Etiketë: nominohet

Dafina Zeqiri nominohet për çmimin e rëndësishëm nga Qeveria Suedeze

Posted on by Kult Plus

Dafina Zeqiri e cila tash e disa kohë ëshë tejet aktive në skenën e muzikës sonë, ka bërë bujë edhe në Suedi, në vendin ku këngëtarja është rritur.

Ajo së fundmi është nominuar për një çmim në një kompeticion të organizuar nga Qeveria Suedeze, përkatësisht nga Ministrja e Tregtisë së Jashtme dhe e Çështjeve Nordike, Anna Hallberg, përcjell KultPlus.

Dafina është nominuar për Çmimin e Eksportit të Muzikës, që do t’i jepet artistit më të mirë që është shtetas suedez, por që karrierën dhe sukseset i ka arritur jashtë kufijve.

“Muzikantët suedezë kontribuojnë në drejtimin e vëmendjes në Suedi dhe unë jam shumë e lumtur dhe krenare që jam në gjendje të prezantoj sot kandidatët për çmimin qeveritar të eksportit muzikor 2020”, shkruhej në postimin e ministres suedeze.

“E nominuar së bashku me artistë të mahnitshëm, frymëzues si: Ludëig Goransson, Garmarna, Nea dhe Oscar Holter është një bekim i tillë! Dhe do të doja të falënderoja Musicexport suedez 2020 për njohjen e punës sime, pa ÇMIM”, ka shkruar Dafina Zeqiri në mbishkrimin e fotografisë. / KultPlus.com

Gazetarja 71 vjeçare nominohet për çmimin prestigjioz për të drejtat e njeriut

Posted on by Kult Plus

Një gazetare 71 vjeçe nga Turkmenistani është përfshirë në mesin e tre finalistëve për një çmim prestigjioz për të drejtat e njeriut për raportimin e saj nga shteti i lindjes, që është një ndër vendet më shtypëse në botë.

Zyrtarët e Çmimit “Martin Ennals” për Mbrojtësit e të Drejtave të Njeriut në Gjenevë thanë të hënën se zonja Soltan Achilova i dokumenton shkeljet e të drejtave të njeriut dhe problemet sociale që i prekin turkmenët dhe jetën e tyre të përditshme.

Juria e përbërë nga 10 grupe të aktivistëve, përfshirë organizatën “Amnesty International”, e njohën punën e Achilovës në një shtet ku, sipas kësaj jurie, liria e të shprehurit nuk ekziston dhe ku gazetarët e pavarur punojnë duke e bartur vetë rrezikun, shkruan Free Europe, transmeton Gazeta Express.

“Pavarësisht mjedisit shtypës dhe vështirësive personale, ajo është një nga reporterët e paktë në vend që guxon në nënshkruajë artikuj të pavarur”, thuhet në deklaratën e jurisë.

Achilova është kontribuuese në faqen e pavarur të lajmeve me bazë në Vjenë, “Khronika Turkmenistana” (“Kronikat e Turkmenistanit”), e cilat merret më shumë me lajmet dhe zhvillimet në Turkmenistan. Në të kaluarën, ajo ka punuar edhe për Radion “Evropa e Lirë”.

Kjo gazetare ka qenë cak i përndjekjes dhe shtypjes nga autoritetet shtetërore, të cilat nuk e tolerojnë gazetarinë e pavarur. Ajo është ndaluar nga policia dhe është sulmuar fizikisht nga zyrtarët, bandat dhe sulmues të tjerë të paidentifikuar, ndërsa edhe të afërmit e saj janë përballur me trysni nga autoritetet.

Dy të nominuarit tjerë për këtë çmim janë mbrojtësja saudite e të drejtave të grave, Loujain Al-Hathloul, dhe avokati e aktivisti kinez për të drejtat e njeriut, Yu Wensheng. Të dy këta persona aktualisht ndodhen në burg për punën që kanë bërë.

Ceremonia e ndarjes së çmimit prestigjioz do të ndahet përmes një organizimi online më 11 shkurt./ KultPlus.com