Etiketë: ora

Ora e Tokës fik dritat në gjithë globin

Posted on by Kult Plus

Zelanda e Re ishte e para sot në të gjithë globin që fiku dritat duke përuruar kështu fillimin e ngjarjen mbarëbotërore të Orës së Tokës.

Lëvizja globale nxit vendet të fikin dritat për një orë për të tërhequr vëmendjen ndaj  ndryshimeve klimatike.

Monumentet e Auckland duke përfshirë ”Sky Tower” dhe ”Harbour Bridge”, plus ndërtesat e parlamentit në Uellington mbetën pa drita në orën 20:30 (07:30 GMT).

Më vonë, monumente të tjera anembanë globit, përfshirë Shtëpinë e Operës së Sidneit, Syrin e Londrës dhe kullën Eifel, do të fikin dritat e tyre në shenjë solidariteti.

Tani në vitin e saj të 18-të, koordinatori i WWF International po kërkon gjithashtu që njerëzit të kontribuojnë në “Jepni një orë për Tokën” dhe të shpenzojnë 60 minuta duke bërë diçka pozitive për planetin.

Drejtoresha e përgjithshme, Kirsten Schujit tha në vitin 2023 se mbi 410 000 orë i janë dhënë planetit tonë nga mbështetës në 190 vende dhe territore, që përfaqësojnë 90% të planetit.

“Është thelbësore të përfshihemi, nëse duam të rrisim ndërgjegjësimin për sfidat mjedisore dhe të përkulim kurbën e humbjes së biodiversitetit deri në vitin 2030”, tha ajo.

“Mbrojtja e planetit tonë është një përgjegjësi e përbashkët dhe kërkon veprim kolektiv nga çdo cep i shoqërisë”, theksoi Schujit.

Nisma filloi në vitin 2007 në Australi./atsh/KultPlus.com

Rita Ora në podcastin e famshëm amerikan: Jam lindur në Kosovë, dikur ishte pjesë e Shqipërisë

Posted on by Kult Plus

Këngëtarja shqiptare me famë botërore, Rita Ora, së fundmi ka qenë e ftuar në podcastin e famshëm amerikan të ‘Dear Media Studio’.

Në këtë podkast ndër të tjera ajo ka folur edhe për origjinën e saj, Kosovën.

Teksa iu përgjigj pyetjes për rrënjët e saj shqiptare, Ora  tha se është e lindur në Kosovë, shtet ky që dikur ishte pjesë e Shqipërisë.

“Unë jam lindur në Kosovë, Shqipëri. Mirë, tani është Kosovë por dikur ishte pjesë e Shqipërisë. Dhe pastaj u shpërngula në Londër kur isha një vjeçe”, tha Ora.

Pas potencimit të moderatores së podkastit tha se ka shumë shqiptarë të famshëm në industrinë e muzikës botërore, Ora u pajtua plotësisht dhe u shpreh se ndihej shumë krenare për të arriturat e tyre.

“Po është bukur t’i shohësh. Kur unë fillova në vitin 2012, nuk kishte. Kështu që tani ne kemi Dua Lipën, Bebe Rexhën dhe është e mrekullueshme”, deklaroi Ora.

Orët më të bukura të Europës

Posted on by Kult Plus

Europa njihet për arkitekturën dhe historinë e veçantë që kësaj arkitekture i ka mveshur koha, shkruan KultPlus.

Në vijim, KultPlus ju sjell orët më të njohura të Europës.

Big Ben në Londër

Ora e qytetit në Pragë

Ora e kohës së rrjedhjes në Berlin

Kulla e orës Zytglogge në Bern

Ora Astronomike në Strasburg

Ora më e madhe në botë e kuzhinës në Triberg

Glockenspiel në Mynih

Ora Anchor në Vjenë

Ora Anchor në Vjenë

Kulla e Orës në Graz

Torre dell’Orologio në Venecia

Shtëpia e Magjisë në Blois – Kjo nuk është një orë e vërtetë, por kokat e dragoit në qytetin francez Blois ende tregojnë kohën.

Rita Ora uron 111 vjetorin e Pavarësisë së Shqipërisë (FOTO)

Posted on by Kult Plus

Këngëtarja shqiptare e njohur në botë, Rita Ora, ka uruar Ditën e Pavarësisë së Shqipërisë, me fotografi nga vizita e saj në Kosovë.

”Gëzuar Ditën e Pavarësisë Shqipëri nga familja jonë tek e juaja!”, ka shkruar Ora në Instagram,  përderisa shkrimin e shoqëron me disa fotografi nga mbrëmja e organizuarnga presidentja e Kosovës, Vjosa Osmani me figurat vendore të artit dhe kulturës/ KultPlus.com

Rita Ora fiton çmimin ‘Artistja muzikore më e mirë’

Posted on by Kult Plus

Këngëtarja shqiptare me famë botërore Rita Ora është shpallur “Artistja muzikore më e mirë e vitit” në një ceremoni për ndarjen e çmimeve vjetore në Londër, në ngjarjen ‘Ethnicity Awards 2023’, shkruan KultPlus.

