Presidenti amerikan Donald Trump i ka dhuruar çelësin e Shtëpisë së Bardhë delegacionit kosovar.
Përmes një fotografie të postuar në Facebook, Shefja e Kabinetit të kryeministrit Avdullah Hoti, Ardita Dushi ka njoftuar për dhuratën e Trumpit.
“Çelësi i Shtëpisë së Bardhë. Dhurata e Presidentit Trump”, ka shkruar ajo në mbishkrimin e fotografisë.
Kosova dhe Serbia dje nënshkruan marrëveshje për normalizim ekonomik në Shtëpinë e Bardhë në prezencë të Presidentit Donald Trump. / KultPlus.com
Kancelarja gjermane, Angela Merkel, ka qeshur kur është pyetur nëse presidenti amerikan Donald Trump e ka magjepsur ndonjëherë.
Richard Grenell, ish-ambasadori amerikan në Gjermani, të mërkurën deklaroi se kishte parë vetë teksa Trumpi kishte magjepsur Merkelin.
E pyetur për këtë koment, në konferencën e së premtes, Merkel u pa e befasuar nga pyetja duke kërkuar sërish sqarime nga gazetari, duke i thënë “Çfarë ka bërë ai (Trumpi)?”
Kur gazetari shtoi se Grenelli ka thënë se Trumpi “ka magjepsur” Merkelin, kancelarja gjermane u ndal pak dhe nisi të qeshte.
Më pas refuzoi të komentonte duke thënë se nuk preferon të flasë për bisedat private. / KultPlus.com
Ngjarja tragjike që ndodhi mbrëmë në Bejrut të Libanit, ka tronditur gjithë botën, indiferente nga kjo ngjarje nuk ka mbetur as këngëtarja shqiptare Dua Lipa, shkruan KultPlus.
Në rrjetin e saj social Instagram, Dua Lipa ka ndarë disa imazhe nga ky shpërthim teksa shprehet e tmerruar dhe zemërthyer nga kjo ngjarje.
Gjithashtu ajo shprehet e revoltuar me Presidentin e Shteteve të Bashkuara të Amerikës, Donald Trump.
Ajo ka ndarë edhe disa nga deklarata më qesharake dhe jo-serioze të presidentit.
Lipa ka bërë të ditur që nuk dëshiron që Trump të jetë më në krye të Amerikës dhe një gjë të tillë e ka kërkuar edhe nga fansat e saj.
“Ky njeri është një shaka, por çfarë ka të re? Votojeni atë të largohet”, shkruan Lipa. / KultPlus.com
Presidenti i SHBA-së, Donald Trump, ka paralajmëruar se do ta ndalojë aplikacionin kinez TikTok në SHBA, shkruan BBC, përcjellë KultPlus.
Ai i ka thënë gazetarëve se sot do ta nënshkruaj një urdhër ekzekutiv.
Zyrtarët e sigurisë në SHBA kanë shprehur shqetësimin se aplikacioni, që është në pronë të firmës kineze ByteDance, mund të përdoret për të mbledhur të dhënat personale të amerikanëve.
Aplikacioni që po rritet shpejt ka deri në 80 milionë përdorues aktivë në muaj në Amerikë dhe ndalesa do të ishte goditje e rëndë për ByteDance.
“Sa i përket TikTok-ut, ne do ta ndalojmë atë në SHBA”, ka thënë Trump.
Zëdhënësja e TikTok-ut, Hilary McQuaide, ka refuzuar të komentojë këtë lëvizje, por thotë se kompania është e bindur në suksesin afatgjatë të këtij aplikacioni. / KultPlus.com
Ylli i hitit “Poker Face”, Lady Gaga, së fundmi shpërtheu nga mllefi dhe reagoi si një person i zakonshëm në Amerikë, duke e akuzuar presidentin Donald Trump për dështim në udhëheqjen e duhur të shtetit, për shkak të paragjykimeve të tija personale.
Gaga insistoi duke thënë se nuk dëshiron të nxisë më shumë zemërim, sidomos pas vdekjes së George Floydit i cili e humbi jetën pasi një polic i vuri gjurin në fyt për nëntë minuta, gjatë kohës sa po e arrestonte atë në Minnesota, ngjarje kjo e cila zuri vend javën e kaluar dhe e cila nga atëherë ka shkaktuar protesta të dhunshme në mbarë vendin.
