Etiketë: Lola Gjoka

Pianistja e parë shqiptare Lola Gjoka, një nga figurat shumëdimensionale në historinë e artit tonë muzikor shqiptar, u përkujtua sot me një koncert.

Në koncert ishte e pranishme edhe ministrja e Kulturës, Elva Margariti, artistë, artdashës etj.

Përmes zërave dhe interpretimit të bukur të sopranos Mariana Leka, tenorit Gerald Murrja dhe baritonit Antonio Zefi, shoqëruar në piano nga prof. Rudina Ciko dhe drejtimin e maestro Zhani Ciko u interpretuan këngë të mbledhura dhe të përpunuara të përfshira në dy CD, mundësuar nga dashamirësi i artit, av. Përparim Kalo.

“Ky aktivitet i sotëm është pjesë e homazhit që Ministria e Kulturës dhe bashkëpunëtorët tanë i bëjnë një brezi artistesh “të para”, që guxuan t’i dedikoheshin artit në kohëra të pazakonta”, shprehet ministrja Margariti në një postim në rrjetet sociale.

Margariti bëri të ditur se “disa muaj më parë kontribuuam në botimin e librit të aktores Tinka Kurti, ndër të parat aktore shqiptare; këtë vit çuam në Bienalen e Venecias të parën grua shqiptare me një ekspozitë vetjake, Lumturi Blloshmin; në datën 2 qershor do të përkujtojmë të parën regjisore shqiptare, Drita Agollin. Çdonjëra prej tyre ka vendosur një gur themeli në artin shqiptar”.

Pianistja Lola Gjoka, lindi më 22 maj të vitit 1910 në Sevastopol të Rusisë në një familje emigrantësh shqiptarë me origjinë nga Korça. Pasuria dhe dashuria për muzikën vokale e në veçanti për këngën popullore, ka ushqyer gjithmonë shpirtin e saj krijues.

Me elegancën dhe temperamentin që e karakterizonte, ajo krijoi dhe interpretoi Suitën për piano e orkestër harqesh për Koncertet e majit 1978. Por sigurisht që thesari më i çmuar që  ka lënë është libri “50 këngë të përpunuara”, botuar pas vdekjes. Vdiq më 6 tetor të vitit 1985 në Tiranë./atsh/ KultPlus.com

Në kishën e Virumit në Danimarkë janë regjistruar rreth 50 këngë të viteve ’30.

Të cilat janë shoqëruar në piano nga pianistja e parë shqiptarë Lola Gjoka,nëpër koncertet e atëhershme, të cilat nuk kanë qenë të thjeshta për t’u realizuar. Këto këngë lirike, vijnë menjëherë pas këngës patriotike.

“Këto janë këngë të cilat nuk janë kompozuar nga Lola Gjoka, por ajo si pianiste e këtyre këngëtarëve lirike që ne injohim të gjithë dhe që janë emra të rëndësishëm të muzikës sonë, ajo I ka vënë në pentagram. Ka bërë shoqërimin e pianos dhe i ka lënë aty të shtypura. Është një traditë e cila ka jetuar gjatë dhe jeton”, tha Zhani Ciko.

Për realizimin e këtij projekti me dy CD ka kontribuar  Maestro Zhani Ciko, soprano Mariana Leka, pianistja Ermira Lefort, e Rudina Ciko, soprano Erinda Agolli, tenor I ri Gerald Murrja, e Antonio Zefi si dhe soprano Feride Istogu Gillesberg dhe tenori danez Stig Fogh Andersen.

“Këngëtarja që erdhi nga Danimarka ju drejtua bashkëshortjes sime Rudinës që ta shoqëronte me këngët e Danimarkës dhe për të mos ta lënë koncertin thatë shtuam dhe soprano e njohur Mariana Leka”, tha Ciko.

E lindur në Rudi, Lola Gjoka u kthye në Korçë, në vitin 1932, ku së bashku me Jorgjia Trujan, Thoma Bezhanin, e Llambi Turtullin debutoi në koncertin e parë profesionist. Në vitet 1933-1934 kreu një varg koncertesh si soliste e koncertmaestre e këngëtarëve Tefta Tashko Koço, Kristaq Antoniu, Marie Kraja, Kristo Koço e Mihal Ciko

 “Albumi përmban 49 regjistrime të këngëve të vëna në Album nga Lola Gjoka. Midis tyre ka dhe një kompozim. Është një romancë shumë e bukur dashurie, shumë e inspiruar, e shkruajtur prej Lolës vetë, e cila e mbyll albumin”, tha Zhani Ciko./KultPlus.com