Etiketë: trajnim

23 zyrtarë të MD trajnohen për parandalimin e ngacmimeve seksuale në punë

Posted on by Kult Plus

23 zyrtarë në kuadër të Ministrisë së Drejtësisë po mbajnë trajnim një ditor për parandalimin dhe trajtimin e rasteve të ngacmimeve seksuale në vendin e punës.

Sipas njoftimit të Agjencisë për Barazi Gjinore, gjatë trajnimit do të prezantohen format e ngacmimit seksual dhe politikat kundër ngacmimit seksual në organet e administratës publike.

Zyrtarët do të kenë mundësi të mësojnë edhe për krijimin e një kulture të respektit brenda vendit të punës si dhe zingjirin e menaxhimit të rasteve të ngacmimeve seksuale, Trajnimi “”Parandalimi dhe Trajtimi i rasteve të ngacmimit seksual në vendin e punës” po mbahet nga Agjencia për Barazi Gjinore/ZKM në bashkëpunim me Institutin e Kosovës për Administratë Publike, në koordinim me Ministrinë e Drejtësisë, dhe me mbështetje të asistencës teknike të Un Women. / KultPlus.com

MKRS trajnon 20 ciceronë në Janjevë

Posted on by Kult Plus

Ministria e Kulturës, Rinisë dhe Sportit po mban trajnime për zhvillimin e aftësive për udhërrëfime turistike (ciceronëve) në Janjevë, në kuadër të programit “Trashëgimia Kulturore si Nxitëse për Ringjallje Ekonomike të Janjevës”, shkruan KultPlus.

Ky trajnim po u ofrohet 20 përfaqësuesve të komuniteteve lokale me prejardhje të ndryshme etnike me qëllim të përfitimit të njohurive elementare në fushën e turizmit.

‘Ky aktivitet synon që t’u ofrojë 20 përfaqësuesve të komuniteteve lokale me prejardhje të ndryshme etnike të Janjevës, mundësinë për të fituar njohuri elementare në fushën e turizmit.

Trajnimi do të kontribuojë në ngritjen e kapaciteteve profesionale për zhvillim të turizmit kulturor e rural në Janjevë. Kjo përmes zhvillimit të aftësive të banorëve, ofrimit të shërbimeve të guidave turistike, identifikimit dhe hartëzimit të potencialeve kulturore, natyrore dhe promovimin e tyre përmes një platforme online.’, thuhet në njoftimin MKRS në facebook.