Fituesi i ҫmimit Oscar, President i jurisë në “Art Without Limit International Film Festival” në Prishtinë

“Art Without Limit International Film Festival” është Festivali më i ri i filmit në Kosovë i cili do të mbahet nga data 28 – 30 Shtator 2020 në Prishtinë.

AWLIFF është i vemti Festival në Ballkan ku të gjithë filmat të cilët janë në program për tu shfaqur, kanë si temë personat me nevoja të veҫanta.

Festivali është organizuar nga një grup femrash dhe NGO “Art Without Limit” me drejtoreshë ekzekutive Znj; Ganimete Sava, ndërsa drejtor Artistik është Regjisori; Burim Haliti, dhe drejtor i programit; Michael Stoeger. M

bështetjen më të madhe për Festivalin e ka dhënë Producenti i njohur Austriak; Veit Heiduschka i cili do të jetë president i jurisë profesionale i festivalit! Z. Heiduschka si producent ka fituar ҫmim OSCAR me filmin Amour së bashku me Regjisorin e famshëm Michael Haneke. Gjithashtu ka fituar PALMËN e ARTË në Kan, dhe ҫmimin BAFTA.

Festivali AWLIFF gjithashtu ka gjetur mbështetje të gjërë nga të gjitha organizatat që përfaqësojnë personat me nevoja të veҫanta në Kosovë, Shqipëri dhe Maqedoni! Mbi 500 filma nga 70 vende të Botës kan aplikuar për të qenë pjesë e programit të festivalit, selektorët kan përzgjedhur 40 nga ta për tu shfaqur në edicionin e parë në këtë festival. Festivali ishte paraparë të mbahet në Kino Armata në Prishtinë, mirëpo për shkak të pandemisë covid 19, kët vit do të mbahet online.

Do të ndahen 8 ҫmime nga juria profesionale; -Golden dhe silver për filmin më të mirë të shkurtër (Fiction) -Golden dhe silver për filmin më të mirë të shkurtër (Dokumentar) -Golden dhe silver për filmin më të mirë të shkurtër (Animacion) – Projekti më i mirë i portretizuar (Dokumentar) – Projekti më i mire i cili fuqizon gruan Përpos Z. Veit Heiduschka (OSCAR winner) në juri kemi edhe: Monika Hass / Germany Drejtore e “Filmstadt München” e.V. Munich, Germany Sadija Klepo / Bosnia & Hercegovina/ Gjermani Drejtoreshë e Festivalit “Ballkan tage” në Munich Germany Jerzy Palacz / Poloni Drejtor fotografie Daniel Edmondson / SHBA Aktivits, shkrimtar dhe person me nevoja të veҫanta fizike Safete Rogova/ Kosovë Aktore Arturo Mariani/ Itali Regjisor Shpend Bengu/ Shqipëri Profesor, regjisor Programi dhe koha e sakt e mbajtjes së festivalit është publikuar në web faqen zyrtare të festivalit artwithoutlimit-filmfestival.com dhe ne faqen zyrtare në FB https://www.facebook.com/Art-Without-Limit-International-Film-Festival-103329747916446! Filmat do të jenë të hapur për publikun nga data 28 shtator 2020.

Ky festival është përkrahur dhe mbështetur nga: “Kosovo Women’s Network” “Ministria e Kulurës, Rinisë dhe Sporteve” dhe “ADA” nga Austria. / KultPlus.com

Festivali i Filmit në Sarajevë, kësaj here me tepih tradicional

Në vend të tepihut të kuq, në këtë edicion të Festivalit të Filmit në Sarajevë do të shtrohet tepihu tradicional boshnjak, shkruan KultPlus.

Ky tepih është shtruar për ta nderuar dhe promovuar traditën vendase, si në film ashtu edhe në kulturë. Tepihu është blerë me financa të dhuruara nga kryetari i qytetit të Sarajevës, Abdullah Skaka.

Dizajni i këtij tepihu ka elemente boshnjake nga viti 1930, dhe është hera e parë që refuzohet tepihu i kuq standart për këso evente.

Ky edicion i Festivalit të Filmit në Sarajevë do të fillojë me 16 gusht dhe do të zgjasë deri me 23 të këtij muaji./KultPlus.com

Sonte nis PriFest, për 6 ditë shfaqen mbi 70 filma

Festivali Ndërkombëtar i Filmit-PriFest , tashmë është gati për të nisur edicionin e 11-të.

Me 6 ditë festive, me mbi 70 filma, prej tyre 7 premiera botërore, 5 premiera ndërkombëtare, 1 premierë evropiane, 19 rajonale dhe 32 premiera kosovare, sot nis festivali ndërkombëtar i filmit PriFest.

Ndërsa filmi debutues i regjisores Arzana Kraja, “Fusha e Mëllenjave” do të jetë filmi që do të shënojë hapjen zyrtare të edicionit të sivjetshëm të PriFest, në natën solemne në ora 21:30 në Teatrin Kombëtar dhe në Kino ABC në ora 22:00.

Gjithashtu në ora 20:00, në kinemanë e hapur në sheshin “Zahir Pajaziti”, do të shfaqet filmi “Mjaltë nga Shkëmbi”, dedikuar pikërisht për heroin tone kombëtar Zahir Pajaziti.