Këngëtarja thotë se dëshiron të ndihmojë në gjetjen e një zgjidhjeje për situatën e fundit të krijuar në Amerikë, transmeton Koha.
Ajo e postoi një deklaratë të gjatë në rrjetet sociale ku ka shkruar: “Kam shumë gjëra për të thënë, por kam frikë të them diçka që do të mund të nxiste më shumë zemërim, edhe pse ky është emocioni më i arsyeshëm në këtë situatë. Nuk dua të kontribuojë në shkaktimin e më shumë dhune, sepse dua që së bashku ta gjejmë një zgjidhje për problemin e racizmit në Amerikë. Jam e prekur tej mase nga vdekja e George Floydit, njësoj sikurse personat e shumë afrikano-amerikan të cilët i kemi humbur gjatë vjetëve në këtë shtet, si rezultat i racizmit sistematik dhe sistemit të korruptuar që e përkrahë atë. Zërat e komunitetit të zezakëve në vendin tonë janë heshtur për një kohë shumë të gjatë, dhe kjo heshtje ka rezultuar me vdekje të njëpasnjëshme. Pavarësisht se çfarë bëjnë për të protestuar, ata ende përballen me jo dhembshuri nga liderët e shtetit të cilët kanë për detyrë t’i mbrojnë ata. Njerëzit e zakonshëm në Amerikë janë racist, dhe ky është një fakt i padiskutueshëm. Ne kemi kohë të gjatë që e dimë se presidenti, Donald Trump, ka dështuar në punën e tij. Ai e udhëheq një prej zyrave më të fuqishme në botë, dhe sërish nuk ofron asgjë për popullin e këtij vendi, përveç injorancës dhe paragjykimeve derisa jetët e afrikano-amerikanëve vazhdojnë të rrezikohen. Ne e dimë që ai është një budalla dhe racist. Ai po e ushqen një sistem që tashmë është i rrënjosur në racizëm, dhe të gjithë po e shohim se çfarë po ndodhë me vendin tonë. Është koha për ndryshim.”
Ylli 35-vjeçar i muzikës ka deklaruar se do të vazhdoj ta shfaq dashurinë dhe përkrahjen e saj ndaj komunitetit afrikano-amerikan, si dhe premtoi se do ta bëjë të pamundurën për të bërë thirrje për ndryshim.
Gaga po ashtu tha se të gjithë personat e privilegjuar në Amerikë, nuk kanë bërë sa duhet për ta luftuar racizmin dhe për t’i përkrahur qytetarët e tjerë të cilët po vdesin si pasojë e racizmit në vend.
Polici Derek Chauvin i cili në pamjet e incizuara me telefona mobil nga disa kalimtarë të rastit, shihet duke qëndruar me gju mbi qafën e George Floydit për nën minuta, pavarësisht se ai po i lutej të largohej ngase nuk po mund të merrte frymë.
Nga atëherë, ai së bashku me policët e tjerë të përfshirë në këtë ngjarje janë pushuar nga puna, si dhe Chauvin është paditur për vrasje. / KultPlus.com
Ylli hollywoodian, Robert De Niro, e ka rinisur zënkën me presidentin e Shteteve të Bashkuara, Donald Trump, duke thënë se atij nuk i intereson se sa njerëz vdesin nga koronavirusi.
Aktori 76-vjeçar i shpërblyer me Oscar, është një prej kritikëve më të ashpër të Trumpit, dhe tani e ka vënë atë në shënjestër për mënyrën se si po e menaxhon situatën e krijuar nga kriza globale shëndetësore, transmeton Koha.
Më shumë se 82 mijë njerëz kanë vdekur nga kjo sëmundje në Amerikë, që është numri më i madh i viktimave nga të gjitha shtetet e botës.
Gjatë një interviste të fundit, De Niro e përshkroi situatën në Shtëpinë e Bardhë si kaos i shkaktuar nga një njeri i çmendur.
“Është me të vërtetë tmerruese. Ai dëshiron të rizgjedhet president i shtetit, ndërsa nuk i intereson se sa njerëz po vdesin nga ky virus,” citohet të ketë thënë aktori.
Donald Trump, gjatë mandatit të tij vazhdimisht është akuzuar për kundërshtimin e këshillave të këshilltarëve të tij shkencorë gjatë kësaj pandemie, si dhe refuzon të mbajë maskë mbrojtëse dhe dorëza.
