Etiketë: Eugent Bushpepa

Eugent Bushpepa, në muajin prill performon në Amsterdam

Posted on by KultPlus

Kjo është mundësia e parë e këngëtarit Eugent Bushpepa që të afrohet me adhuruesit e tij nga tërë Evropa.

Këngëtari shqiptar që do të përfaqësojë Shqipërinë këtë vit në Eurovizion, ka konfirmuar pjesëmarrjen në “Eurovision in Concert” në Amsterdam.

Eurovision in Concert mbahet çdo vit, ndërsa në të marrin pjesë këngëtarët që do të këndojnë në Eurovizion.
Bushpepa do të jetë i pranishëm në koncertin e datës 14 prill në AFAS Live në Amsterdam. Ky është edhe koncerti më i madh jashtë Eurovizionit, por me këngëtarë të këtij festivali, shkruan KultPlus.

https://www.youtube.com/watch?v=ZuZoTKTbwUA

Eugenti është i pari këngëtar që ka konfirmuar pjesëmarrjen e tij në këtë organizim. Bushpepa në dhjetor të 2017-tës e fitoi Festivalin e Këngës në TVSH me këngën “Mall” dhe kësisoj do të provojë të sjellë rezultat të mirë për Shqipërinë në Eurovizion.

Eurovision in Concert ditëve në vazhdim do ti bëjë publik edhe emrat e këngëtarëve tjerë që do të jenë pjesë e koncertit.

Ende nuk dihet se në cilat vende Bushpepa do të udhëtojë për të promovuar këngën e tij përfaqësuese. / KultPlus.com

Kush është Eugent Bushpepa, përfaqësuesi i Shqipërisë në Eurovision 2018? (VIDEO)

Posted on by KultPlus

Këngëtari Eugent Bushpepa ka fituar të drejtë e përfaqësimit shqiptar në Eurovision Song Contest 2018 në Lisbonë.

Kënga e tij “Mall” do të udhëtojë për në Portugali vitin tjetër, për të provuar hyrjen në finale të Shqipërisë, shkruan KultPlus.

Për ata që nuk e njohin Eugentin, ai ka kohë që këndon dhe është lehtë i identifikueshëm si një vokal i fuqishëm. Eugentin e njohim me anë të paraqitjeve në Top Fest në Shqipëri, në edicionin e nëntë me këngën “Udhëtari” dhe para dy vitesh me këngën “Pranë finishit”.

Bushpepa ka lindur në Rrëshen në vitin 1984. Ka jetuar për disa kohë në Itali ndërsa ishte televizioni Top Channel në Shqipëri vendi ku ai gjeti përkrahjen më të madhe, që nga viti 2006.

“Maska e madhështisë” mbetet ndër këngët më të mira të Eugentit, e realizuar në vitin 2007, ndërsa të njëjtin vit ai morri pjesë në TOP FEST në bashkëpunim me Sunrise, me këngën “Engjëll”.

Në Top Fest ai ka pasur paraqitje edhe në vitin 2011-të e 2013-të. Në vitin 2008 ai morri çmimin Zëri më i mirë në Top Fest, çmim të cilin më pas e morri prapë në vitin 2011-të.

https://www.youtube.com/watch?v=YqL1JvxwyTM

Ai ka qenë një prej zërave që ka shoqëruar grupin Deep Purple, kur këta të fundit mbajtën koncert në Shqipëri në vitin 2007 në kuadër të një turneu të veçantë. / KultPlus.com

Eugent Bushpepa zbulon se në cilën gjuhë do të këndojë në Eurovizion

Posted on by KultPlus

Këngëtari Eugent Bushpepa do të jetë përfaqësuesi për Shqipërinë në Festivalin Eurosong vitin tjetër në Lisbonë.

Madje, befasi e radhës do të jetë edhe këndimi në gjuhën shqipe në skenën prestigjioze në Portugali. Në një intervistë për Eurovision Albania, vetë Eugenti ka treguar se kënga do të mbetet në gjuhën shqipe.

Zakonisht, këngët në gjuhët e tyre kanë më shumë sukses në këtë festival evropian, sesa kur ato përkthehen në gjuhën angleze, shkruan KultPlus.

Kënga “Mall” kësisoj do të ripërpunohet për tu bërë tre minuta, aq sa e kërkon Eurovizioni, dhe do të këndohet në gjuhën shqipe.

https://www.youtube.com/watch?v=ZuZoTKTbwUA&t=10s

Herën e fundit kur Shqipëria shkoi shqip në këtë festival ishte viti 2013-të, kur në festival u paraqitën Adrian Lulgjuraj dhe Bledar Sejko, edhe pse nuk arritën suksesin e dëshiruar.
Në gjuhë shqipe, në Eurovizion kanë kënduar edhe Luiz Ejlli, Frederik Ndoci, Olta Boka, Aurela Gaçe dhe Rona Nishliu.