Përveç shfaqjes së filmave, në kuadër të PriFest, do të organizohen edhe shumë aktivitete, punëtori, e mbrëmje festive të muzikës “live” dhe DJ, artistë të huaj. / KultPlus.com

Ndahen edhe 20 mijë euro për festivalin DokuFest

DokuFest i cili ka nisur edicionin e tij të shtatëmbëdhjetë më datë 3 gusht, po vazhdon me prurjet e tij magjike të cilat do të vazhdojnë deri më datë 11 gusht.

Por, përderisa festivali është duke shpalosur programin e tij, Qeveria e Kosovës sjellë një lajm të mirë për organizatorët.

Qeveria e Kosovës ka ndarë 20 mijë për festivalin ndërkombëtar të filmit dokumentar dhe të shkurtër DokuFest, raporton Ekonomia Online.

Kryeministri Ramush Haradinaj tha se ndonëse ministria e Kulturës e ka përkrahur këtë festival është parë e nevojshme për fonde shtesë./KultPlus.com

Sonte filloi edhe një edicion magjik i DokuFest-it

Alberina Haxhijaj

DokuFest, festivali i cili për vite me radhë e shndërron qytetin e Prizrenit në një vend ku mblidhen artdashësit për të përjetuar netët magjike të cilat i ofron ky festival, nisi rrugëtimin e tij sonte, shkruan KultPlus.

Edhe këtë vit, qyteti i bukur i Prizrenit, duket më ndryshe, qysh sonte ai është mbi populluar dhe gjallëria i është shtuar dukshëm. Ky është efekti DokuFest, të cilin të gjithë e kanë mësuar.

Ritmet e muzikës më të mirë, e filmat e përzgjedhur me shumë delikatesë do të ju shoqërojnë për gjatë ditëve sa do të zgjatë festivali më i madh në vend.

Sonte të gjithë ishin mbledhur te Kino Lumbardhi për të shënuar hapjen e festivalit, dhe për të ju uruar mirëseardhje, fjalën fillimisht e mori, Eroll Shporta, bashkëthemelues i festivalit, i cili me pak humor e filloi gjithë këtë mbrëmje.

“E rëndësishme është që edhe sivjet Dokufesti ka filluar me bereqet. Krejt kjo falë motit me reduktime 4 orë diell, 2 orë shi, u shpreh Shporta. Ai tutje nuk la pa thumbuar edhe politikanët tanë.

“Si mëlmesë, vetëm për ju mysafirë, kemi emëruar nja 30 zyrtarë të lartë për flladitje”.

Krejt për fund, ai i ftoi të gjithë që t’i bashkëngjiten festivalit ashtu siç janë.

“E juve ju mbetet vetëm një gjë: të vini ashtu sikurse jeni. Sikurse programi i larmishëm i Dokufest. Hajdeni edhe nëse ju pëlqejnë reflektimet me rreze të gjata, të shkurta, kombëtare apo ndërkombëtare. Nëse jeni gra, fëmijë, pleq, të rritur, radikal, të thjeshtë, të butë, të mençur, sidomos të mençur, apo thjesht dëshironi të reflektoni “në temë të lirë”. E ashtu qysh jena, këtu sonte, ju thërras që ta bëjmë një hapje si asnjëherë në DokuFest”.

Tema e sivjetme, që është “Reflektimi” vjen si frymëzim nga kënga e Velvet Underground “I’ll Be Your Mirror”, këngë me të cilën edhe filloi ky edicion, përderisa teksti I saj u shfaq në një projektor të madh dhe të ftuarit këndonin të gjithë njëzëri.

Programi i DokuFest synon të shndërrohet në pasqyrë të botës ku jetojmë, si një pikënisje të asaj se kush dhe çka jemi. Kjo temë do të hulumtohet përmes kampanjës së festivalit si dhe përmes një kombinimi të programit të filmave, ekspozitave digjitale, bisedave me artistë, punëtorive dhe performancave muzikore.

Ky edicion i DokuFest shënohet edhe me një laramani të gjerë të paneleve, të cilat do të eksplorojnë në thellësi temën e reflektimit. Përmes tyre, do të reflektohet mbi të kaluarën e Kosovës dhe rajonit, por edhe mbi të ardhmen e filmit në Kosovë me anë të industri-eventeve të
Kosovës Kreative.

Filmi ‘The Raft’ me regji të Marcus Lindeen ishte filmi i cili bëri hapjen e këtij edicioni të shtatëmbëdhjetë të DokuFest-it. Si zakonisht, edhe këtë vit ka një numër të madh të filmave të shkurtër. Si talentet e rinj ashtu edhe një numër të filmbërësve të shpërblyer, nuk do të mungojnë as këtë vit.

Po ashtu për herë të parë në Kosovë ky festival do të sjellë një retrospektivë të gjerë të kinemasë tajvaneze me filma të mjeshtërve siç janë Edëard Yang dhe Hou Hsiao-hsien, si dhe një numër të perlave të rralla nga ky vend i vogël me trashëgimi të shquar të kinemasë.

Në hapje të festivalit ndër të tjera u tha që një pjesë e programit i kushtohet fuqisë së grave dhe kjo është pikërisht ajo që do të gjeni në një program të mrekullueshëm të kinemasë eksperimentale me regjisore femra.

Edicioni i XVIII do të zgjasë nga 3-11 gusht. Për të mësuar më shumë për programin e këtij edicioni mund të ndiqni faqen zyrtare të DokuFest-it. Po ashtu KultPlus do të vazhdojë që të ju informoj çdo ditë për festivalin. /KultPlus.com