Ai madje është përqeshur shumë nga publiku mbarë botëror, pasi kishte sugjeruar që ndoshta mund ta trajtojmë koronavirusin duke injektuar dezinfektues në trupin tonë.
Ylli i njohur i kinematografisë, Robert De Niro, po vazhdon të qëndroj në karantinë në shtëpinë e tij në New York, qyteti më i prekur nga pandemia në Amerikë. /KultPlus.com
“Sa të këqija ishin çmimet e Akademisë këtë vit?” Trump pyeti në një tubim në Colorado Springs, Kolorado. Turma u përgjigj me boos me zë të lartë.
“Fituesi është një film nga Koreja e Jugut, çfarë dreqin ishte e gjithë kjo?” Pyeti Trump. “Kemi mjaft probleme me Korenë e Jugut me tregtinë dhe në fund, ata u japin atyre filmin më të mirë të vitit.”
Paraziti bëri histori në Oscar, si filmi i parë jo në anglisht që fitoi fotografinë më të mirë. Çmimet për regjinë më të mirë, skenarin më të mirë origjinal dhe filmin më të mirë ndërkombëtar, shkruan TheGuardian, transmeton KultPlus.
“Ishte mirë? Unë nuk e di. Po kërkoj, si ….. si Gone ëith the ëind, ju lutem? ” tha Trump duke brohoritur me zë të lartë.
Ndërsa “Gone with the wind” tregon historinë e vajzës së një pronari të plantacioneve nga Xhorxhia gjatë dhe pas luftës civile, është kritikuar prej kohësh për përshkrimin e saj të marrëdhënieve midis skllevërve me ngjyrë dhe pronarëve të tyre të bardhë. Romani nga i cili është përshtatur filmi e përshkroi Ku Klux Klan si një “domosdoshmëri tragjike”. Prodhuesit pastaj fshinë epitetet racore pasi aktorët me ngjyrë si rasti i aktores Hattie McDaniel, e cila bëri histori si personi i parë me ngjyrë, fitoi një Oscar për rolin e saj.
Kur “Parasite” fitoi Golden Globe për filmin më të mirë në gjuhë të huaj, regjisori i tij, Bong Joon-ho, tha: “Pasi të keni kapërcyer pengesën e titrave, do të prezantoheni me shumë filma më të mrekullueshëm.
“Unë mendoj se ne përdorim vetëm një gjuhë: ajo është kinemaja”, shtoi ai.
Neon, studioja që shpërndau Parazitin në SH.B.A., iu përgjigj Trumpit në Twitter me këtë deklaratë: “E kuptueshme, ai nuk mund të lexojë”. / KultPlus.com
Rekordi për Mozaikun më të madh me fara i takoi për dy herë radhazi artistit nga Gjakova Alkent Pozhegut. Në vitin 2014, Pozhegu ka punuar një mozaik nga drithërat. Ky mozaik sportiv ka pasur dimensionet 20×25 m, me një hapësirë 500 metra katrorë dhe për këtë punim ai ka përdorur 2500 kilogramë drithëra për të krijuar emrat e dy futbollistëve – Messi dhe Ronaldo dhe pikërisht me këtë punim Pozhegu u fut për herë të parë në Librin Guiness. Hera e dytë për të që përjetoi një sukses të tillë ishte me portretin e Rita Orës, shkruan KultPlus.
Ndërsa tashmë Pozhegu ka përfunduar portretin e presidentit amerikan, Donald Trump dhe pikërisht me këtë portret ai ka arritur të marrë vëmendjen e mediave ndërkombëtare, të cilat dedikuan artikuj për gjakovarin.
Prestigjiozja The Guardian ka publikuar mozaikun me portretin e Donald Trump dhe kanë shkruar për punën e Pozhegut.
Me këtë portret, ai po synon të vendosë një rekord të ri, duke krijuar mozaikun më të madh me gurë me imazhin e presidentit amerikan, Donald Trump.
Ky mozaik është 560 metra katrorë dhe është punuar me kokrra misëri, farë luledielli, oriz dhe grurë. Po ashtu, artisti kosovar deri më tani ka realizuar edhe shumë vepra të tilla, duke zgjedhur gjithmonë fytyrat më pikante. Rita Ora, Leonardo Di Caprio, Marilyn Monroe, Angelina Jolie, Dua Lipa e Shkëlzen Doli, janë vetëm disa nga emrat që patën fatin të bëhen pjesë e krijimtarisë së veçantë të Pozhegut. / KultPlus.com
Rihanna dhe frontmeni i “Guns N’Roses” kanë kritikuar presidentin për përdorimin e këngëve të tyre për qëllime të qarta partiake, shkruan The Guardian.
