Artisti kosovar, Astrit Ismaili do të bëjë hapjen e Manifesta 14 me një performancë premierë, përcjell KultPlus.
Astrit Ismaili do të prezantojë performancën premierë të LYNX në natën e hapjes së Manifesta 14 në Sallën e Kuqe të Pallatit të Rinisë dhe Sporteve.
Performanca do të jetë e hapur për të gjithë.
Ndërkaq, përmes një video, Manifesta 14 ka bërë të ditur se po zhvillohen provat për këtë performancë.
Dyert e Manifesta 14 hapen në orën 18.45 dhe shfaqja do të fillojë në orën 19.00.
Tutje, në orën 19.00 Manifesta 14 do të fillojë fjalimet e hapjes, për të vazhduar me një koncert live që feston shpirtin e qytetit.
Koncerti është falas dhe e hapur për publikun, ashtu si programi 100 ditor i Manifesta 14 Prishtinë. / KultPlus.com
