht kjo trashëgimi historike që çoi në përcaktimin e Beratit si një vend i Trashëgimisë Botërore të UNESCO-s.
Edhe pse është ende diskret, nëse e krahasojmë me destinacionet e tjera mesdhetare, turizmi në Shqipëri ka filluar të lërë gjurmë, veçanërisht në qytetet historike si Berati apo Gjirokastër, në jug të vendit, pranë kufirit me Greqinë.
Me rrënojat që datojnë në shekullin e VII para Krishtit, Berati besohet të jetë vendbanimi më i vjetër në Shqipëri.
Sipas të dhënave të Bankës Botërore, gjatë dekadave të fundit kontributi i sektorit të turizmit në PBB-në shqiptare u rrit në 8% dhe viti 2019 ishte viti më i mirë i vendit për sa i përket turizmit, me 6,4 milionë vizitorë dhe 2,3 miliardë dollarë të ardhura nga ky sektor.
Ashtu si shumë nga vendet e rajonit, Kosova, Maqedonia e Veriut, Mali i Zi, edhe Shqipëria kanë filluar të hyjnë në radarin e udhëtarëve nga e gjithë bota, të cilët vijnë këtu në kërkim të një eksperience ndryshe dhe me çmime më të volitshme.
Gjatë vizitës është e zakonshme mund të shihni një bunker të harruar, shumë monumente konkrete të luftës që të kujtojnë spomenikët jugosllavë, dhe një perlë siç është qyteti antik i Apolonisë, një mrekulli e vërtetë e periudhës klasike greke që ende ruan një portik spektakolar që inkuadron Mesdheun në sfond.
Gjirokastra
Arkitektura e të gjithë qytetit shfaq një stil otoman që e bëri atë të përfshihet si një qytet i Trashëgimisë Botërore të UNESCO-s në 2015.
Mes maleve dhe reve të ulëta, përveç një shiu të hollë, gjithçka ka një aureolë disi mistike.
Ndër faktorët dallues që tërheqin turizmin, gastronomia është padyshim një nga faktorët kryesorë që i fton njerëzit të kthehen.
Shijet shqiptare janë pasqyrë e asaj kulture dikotomike mes Lindjes dhe Perëndimit, nga njëra anë ndikimi mesdhetar dhe italian me vajra, ullinj, djathëra dhe makarona që do të imagjinonim në Itali apo Greqi, nga ana tjetër, përgatitjet me bazë perimesh dhe erëzash që të kujtojnë një meze turke apo arabe, të gjitha të shoqëruara me verëra të shkëlqyera vendase.
Gjirokastra është vendlindja e disa prej njerëzve më të njohur të historisë shqiptare, si shkrimtari Ismail Kadaré dhe diktatori Enver Hoxha.
Bukuria e vërtetë e kësaj pasurie gastronomike është se ju mund të shijoni gjithçka në një vend. Dhe duhet thënë gjithashtu se çmimet janë shumë të volitshme, që do të thotë se udhëtarët mund të porosisin pa u shqetësuar.
Së fundi, faktori tjetër kyç është cilësia dhe freskia e perimeve dhe prodhimeve të detit.
Në shumë qytete bregdetare, është mirë të pyesni se çfarë është e freskët atë ditë dhe të prisni disa nga sugjerimet e kuzhinës.
Vlora
Përgjatë gjithë shëtitores mund të shihni rezidencat dhe godinat, të dizajnuara për të huajt që gjejnë vendin ideal për të investuar paratë e tyre, veçanërisht italianët.
Vlora mund t’iu duket paksa si Costa del Sol i Spanjës, Côte d’Azur in Francës ose plazhet greke.
Brigjet e Vlorës, një nga destinacionet më të njohura verore në Shqipëri. / atsh / KultPlus.com
Kryeministri i Kosovës, Albin Kurti tha se të enjten në Bruksel “pati një pozicionim të qartë të ndërmjetësit kundër Kosovës” dhe se në takimin me presidentin serb, Aleksandar Vuçiq u ekspozua “përballë një skenari” të emisarit të Bashkimit Europian, Miroslav Lajçak.