Në këtë ngjarje të organizuar nga panelistja e Loose Women, Judi Love, u vlerësuan të arriturat jetësore të shumë yjeve të famshëm në fusha të ndryshme.

Lajmin e ka bërë të ditur vetë Rita Ora përmes një postimi në Instagram:

Pas koncertit në Hungari, kjo është videoja e parë që e shpërndanë Rita Ora (VIDEO)

Posted on by Kult Plus

Rita Ora, këngëtarja shqiptare me famë botërore, këto ditë ka qenë në cak të kritikave dhe reagimeve të shumta, si shkak i një koncerti në të cilin ajo mbajti gabimisht në duar flamurin serb, shkruan KultPlus.

Megjithëse, Rita Ora disa orë më vonë doli me një sqarim se nuk kishte qenë e vetëdijshme se ai të cilin e kishte mbajtur në duar kishte qenë flamur serb, kritika të shumta morën kahje drejt saj.

Sot këngëtarja shqiptare me famë botërore ka vendosur t’iu kundërpërgjigjet kritikuesve të saj përmes një videoje në instagram, ku shihet Mbreti Charles III, që flet për emrat e shquar me origjinë shqiptare në mesin e të cilëve përmend edhe Rita Orën dhe Nënë Terezën.

Publikohet traileri i filmit ‘Wonderwell’ në të cilin luan edhe Rita Ora (VIDEO)

Posted on by Kult Plus

Është publikuar traileri i filmit ‘Wonderwell’, në të cilin luan edhe këngëtarja shqiptare me famë botërore Rita Ora, shkruan KultPlus.

Filmi është një fantazi aventureske për një vajzë 12-vjeçare (Kiera Milward) e cila bie në një mbretëri tjetër ku një shtrigë e mirë me emrin Hazel (Carrie Fisher) jeton përkrah natyrës. Megjithatë, duket se jo gjithçka është ashtu siç duket në botën reale si stilistja dhe shtriga e mundshme e keqe, Yana (Rita Ora) është e mërzitur me Hazelin për marrjen e vajzës. Ajo që shpaloset duket si një film vizualisht mahnitës me shumë imagjinatë dhe një ton zemër.

Pra një përrallë që zhvillohet midis Italisë së ditëve moderne dhe një mbretërie imagjinare pak më përtej, Wonderwell ndjek Violet, një vajzë naive dhe kureshtare 12-vjeçare, në një udhëtim emocionues që e transformon botën e saj përgjithmonë.

Filmi është bërë me regji të Vlad Marsavin dhe skenar të William Brookfield, përderisa aktorët të cilët marrin pjesë në film janë: Rita Ora, Carrie Fisher, Kiera Milëard, Nell Tiger Free, Sebastian Croft, Vincent Spano, Megan Dodds, Lloyd Oëen, Niccolò Besio, Romany Gilmour etj./KultPlus.com

Rita Ora dëshiron që njerëzit të kujtojnë se ajo shkoi në Angli si refugjate

Posted on by Kult Plus

Këngëtarja me origjinë shqiptare, Rita Ora, ka shpjeguar pse dëshiron t’i kujtojë publikut se ka qenë refugjate para se të bëhej një superstar botëror.

32-vjeçarja u largua nga vendi i saj i lindjes, Kosova në fillim të viteve ’90 përpara se të kërkonte strehim në Mbretërinë e Bashkuar, shkruan metro.co.uk, transmeton klankosova.tv.

Pas 10 vjetësh në industrinë e muzikës, ajo mendoi se ishte e rëndësishme të përhapte histori pozitive për refugjatët dhe t’i kujtonte të gjithëve se nga vinte.

Ajo foli për të kaluarën e saj në një intervistë të re me ‘Big Issue’ dhe rrëfeu për udhëtimet e saj në Mbretërinë e Bashkuar para se t’ia dilte mbanë.

Ylli i popit zbuloi: “Në këtë pikë të karrierës sime – unë jam në lojë qe 10 vjet – ndjeva se ishte e rëndësishme t’i kujtoja publikut, si dhe vetes, udhëtimin”.

Rita vazhdoi duke thënë se donte të theksonte “perceptimin e njerëzve për një vajzë si unë që vjen nga një vend i botës së tretë si Kosova, dhe po, të qenit refugjate dhe ardhja në MB dhe ëndrrat e mia të realizoheshin”.

