Lizzo iu bashkua zyrtarisht galaktikës së Star Wars. Kjo këngëtare befasoi fansat me paraqitje në episodin e fundit të The Mandalorian. Ajo u paraqit me rolin e një fisnikeje e cila shpejtë bëhet shoqe me personazhin Grogu.
Ajo paraqitet pranë aktorit Jack Black, i cili luan rolin e bashkëshortit të saj.
Më saktësisht, Lizzo paraqitet me rolin e Dukeshës së planetit Outer Rim, Plazir-15, dhe nga ajo që fansat kanë parë, ajo kalon kohën duke luajtur lojën italiane Bocce.
Bllek dhe kapiteni Bombardier qëndrojnë pranë saj gjatë tërë kohës.
Lizzo është fanse e personazhit Grogu. Ajo në vitin 2021 ngjyrosi vetën me ngjyrë të gjelbër, veshi kostumin bezh dhe vuri vesh të gjatë. Ajo kështu u maskua për Halloween, që do të thotë se u duk si Grogu.
Këmgëtarja Lizzo veç në The Mandalorian është paraqitur edhe me disa role në filma të tjerë. Në vitin 2019 huazoi zërin për një personazh në filmin e animuar Ugly Dolls. Po këtë vit u paraqit me rol në filmin Hustlers, ku luajnë edhe disa personalitete të njohura si Xhenifer Lopez, Kardi Bi, Kiki Pallmer e të tjera.
Në vitin 2022 u realizua dokumentari Love, Lizzo, ku rrëfehet jeta dhe karriera e saj./21Media/KultPlus.com
https://youtu.be/nYAc8Fiz35Q