Etiketë: rimbursim

Kush kthen shishet plastike dhe të qelqit mund të rimbursohet

Posted on by Kult Plus

Ministri i Mjedisit, Planifikimit Hapësinor dhe Infrastrukturës, Liburn Aliu, ka thënë se Kosovë do të fillojë sistemi i rimbursimit të depozitave.

Ai ka bërë të ditur nga kjo do të mund të kthehen për riciklim shishet plastike, shishet e qelqit dhe kanaçet e aluminit.

“Sistemi i Rimbursimit të Depozitave, do të ulë ndjeshëm ndotjen nga shishet plastike, shishet e qelqit dhe kanaçet e aluminit. Ky sistem njëherësh është një mekanizëm ku konsumatorët paguajnë një depozitë për produkte si shishe plastike apo të tjera dhe pastaj e marrin këtë depozitë përsëri kur e kthejnë produktin e zbrazët”, ka thënë Aliu.

Po ashtu, është  hapur zyrtarisht thirrja për Administrator të Sistemit të Rimbursimit të Depozitave (SRD-së)

Ftojmë të gjithë të interesuarit që të aplikojnë përmes vegëzës si më poshtë:

https://mmphi.rks-gov.net/News/NewsArticle?ArticleID=1248 /Klankosova.tv/KultPlus.com

Këshilli i Prindërve tregon se kur dalin paratë në llogaritë e prindëve për blerjen e teksteve shkollore

Posted on by Kult Plus

Kryetari i Këshillit të Prindërve, Besnik Dragusha ka thënë se në javën e ardhshme prindërit do t’i kenë mjetet për blerjen e teksteve shkollore.

Sipas tij, gjatë kësaj jave do të hapet platforma e-Kosova dhe para 1 shtatorit prindërit do t’i kenë mjetet për tekstet shkollore.

“Sot besoj që brenda ditës ministria del me njoftim zyrtar saktësisht se si do të jetë kjo pjesë, duke e shpjeguar hap pas hapi edhe procedurimin edhe daljen e mjeteve, por informata është që gjatë kësaj jave platforma e-Kosova do të hapet për aplikim dhe mjetet do të dalin në javën e ardhshme”, tha kryetari i Këshillit të Prindërve.

Tutje, Dragusha tha se do të ketë parapagim për prindërit nga ana e ministrisë, e jo rimbursim.

“Prindërit do t’i kenë mjetet nga ministria në llogaritë e tyre para 1 shtatorit, kjo do të thotë se do të përdoren mjetet e ministrisë nga prindërit, pa pasur nevojë që ata fillimisht t’i blejnë me paratë e veta pastaj të kenë rimbursim, do të thotë do të ketë parapagim jo rimbursim”, u shpreh ai për Gazeta Blic.

Gjithashtu, Dragusha ka folur edhe se si do të jetë mënyra e pagesave për familjet me dy ose më shumë fëmijë.

“Informatat që i kemi nga ministria, familja e cila i ka më shumë se dy fëmijë në shkolla, sistemi e-Kosova është i lidhur me regjistrin civil edhe aplikojnë për dy femijë duke përcaktuar shkollën dhe klasën e fëmijës, varësisht prej shkollës dhe klasës ata do të bëjnë pagesën”, ka thënë kryetari i Këshillit të Prindërve, Besnik Dragusha. / KultPlus.com