Këngëtarja ‘Let You Love Me’ foli për mundësitë e saj dhe vuri në dukje rëndësinë e ruajtjes së gjithçkaje që i është dhënë deri më tani.

“Nëse nuk do të kisha mundësi të shkoja në Londër dhe prindërit e mi nuk do ta bënin atë ndryshim të guximshëm, nuk do të mund të ulesha këtu dhe të flisja me [Norman Cook], një nga heronjtë e mi, filloi fytyra e famshme”.

“E di që e meritoj sepse punoj shumë. Por ka shumë fëmijë si unë, prej nga jam, për të cilët nuk ndodh vërtet. Kështu që nuk e marr kurrë si të mirëqenë”./klan kosova/KultPlus.com

Tërmeti rikthen në funksion orën në Japoni që u ndal para 10-vjetësh si pasojë e cunamit

Posted on by Kult Plus

Për gati dhjetë vjet, ora e vendosur në tempullin “Bunshun Sakano” ishte një kujtesë e forcës natyrore që ishte afër shkatërrimit të madh të Japonisë. Ora, e cila besohet se është rreth 100 vjet e vjetër, u ndal së punuari pasi një tërmet dhe cunami goditën fuqishëm Japoninë duke marrë jetën e mbi 18 mijë njerëzve, më 11 mars 2011.

Tempulli, i cili është i vendosur pak qindra metra larg nga baza e cunamit, një qytezë në rajonin Miyagi, u godit nga valët, me disa pjesë të saj që u shkatërruan. Aty shpëtoi ora, e cila u pastrua, por që refuzoi të riniste funksionimin.

Më 13 shkurt të sivjetmë – pak javë para se të shënohej 10-vjetori i tragjedisë – rajoni i njëjtë u godit nga një tërmet i fuqishëm, me sizmologët që thonë se ishte pasgoditje e tërmetit të marsit të atëhershëm.

Në ditën e nesërme, Sakano, kryesuesi i tempullit budist, shkoi për të shikuar dëmet që ishin bërë. Ora, e cila kishte qëndruar e heshtur, po bënte zhurmë.

Dy muaj më pas, ajo ende po funksionon, shkruan “The Guardian”. Ora duket se është kthyer në funksion pas dridhjeve të muajit shkurt./ KultPlus.com

Vidhet në një dyqan antik, ora e xhepit e dhuruar nga ish-presidenti i Amerikës

Posted on by Kult Plus

Një orë xhepi me vlerë rreth $27,000 e dhuruar nga ish-presidenti amerikan Woodrow Wilson është vjedhur në një dyqan antikitetesh, njoftoi sot policia e Londrës.

Ora me vlerë të llogaritur nga $22,800 deri në $26,860), është vjedhur mesditën e të shtunës, tha në njoftimin e saj policia e Londrës. Sipas saj autori i vjedhjes ishte një burrë që kishte hyrë në dyqanin e objekteve antike Pierrepont Arcade, në Islington në veri të Londrës, dhe tha se dëshironte të blinte një vazo dekorative.

Burri kishte tentuar të blinte vazon por karta e tij e bankës nuk kishte funksionuar. Policia beson se burri kishte hapur vitrinën për të vjedhur orën, kur punonjësi i dyqanit po vendoste vazon përsëri në vend.

Ora e vjedhur ishte ndërtuar me flori 14 karat dhe është dhuruar nga presidenti Wilson.

Në anën ballore të saj shihet vula presidenciale e SHBA me një shqiponjë, ndërsa në pjesën e prapme është gdhendur mbishkrimi i  Wilson.

“Nga Presidenti i Shteteve të Bashkuara për Charles J Lawrenson, kapiteni i avullores britanike Nubian, në nderim të shërbimeve humane për shpëtimin në det të ekuipazhit të anijes amerikane Julia A Trubee, më 7 mars 1914”, shkruhet në mesazh.

Policia publikoi fotot e orës si dhe ato të një burri me të cilin dëshirojnë të flasin në lidhje me krimin.

“Pronarët e orës janë shumë të shqetësuar,” tha oficeri Joshua Brown në njoftim. “Objekti ka qenë në familjen e tyre prej shumë kohësh dhe nxisim personin që e vodhi ta kthejë sa më shpejt që është e mundur”.

Wilson ka qenë presidenti i 28-të i SHBA nga viti 1913 deri në 1921. Ai kishte qenë më parë president i Universitetit Princeton dhe guvernator i New Jersey. /express/ KultPlus.com

Ditën kur vodha orën e shokut mësuesi nuk më turpëroi, por më dha mësimin më të madh të jetës

Posted on by Kult Plus

Një zotëri i ri në moshë takon një të moshuar.

– A më mbani mënd?

– Jo.

– Kam qenë nxënësi juaj.

– Çfarë bëni; Me çfarë merreni?

