27 vite më parë Madonna përcaktoi formatin e koncerteve moderne të pop-it me turin e saj botëror “Blond ambition”. Nga skena e saj hidraulike e deri tek kostumet e saj ikonike të Jean-Paul Gaultier, ajo hapi rrugën për spektaklet në përmasa stadiumi.
Tani, pas shumë turesh botërore, ylli thotë se po eksploron spektaklet më të vogla në numra, në të ardhmen.
“Kam bërë aq shumë spektakle, ture botërore, stadiume, arena sporti…dhe ndjej se duhet t’i rishpik ato”, thotë Madonna, transmeton tch. “Më pëlqen të bëj shfaqje më intime dhe të mund t’i flas direkt audiencës. Kjo është diçka që unë po e eksploroj tani. Ideja e një shfaqjeje që të mos udhëtojë nëpër botë, por të qëndrojë në një vend dhe të përdorë jo vetëm humorin dhe muzikën por edhe forma të tjera argëtimi”.
Koncertet e ardhshme do t’i ngjasojnë ndoshta në stil show-t lotët e klounit, që Madonna performoi dy herë në 2016, një herë si dhuratë për fansat në Australi dhe në një event për mbledhje fondesh. Në këto koncerte, ikona e popit vishej si kloun, ngiste një tricikël, bisedonte me audiencën dhe tregonte shaka kur nuk performonte disa nga këngët e saj të preferuara.
Kur je në një koncert, në një stadium, thotë Madonna, je e lidhur me video, nuk mund të ndalësh…pasi treni të niset nga stacioni, duhet të vazhdojë të ecë. Ka një lloj adrenaline këtu, por nuk ka vend për gabime, ndaj mua më pëlqen ideja e gabimeve dhe një stili të lirë…për mua, kjo është më ekzaltuese për momentin”, thotë ajo./ KultPlus.com