Rihanna dhe Axl Rose janë artistët e fundit që kanë kritikuar Donald Trumpin për përdorimin e paautorizuar të këngëve të tyre në tubimet partiake në prag të zgjedhjeve të afatmesme në SHBA.
Reagimi i këngëtares erdhi pasi Philip Rucker tha se kënga e Rihannës “Don’t Stop Music” u përdor në disa vende ku Trump mbajti tubime partiake.
“Jo për shumë kohë”, ka shkruar Rihanna, duke i përshkruar tubimet e Trump si “tragike”, transmeton lajmi.net.
Të dy artistët i bashkohen listës së gjerë të artistëve që kanë kërkuar që këngët e tyre të mos përdoren në mitingje politike, e i fundit që kishte bërë një reagim të tillë ishte Pharrell Williams. /KultPlus.com
Artisti gueril, Robbie Conal, është i njohur për krijimtarinë e tij që ngacmon politikanët amerikanë dhe kësaj radhe ai është fokusuar në administratën e presidentit të Shteteve të Bashkuara, Donald Trump.
Ai në ciklin e tij ka përfshirë nga zëvendëspresidenti, Mike Pence, e deri tek këshilltarët, Steve Bannon dhe Kellyanne Conway.
Ekspozita e titulluar “Kabineti i Tmerreve” shfaq edhe veprat që artisti 74 vjeçar ka punuar nëpër rrugët e Los Anxhelosit, shkruan Euronews, transmeton Klan Kosova.
“Veprat e mia ndodhen nëpër vende të ndryshme në mënyrë që njerëzit të hasin në to papritur gjatë jetës së tyre të përditshme dhe të mendojnë për këta njerëz që unë mendoj se kanë abuzuar me fuqinë e tyre dhe me emrin tonë”, ka thënë artisti Robbie Conal.
Artdashësja 68 vjeçare nga qyteti Los Anxhelos, Carole Patchett, ka thënë: “E gjithë puna e Robbies, shfaq djallëzinë prapa maskave shumë-shumë të holla që veshin njerëzit”.
Ekspozita do të mbahet e hapur deri më 8 dhjetor të këtij vitit në galerinë “Track 16” në Los Anxhelos dhe pastaj do të shfaqet edhe në Uashington të Shteteve të Bashkuara./ KultPlus.com
Familja e këngëtarit Prince i kërkoi Presidentit Donald Tramp të mos përdorte një këngë të këngëtarit të ndjerë gjatë tubimeve politike.
Sipas vëllait të këngëtares, familja nuk i ka dhënë të drejtë të shfrytëzoj të drejtën e autorit presidentit amerikan.
“Pasuesit e Princit kurrë nuk i kanë dhënë Presidentit Trump ose Shtëpisë së Bardhë një licencë për të përdorur këngët e tij dhe i kërkohet që të ndalojë menjëherë së shfrytëzuari këngët”, tha vëllai i Princet, Omar Baker në Twitter.
Mediat lokale në Shtetet e Bashkuara raportojnë se ekipi i Trump në disa raste ka shfrytëzuar këngën hit, “Purple Rain”.
Prince është edhe një ndër këngëtarët tjerë, i cili nuk dëshiron që këngët e tyre të përdoren në tubime politike.
Shumë muzikantë dënuan përdorimin e këngëve të tyre gjatë fushatës zgjedhore presidenciale në vitin 2016, duke përfshirë Roling Stones, Aerosmith dhe Adele.
Familja e Luciano Pavarotit, një nga tenorët më të famshëm, kritikoi stafin elektoral të Trumpit, i cili përdorte “Nessum Dorma”. /KultPlus.com
Ylli i presidentit të ShBA-ve, Donald Trump”, në “Walk of fame” ka qenë sërish cak i një vandalizmi.
Kësaj radhe, një tjetër persona është afruar, dhe ka përdorur kazmë për ta thyer atë.
Ngjarja ndodhi në mëngjesin e hershëm të 25 korrikut.
Policia njoftoi se një person është shoqëruar në lidhje me incidentin.
Kjo nuk është hera e parë që ylli i Trumpit në “Walk of fame” vandalizohet.