Bushpepa para disa ditësh fitoi në Festivalin e Fundvitit në TVSH me këngën “Mall”, ndërsa gjatë gjithë kohës ishte i preferuari në rrjete sociale. / KultPlus.com

Eugent Bushpepa: Do bëjë më të mirën e mundshme që të përfaqësohemi sa më denjësisht

Posted on by Kult Plus

“Mall” është kënga fituese e Festivalit të Këngës të edicionit të 56-të në RTSH. Kënga u këndua nga Eugent Bushpepa, i cili këtë këngë ia kishte kushtuar njeriut të tij të zemrës por që tani do të jetë diçka përtej personales.

Përveç fitores unike, si rrallëherë të publikut, “Mall” fitoi edhe të drejtën për të na përfaqësuar në festival.

Pas marrjes së çmimit mbrëmjen e së shtunës, Genti u shpreh shumë i lumtur për vlerësimin. Ai tha se do bëjë më të mirën që ta përfaqësojë Shqipërinë në Eurovizion: “Jam shumë i lumtur, falënderoj RTSH, falënderoj jurinë që më dhanë mundësinë të arrij të përfaqësoj Shqipërinë në Eurovizion. Do mundohem të jap maksimumin. Do bëj më të mirën e mundshme që të përfaqësohemi sa më denjësisht”, – tha ai në Post Festival.

““Mall” është një konglomerat tingujsh, ndjenjash dhe fjalësh që dikur ishin pjesë e imja. Shpresoj t’ju pëlqejë dhe t’ju ndihmojë të kaloni sadopak mallin që keni për dikë”, shkroi Genti kur prezantoi këngën e tij./ KultPlus.com

https://www.youtube.com/watch?v=ZuZoTKTbwUA

Dëgjojeni këngën që do të bartë flamurin shqiptar në Eurovizion-Lisbonë (VIDEO)

Posted on by Kult Plus

Këngëtari Eugent Bushpepa është shpallur fitues i edicionit të 56-të të Festivalit të Këngës në RTSH, fitore që e bënë si përfaqësues të Shqipërisë në Eurovizion, shkruan KultPlus.

Ai ka kënduar këngën “Mall” dhe shumë herët fansat ishin rreshtuar për këtë këngë, si këngë fituese e këtij edicioni.

Në vijim gjeni tekstin e këngës:

https://www.youtube.com/watch?v=DocjosVM5cU

MALL

STROFA 1

Nje pritje e gjate
E embel e zjarrte
Ca hapa trokasin si zemer kete nate
Une ndjek ritmin e saj
Dy duar qe zgjaten perpijne ne ngrohtesi
Ky mall qe te djeg nuk njeh kufi as largesi

PARA REF 1
Asgje ne kete bote nuk mund ta shprehe dot ndjesine
Kur zemrat bashkohen dhe prape rrahin si nje

STROFA 2
Dua te hesht ne kete nate i shtrire ne kete shtrat
Ku endrrat hyjnore sherojne cdo plage
Te shoh portretin e saj
Momentet kalojne
Sekondat nuk falin
Oret pasojne por ndjenjen se ndalin, jo

PRE REF 2
Si me magji hena shikimet perpin
Me sjell vegimin tend

REFREN
Lot i pathare ndricoje kete nate
Sonte kumbo prej shpirtit pa fjale
Vetem nje cast dhimbja te me ndale
Ky lot i pathare nje dite do shteroje
Nga puthjet e zjarrta qe enderroi
Ne ate cast dhimbja do ndaloje

STROFA 3
E embel kjo jete por nuk njeh kufi
Here na perkedhel here na krijon largesi
Ty te kam larg
Me ben te luftoj kur fuqite kane shteruar
Te enderroj edhe kur zgjuar jam

PRE REF 3
Si me magji hena shikimet perpin
Syte tane puqen serish edhe pse eshte fantazi
Jeten do ta fal ty

REFREN
Lot i pathare…

Eugent Bushpepa shkon në Eurovizion (VIDEO)

Posted on by KultPlus

Këngëtari Eugent Bushpepa është shpallur fitues i eidcionit të 56-të të Festivalit të Këngës në RTSH,fitore që e e bënë si përfaqësues të Shqipërisë në Eurovizion, shkruan KultPlus.

Ai ka kënduar këngën “Mall” dhe shumë herët fansat ishin rreshtuar për këtë këngë, si këngë fituese e këtij edicioni./KultPlus.com

https://www.youtube.com/watch?v=DocjosVM5cU