Etiketë: Muzeu Besa

Kërkesa të shumta, shtyhet sërish afati i aplikimit për muzeun ‘Besa’

Posted on by Kult Plus

Shtyhet për herë të dytë afati i dorëzimit të dosjeve të aplikimit për fazën e parë të Konkursit Ndërkombëtar për projektimin e muzeut më të ri në kryeqytet, “Besa”.

Ministrja e Kulturës, Elva Margariti, njoftoi përmes rrjeteve sociale se, kjo shtyrje ka ardhur për shkak të kërkesave të shumta, por edhe për t’i dhënë më shumë hapësirë kohore të interesuarve.

Afati i ri i dorëzimit të dosjes së aplikimit për fazën e parë është data 30 mars.

Konkursi ndërkombëtar u çel më 13 shkurt. Muzeu do të ngrihet në godinën e njohur si Shtëpia e Libohovitëve, monument kulture, që ndodhet në krah të Kalasë së Tiranës dhe Sarajeve të Toptanëve.

Në konkursin e çelur për këtë projekt, Kryeministri Edi Rama tha se, muzeu do të jetë një destinacion i ri në qytet për të gjithë ata që duan të njihen me këtë faqe të lavdishme të historisë së shqiptarëve.

Ky bëhet muzeu i dytë, pas atij të Vlorës, që i kushtohet rolit të shqiptarëve në ruajtjen e hebrenjve në periudhën e Holokaustit./atsh/ KultPlus.com

Shtyhet afati i konkursit për Muzeun “Besa”

Posted on by Kult Plus

Konkursi ndërkombëtar për hartimin e projektit për Muzeun “Besa” ka shtyrë afatet e dorëzimit të fazës së parë.

Konkursi ndërkombëtar u çel më 13 shkurt. Ministrja e Kulturës, Elva Margariti, përmes rrjeteve sociale njoftoi sot se afati u shty deri më 20 mars, për shkak të kërkesave të shumta.

“Kemi ndërmarrë një nismë të re, që na prek të gjithëve: ngritjen e Muzeut “Besa”, një institucion sa kujtese, aq edhe dialogu. Jemi me të vërtetë të lumtur për jehonën që ka gjetur ky lajm edhe në median ndërkombëtare”, është shprehur ministrja Margariti.

Muzeu do të ngrihet në godinën e njohur si Shtëpia e Libohovitëve, monument kulture, që ndodhet në krah të Kalasë së Tiranës dhe Sarajeve të Toptanëve.

Në konkursin e çelur për këtë projekt, Kryeministri Edi Rama tha se, muzeu do të jetë një destinacion i ri në qytet për të gjithë ata që duan të njihen me këtë faqe të lavdishme të historisë së shqiptarëve.

Ky bëhet muzeu i dytë pas atij të Vlorës që i kushtohet rolit të shqiptarëve në ruajtjen e hebrenjve në periudhën e Holokaustit./ KultPlus.com

Konkurs Ndërkombëtar për muzeun “Besa”

Posted on by Kult Plus

Ministria e Kulturës ka shpallur konkursin ndërkombëtar për projektide mbi restaurimin dhe muzealizimin e Muzeut “Besa”.

Qëllimi i konkursit është të përftohen koncepte bashkëkohore dhe vizionare për ndërhyrje të karakterit arkitekturor dhe restaurues për rehabilitimin dhe adaptimin e objektit ekzistues me status “Monument Kulture”, kategoria I, si dhe ndërhyrje rijetësuese, të cilat synojnë krijimin e një hapësire të re kulturore të shtuar në kryeqytet.

“Muzeu i Besës” lartëson një nga vlerat më të rëndësishme të trashëgimisë identitare të krijimit të kombit shqiptar.

Ky kod i pashkruar ka orientuar shoqërinë, duke ruajtur ekuilibra moralë dhe shoqërorë. Në cilësinë e fjalës, ajo kornizon sot një popull, i cili orientohet e beson në forcën e fjalës, duke i dhënë asaj një peshë gati hyjnore.

“Besa” nuk është vetëm një muze, ajo do të shërbejë si një pikë takimi, qendër dialogu për shkëmbime kulturore e më tej.

Ndërhyrjet në këtë objekt do të zhvillohen në tre linja: ndërhyrje restauruese, ndërhyrje rijetësuese/funksione të reja si dhe muzealizim.

Konkursi do të zhvillohet në dy faza. Faza e parë ka të bëjë me shprehjen e interesit, në përfundim të së cilës do të shpallen 5 finalistë që do të shpërblehen me çmimin 40,000 euro secili.

Faza e dytë është projektkoncepti, finalisti i së cilës do të lidhë kontratën për hartimin e projektzbatimit. /atsh / KultPlus.com