Në korrik të vitit 2016, një person kishte tentuar të ndërtonte një mur prej gjashtë inç përreth yllit, ndërsa një tjetër në tetor të po atij viti e kishte shkatërruar fare atë.
Më vonë, një person kishte tentuar ta lyejë edhe me llak gjithashtu.
Pas shkatërrimit, autoritet janë kujdesur që ylli i presidentit të kthehet në gjendjen e mëparshme. /KultPlus.com
Donald Trump ka dekoruar këngëtaren e njohur shqiptare, Nexhmije Pagarusha, e cila jeton e punon në Prishtinë.
Ceremonia e dorëzimit të medaljes së Presidentit amerikan bëhet sot në Tiranë nga një aktivitet ku përveç Pagarushës, merr pjesë edhe Presidenti Ilir Meta dhe diplomatë të ambasadës së SHBA-së.
E ngulitur në mendjen e spektatorëve për këngën e famshme “Zambaku i Prizrenit”, Nexhmije Pagarusha mbledh sot në Tiranë në ditën e 85-vjetorit të saj, figura të rëndësishme dhe intelektualë.
Sot pasdite, Unioni i Gazetarëve Shqiptare dhe shoqata e njohur nga Elbasani RessEgnatia zhvillojnë një takim ku merr pjesë edhe Presidenti i Republikës Ilir Meta, shkruan Te Sheshi. Natyrisht e pranishme në aktivitet do të jetë edhe diva Nexhmije Pagarusha , së cilës do t’i dorëzohet medalja nga autoritete të ambasadës amerikane në Tiranë./ KultPlus.com
Të hënën mbrëma, Donald Trump u paraqit në ndeshjen kombëtare të kampionatit të Futbollit të Kolegjit në Atlanta. Por kur u bashkua me pjesëtarët e ushtrisë në fushë për himnin kombëtar para ndeshjes, u bë e qartë se ai nuk mundi ta këndonte atë plotësisht. Në momente të ndryshme, ai ngecte dhe me buzëqeshje mbyllte gojën, shkruan CNN, përcjellë KultPlus.
Edhe nëse Presidenti nuk e njeh çdo fjalë të Himnit Kombëtar, nuk duhet të jetë në të vërtetë një çështje shumë e madhe, pasi që një recitim i këngëve nuk duhet të jetë parakusht për presidencën. Por ky President i veçantë më herët ishte deklaruar se që ky himn duhet të respektohet nga çdo kush.
Trump, i cili në të kaluarën ka dënuar lojtarët e Ligës Kombëtare të Futbollit për “mosrespektimin” e himnit të cilët kishin protestuarduke u ulur në gjunjë gjatë këndimit të himnit kombëtar.
Më herët, Trump kishte dhënë një fjalim në të cilin tha: “Ne duam që flamuri ynë të respektohet. Duam edhe respektimin e himnit tonë. Ka shumë hapësirë që njerëzit të shprehin pikëpamjet e tyre dhe të protestojnë, por ne e duam flamurin tonë dhe ne e duam himnin tonë dhe ne duam ta mbajmë në atë mënyrë “, kishte thënë presidenti amerikan Trump./ KultPlus.com
https://www.youtube.com/watch?v=uyrfbQ6Tkdw
Një aktiviste nga grupi FEMEN sot ka realizuar intervenimin e saj të radhës, para Ambasadës së Shteteve të Bashkuara të Amerikës, në Ukrainë.
Aktivistja ka bartur me vete një pankartë ku shkruhet “nuclear football” ndërsa pati të shkruar fjalët “Mr Big Button” në gjoksin e saj. Të premten, aktivistja ishte e tëra e zhveshur.
FEMEN ka reaguar kësisoj pas fjalëve të rënda dhe diskursit plot urrejtje me të cilin i pari i ShBA-ve, Donald Trump, i drejtohet Kimg Jong-ut nga Korea e Veriut.
“Dua ti dërgoj të fala Donald Trump dhe sistemit të tij patriarkal. Matja mes dy liderëve duhet të marrë fund” ka thënë aktivistja pasi ka realizuar performancën e saj në të ftohtin e së premtes, shkruan RT.