“Ata kanë shkuar shumë larg me goditjen e të ardhmes së Kosovës”, theksoi Kurti në një konferencë për media, ku doli së bashku me zëvendësin e tij, Besnik Bislimi.
Kurti tha se Vuçiq dhe Lajçak ishin të koordinuar, raporton Gazeta Express.
“Në takimin trilateral, u ekspozova përballë një sklenari të cilin z. Lajçak dukej se e kishte dizejnuar kohë më parë”, tha Kurti.
Ai tregoi se e kishte prezantuar propozimin e tij për zbatimin e marrëveshjes, ndërsa tha se ndaj tij Vuçiq dhe Lajçak reaguan “me të njëjtin mendim”, duke e shpërfillur.
“Presidenti i Serbisë dhe Miroslav Lajçak reaguan me të njëjtin mendim dhe me të njëjtën shpërfillje të koordinuar. Të dy thanë që ky plan është shumë jorealist”, tha Kurti.
Kurti tha se “ose do e zbatojmë marrëveshjen bazike në tërësi, ose s’mund t’i zbatojmë vetëm ato që i do Serbia”.
Kryeministri i Kosovës tha se ndërmjetësit dhe Vuçiqi u interesuan specifikisht për Asociacionin.
“Ftesa për takim e përfaqësuesit të lartë nuk kishte përcaktuar ndonjë pikë specifike të rendit të ditës. Megjithgatë, aty thuhej që qëllimi i takimit është diskutimi për planin e zbatimit të marrëveshjes bazike”, tregoi paraprakisht Kurti, duke theksuar se që në takimin e parë me ndërmjetësit iu kërkua të kalohet te Asociacioni.
“Në takimin e parë, m’u kërkua që të kalojmë menjëherë në një proces negocimi të statutit të përcaktuar në nenin 7 të marrëveshjes bazike në lidhje me nenin 10. Ua bëra të qartë që një hap të tillë nuk mund ta ndërmerrnin pa u dakorduar në mënyrë të plotë për planin e zbatimit të sekuencuar”, tha Kurti, duke shtuar se “s’pati as dakordim minimal”.
“Sekuencimi duhej të bëhej në mënyrë të tillë që të ishte e pranueshme edhe për Serbinë, e cila e donte Asociacionin si prioritet dhe heqjen e neneve të njohjes ‘de facto’. Që aty ua bëra të qartë se sekuencimi nuk kërkonte një negociatë të re”, tha kryeministri. / KultPlus.com
Dita Ndërkombëtare e Pagave të Barabarta, e festuar më 18 shtator, përfaqëson përpjekjet e kahershme drejt arritjes së pagës së barabartë për punë me vlerë të barabartë.
Sipas të dhënave të OKB-së, në të gjitha rajonet, gratë paguhen më pak se burrat. Diferenca gjinore e pagave në rang global, vlerësohet të jetë rreth 20%.
Barazia gjinore dhe fuqizimi i grave dhe vajzave vazhdojnë të frenohen për shkak të vazhdimësisë së marrëdhënieve të pabarabarta historike dhe strukturore të pushtetit midis grave dhe burrave, varfërisë dhe pabarazive dhe disavantazheve në aksesin ndaj burimeve dhe mundësive që kufizojnë aftësitë e grave dhe vajzave.
Progresi në ngushtimin e këtij hendeku ka qenë i ngadaltë. Ndërsa paga e barabartë për burrat dhe gratë është miratuar gjerësisht, zbatimi i saj në praktikë ka qenë i vështirë.
OKB thotë se arritja e pagës së barabartë është një moment historik i rëndësishëm për të drejtat e njeriut dhe barazinë gjinore. Kërkon përpjekjet e të gjithë komunitetit botëror dhe ende mbetet për t’u bërë. Kombet e Bashkuara, duke përfshirë UN Women dhe Organizatën Ndërkombëtare të Punës (ILO) ftojnë shtetet anëtare dhe shoqërinë civile, organizatat e grave dhe me bazë në komunitet dhe grupet feministe, si dhe bizneset dhe organizatat e punëtorëve dhe punëdhënësve, të promovojnë pagë të barabartë për punë me vlerë të barabartë dhe fuqizimin ekonomik të grave dhe vajzave. / atsh / KultPlus.com