-U bëra dhe unë mësues, ia kthen djaloshi.

-Si e sheh veten, je i mirë në punën që bën?

-E vërteta është se po. Ju më frymëzuat dhe doja t’ju ngjaj.

I çuditur zotëria i moshuar, pyet të mësojë se çfarë ishte ajo që i mbeti në mëndje dhe e frymëzoi kaq shumë saqë donte të bëhej dhe ai mësues. Dhe ish nxënësi i tij i shpjegoi historinë e mëposhtme.

-Një ditë një shok klase- që ishte dhe shoku im i ngushtë, erdhi në klasë dhe më tregoi një orë të re shumë të bukur. Nuk i rezistova dot tundimit dhe në një çast ia vodha orën. Pas pak, kuptoi se ora mungonte nga xhepi i tij dhe menjëherë lajmëroi mësuesin që jepte mësim në atë orë në klasë, dhe ishit ju.

Ju, pra, iu drejtuat klasës dhe thatë:

-Ora e një shokut tuaj të klasës u vodh gjatë mësimit. Kushdo që e ka vjedhur, i lutem ta kthej menjëherë.

-Më erdhi kaq shumë turp nga ideja e poshtërimit para klasës, saqë nuk guxova të zbulohesha. Pastaj ju mbyllët derën, na the të gjithëve të qëndrojmë në këmbë dhe se do kontrolloje të gjithë xhepat tanë derisa ta gjeje. Por vurët një kusht: se të gjithë ne duhet të lidhnim sytë për të mos parë fajtorin. Dhe kështu ndodhi. Kur arritët tek mua, e gjetët në xhepin tim dhe e morët. Por, ju vazhduat kërkimin dhe në xhepat e të tjerëve dhe kur mbaruat, na the:” tani mundeni ti hapni sytë, ora u gjend.” Nuk e zbuluat kurrë emrin tim para klasës dhe as nuk ma përmende kurrë këtë ndodhi. Prisja të më injoronit, të më poshtëronit, të më përjashtonit, por asgjë nga këto nuk ndodhi. Atë ditë shpëtuat dinjitetin tim përgjithmonë. Ajo ditë ishte dita më e turpshme e gjithë jetës time dhe me mënyrën tuaj më dhatë një mësim. E kujtuat ngjarjen z. Mësues?

-Po, duke të dëgjuar, i kujtova të gjitha. Por ekziston diçka që nuk më kujtohet dhe ajo je ti, sepse edhe unë i kisha sytë të mbyllur kur po i kontrolloja të gjithëve!!

Morali: Nëse duhet të poshtërosh dikë para syve të të gjithë shokëve të tij të klasës për ta dënuar, atëherë vetëm mësues nuk quhesh, thjesht, nuk je. Të tillë mësues kanë prekur shpirtëra dhe mbeten në zemrat dhe kujtesën e nxënësve.

Shqipëruar nga M. Sota

Foto e Robert Doisneau, L’information scolaire, Paris 1956./ KultPlus.com

Sonte akrepat shkojnë 60-të minuta prapa

Posted on by Kult Plus

Në natën e të shtunës 24 tetor dhe të dielës 25 tetor, në orën 3 të mëngjesit, akrepat do të shkojnë 1 orë prapa, duke u pozicionuar në 2.

Ky orar do të na shoqëroj deri të dielën e fundit të marsit 2021, kur do të spostojmë sërish akrepat e orës. Ndoshta kjo do të jetë hera e fundit që ne do ta bëjmë këtë, pasi parlamenti evropian ka votuar që ora mos të ndryshojë më.

Çdo vend do të vendosë vetë se ke orë do të mbajë. Edhe vendi ynë duhet të vendosë nëse duhet të mbajë orën diellore apo të përshtaten me atë verore për të gjithë vitin.

Në verën e 2018 rreth 5 milion qytetare evropian kanë marrë pjesë në një konsultë të ndërmarrë nga disa vende Europiane, me Finlandën dhe Poloninë në rresht të parë, mbi një propozim për të hequr detyrimin për të ndërruar orën dy herë në vit për vendet anëtare. Pavarësisht se 76% e pjesëmarrësve shprehën mbështetjen e tyre, një debat filloi për ketë temë brenda BE-së, pa arritur një vendim. Sidoqoftë me një shumicë të madhe u vendos që detyrimi për të ndryshuar orën e verës dhe të dimrit të mos ekzistojë më.

Secili shtet do të jetë i detyruar deri në prill të 2021 të miratojë kohën që do të përdorë përgjithmonë. Vendet e Evropës Jugore duket se me shumë gjasa do të mbajnë orën verore, ndërsa vendet me veriore (të cilat tashme kanë më shumë dritë në mbrëmje gjatë verës) mund të mbajnë orën diellore. / KultPlus.com