FEMEN është themeluar në Ukrainë në vitin 2008 ndërsa gjithmonë realizon performanca e intervenime artistike rreth prostitucionit, të drejtave të grave dhe komunitetit LGBT, kundër fashizmit dhe mungesës së tolerancës ndërfetare. / KultPlus.com
Duket sikur Donald Trump nuk do të ketë një shfaqje ekskluzive të “The Post”. Në një bisedë me The Hollywood Reporter, ylli Tom Hanks tha se ai “ndoshta” nuk do të shfaqë filmin – i cili fokusohet në rrëfimet e vërteta të The New York Times dhe Washington Post-it duke punuar së bashku për të botuar dokumentet e Pentagonit, për Presidentin, përcjellë KultPlus.
“Unë nuk mendoj se do të mundem,” ka thënë ai. Hanks, i cili që nga fillimi është shprehur hapur kundër sjelljeve të Trump-it, vazhdoi duke thënë se që nga hyrja në politikë e Donald Trump, ai ka bërë shumë komente të çmendura.
Duke pasur parasysh këtë fakt, aktori shpjegoi se ndihet se është më mirë të distancohet nga Trump, duke e quajtur këtë si një mënyrë për të “votuar” përpara kohës së zgjedhjeve. “Dhe individualisht ne duhet të vendosim kur duhet të marrim masa. Nuk është domosdoshmërish e nevojshme të merrni masa menjëherë, por duhet të filloni t’i peshoni gjërat. Dhe ju e dini se çfarë? Unë mendoj se tani është koha “, ka thënë aktori Tom.
Hanks vazhdoi: “Ky është vendi i duhur, në disa mënyra, zgjedhjet tona personale duhet të pasqyrojnë mendimet tona. Ne duhet të fillojmë të votojmë para se të vijnë zgjedhjet elektorale. Prandaj ndoshta do të votoja për të mos shkuar “, kështu është shprehur aktori Hanks, i cili shpesh ka thumbuar drejt presidentit Trump./ KultPlus.com
Helen Mirren e cila ka luajtur rolin e mbretëreshës Elizabeta, së fundmi ajo është shprehur se do të dëshironte ta luaj edhe rolin e Presidentit Trump, shkruan NY Daily News, përcjellë KultPlus.
“Do të isha qesharake sa Trumpi,” i tha Mirren reporterit të Hollivudit.
Aktorja legjendare nga Britania ka shtuar tutje, “Do të më pëlqente ta luaj këtë rol. Po thuajse edhe flokët e mija janë të ngjashme! Do të ishte një rol i jashtëzakonshëm”, ka thënë aktorja Mirren.
Mirren, e cila tani është 72 vjeçare, i bie të jetë vetëm një vit më e vjetër se Presidenti Trump. Ajo tha se nuk do ta kishte të vështirë ta kopjonte karakterin e Presidentit. ./ KultPlus.com
Jemi mësuar t’i shohim të famshmit në ambiente të zbukuruara. Madje, nganjëherë duket sikur njerëzit të cilët i shohim në TV nuk janë njerëz por diçka misterioze. Megjithatë, edhe njerëzit më të rëndësishëm kanë situata të ngjashme me të tjerët.
Më poshtë po ju sjellim disa fotografi që shfaqin anën tjetër të të famshmëve.
Mbretëresha Elizabetë II si 10 vjeçare me qenin e saj, 1936
15-vjeçarja Brooke Shields, 1980
Robert Doëney Jr. dhe Sarah Jessica Parker, 1983
Prindërit e Angelina Jolie, 1972
Leonardo DiCaprio, 1996
Familja e Kardashian-Jenner, 1995
Shaquille O’Neal dhe Bill Gates, 1999
Hillary Clinton në Kolegjin wellesley, 1969
Princesha Diana dhe Roëan Atkinson në një shfaqje mbretërore, 1984
Fotografia e parë e Linkin Park me Chester Bennington më 1997
Beyonce dhe Solange Knoëles me prindërit e tyre, 1990
15 vjeçari Justin Bieber duke kënduar për kalimtarët në Stratford, Kanada, 2007
19 vjeçari Barack Obama, 1980
17 vjeçarja Angelina Jolie, 1992
30 vjeçarja Meryl Streep, 1979
Peter MayheW dhe Carrie Fisher, 1977
I riu Kurt Russell takon Elvis Presleyn, 1963
Një fotografi shkolle e 14 vjeçarit Kurt Cobain, 1981
Maggie Smith në moshën 27 vjeçare, 1962
18 vjeçari MattheW Perry dhe 24 vjeçari Johnny Depp, 1987
21 vjeçarja Vanessa Paradis dhe 29 vjeçari Lenny Kravitz, 1993
15 vjeçarja Eva Mendes duke marrë një autograf nga 17 vjeçarja Alyssa Milano, 1989
Yjet e Mickey Mouse Club, Justin Timberlake dhe Ryan Gosling, 1994
Michael Jackson dhe Donald Trump rrugës për të vizituar pacientin fëmijë të AIDS-it Ryan White më 1990. Burri prapa me mjekër është Mani Khalsa, kuzhinieri personal i Michael. / KultPlus.com
Me “Freestyle” që zgjat vetëm 4.5 minuta Eminemi ka bërë ndoshta njërën prej kritikave më të ashpra ndaj presidentit të SHBA-së Donald Trumpit në hip-hop.
