Shqipëria do të kryesojë Këshillin e Sigurimit të Kombeve të Bashkuara nga 1 qershori deri në fund të atij muaji, është bërë e ditur në uebfaqen e kësaj organizate botërore.
Shqipëria u zgjodh anëtare jo e përhershme e organit më të lartë të OKB-së më 11 qershor 2021 dhe mandati i saj përfundon më 31 dhjetor 2023.
Anëtarët ndërrohen në krye të Këshillit të Sigurimit, sipas rendit alfabetik.
Brazili do ta marrë “stafetën” nga Shqipëria më 1 korrik, për të vazhduar më pas te Kina, Franca, Gaboni, Gana dhe India deri në fund të vitit.
Në Këshill të Sigurimit, pesë anëtarë janë të përhershëm: SHBA, Rusia, Kina, Britania e Madhe dhe Franca, ndërkohë që 10 të tjerë kanë mandate 2-vjeçare. / KultPlus.com
Coming up in the @UN Security Council: #Albania will take over the presidency for the month of June. pic.twitter.com/oe3I8nRJen
— UN Political and Peacebuilding Affairs (@UNDPPA) May 29, 2022
