Falë mbështetjes së programit “Bonusi i Rijetësimit”, Klemar Gjonaj dhe Astrit Kuka, kanë mundur të rijetësojnë pronën e tyre në qendrën historike të Shkodrës. Rikonstruksioni i ndërtesës në rrugën Kolë Idromeno ka kontribuar edhe për komunitetin që përfiton nga Bonusi i Rijetësimit.

Pronarët e godinës kanë mundur të restaurojnë objektin i cili ishte tejet i degraduar dhe jashtë funksioni që prej vitit 1997.

Përmes grantit që kanë përfituar nga Ministria e Kulturës, ata po e kthejnë pronën në një model të qëndrueshëm biznesi. Ndërtesa tashmë do të funksionojë si hotel dhe restorant, duke gjeneruar të ardhura dhe punësim për qytetin e Shkodrës.

Ky është viti i dytë që do të aplikohet ky bonus dhe është prashikuar një buxhet 50% më i madh. Skema mbështetëse është për këdo që do të restaurojë dhe rijetësojë një objekt-monument kulture apo që ndodhet në qendra historike. Për mirëmbajtje dhe konservim mbështetja do të jetë deri në 1 milion lekë, ndërsa për restaurim dhe rijetësim deri në 6 milionë lekë.

Aplikimi për këtë mbështetje do të kryhet përmes portalit e-Albania dhe afati është deri më 3 mars 2023./atsh/ KultPlus.com

Ministrja e Kulturës, Elva Margariti ka prezantuar në rrjetet sociale një tjetër përfitues të Bonusit të Rijetësimit.

“Bonusi i Rijetësimit ka mbërritur edhe në Kaninë, ku Kujtim Hamzaraj, falë kësaj mbështetjeje po restauron shtëpinë, të cilën do ua trashëgojë pasardhësve, si gjyshërit ia trashëguan atij”, shkruan ministrja Margariti.

Pronari i banesës që po restaurohet tha se shtëpia ishte shumë e vjetër, rreth 200-vjeçare. Herën e fundit ajo ishte restauruar në vitet ’83-’84, por tashmë duheshin bërë sërish rregullime, sidomos në pjesën e çatisë që pikonte.

Kujtim Hamzaraj falënderoi Ministrinë e Kulturës për ndihmën pasi vetë e kishte të pamundur të kryente restaurimet e nevojshme.

Nga fondi prej 100 milionë lekësh i Bonusit të Rijetësimit, përfituan 40 aplikantë. Kjo nismë e Ministrisë së Kulturës do të vazhdojë edhe përgjatë vitit 2023, me një buxhet më të madh

41 aplikantë u shpallën fitues të bonusit të rijetësimit për mirëmbajtjen, restaurimin dhe rijetësimin e objekteve të tyre monument kulture ose pa status, por që ndodhen në qendra historike, ansamble urbane e zona arkeologjike.

Ministrja e Kulturës, Elva Margariti u shpreh se, nisma u vjen në ndihmë pronarëve ose përdoruesve të ligjshëm të objekteve-monument kulture apo brenda qendrave historike dhe zonave arkeologjike.

“Për herë të parë  Ministria e Kulturës ndërmori nismën kombëtare “Bonusi i rijetësimit”, për t’u ardhur në ndihmë pronarëve ose përdoruesve të ligjshëm të objekteve-monument kulture apo brenda qendrave historike dhe zonave arkeologjike, që duan t’i mirëmbajnë apo rijetësojnë. Mes aplikantëve, 41 syresh përfitojnë 1-5 milionë lekë!”, theksoi Margariti në një postim në rrjetet sociale.

Bonusi i Rijetësimit u shërben të gjithë atyre që duan të zhvillojnë pronën e tyre në qendrat historike të qyteteve.

Ai përfshin dy instrumente mbështetjeje: një për restaurimin dhe konsolidimin e guaskës së shtëpisë, mureve, dritareve, dyerve, fasadës apo çatisë, ku jepet 10 mijë dollarë mbështetje, dhe instrumenti i dytë, për të gjithë ata që do të duhet të futen në një plan transformimi dhe vënie në funksion ekonomik të shtëpisë, deri në 50 mijë dollarë.

Me anë të këtij programi vjen për herë të parë një mbështetje për të gjithë banorët në qytetet dhe ansamblet historike, të cilët kanë nevojë të restaurojnë shtëpinë e tyre dhe shteti do t’u gjendet pranë me një skemë granti./ KultPlus.com