Ai kritikon presidentin për qëndrimin e tij ndaj migracionit, kontrollit të armëve dhe katastrofave natyrore.
Në fjalët e tij 44 vjeçari i referohet parardhësit Barack Obama, për të cilin ka pasur më shumë mbështetje se presidenti i 45-të.
Ai këndon: “Më mirë mbështesim Obamën/ pasi ai që është në zyrë tani/ një kamikaz që mund të shkaktojë holokaust bërthamor”. / KultPlus.com
Kënga e re e Dua Lipës “New Rules” është një remix i pa pritur. Atë e “interpreton” presidenti amerikan, Donald Trump.
“Fkajack” ka postuar në Twitter një video 38 sekondëshe, në të cilën janë bërë bashkimi i fjalimeve të Donald Trumpit gjatë fushatës së tij, raporton NME.
Më poshtë mund ta dëgjoni këtë remix të “New Rules”./ KultPlus.com
ESCUPI UN PULMON HAHAHHAHAHA pic.twitter.com/ruD0JHeKlk
— lambi 🇨🇴 (@LOUISFORR0) September 30, 2017
Për veshjen e Zonjës së Parë te Republikës së Kosovës, Lumnie Thaçi, e cila sot bashkë me bashkëshortin e saj presidentin Hashim Thaçi është takuar me Presidentin e SHBA-ve, Donald Trump dhe bashkëshorten e tij Melania Trump, është përkujdesur një disenjatore kosovare, shkruan KultPlus.
Fustanin e Zonjës së Parë të Kosovës e ka punuar disenjatorja kosovare Vjollca Llapashtica. Se fustani i Lumnie Thaçit është punuar nga Llapashtica, për KultPlus e ka konfirmuar vetë kreatorja e cila shprehet të jetë e nderuar që kreacionet e saja po shihen në ngjarje kaq të rëndësishme. /KultPlus.com
Duket se këngëtari dhe kompozitori i njohur britanez, Paul McCartney, ka për të thënë diçka për presidentin e Shteteve të Bashkuara të Amerikës, Donald Trump, në albumin e tij të ri, shkruan KultPlus.
Këtë e bëri të ditur vetë këngëtari, McCartney gjatë një vizite që u kishte bërë studentëve të artit në Institutin e Artit në Liverpool, ka shkruar Billboard, përcjellë KultPlus.
‘Nganjëherë situata në botë bëhet kaq e çmendur, saqë duhet t’i japësh një adresë’, ka thënë përpara studentëve, këngëtari 75 vjeçar, McCartney.
Të bëjë një këngë e cila do të kritikonte, Donald Trup, nuk është edhe krejt e papritur, pasi McCartney, ka përkrahur Hillary Clinton në vitin 2016, dhe së fundmi në një intervistë të realizuar me gazetën australiane, ‘Daily Telegraph’ McCartney ka kritikuar presidentin e SHBA-ve.
‘Unë nuk e përkrahi Donald Trupin. Ai është paragjykues, dhe paragjykimet e tij, me raste janë edhe në mes të njerëzve’, ka thënë këngëtari, Paul McCartney, i cili tani mendimin dhe kritikat e tij për Trump, do t’i sjellë përmes këngës.
Lista e muzikantëve që kanë kënduar apo janë shprehur kundër Trump përfshin Fiona, Death Cab, Roger Waters, Joan Baez, Carole King, Loudon Wainewright III, Billy Bragg dhe Lady Gaga, e cila të mërkurën, lëshoi një deklaratë të ashpër në Twitter, pasi Trump njoftoi ndalimin ushtarëve transgjinorë në ushtrinë amerikane. /KultPlus.com