Etiketë: Alban Ukaj

Sonte në Sarajevë vjen premiera e shfaqjes nga Alban Ukaj

Posted on by KultPlus

Aktori Alban Ukaj do ta provojë vetën si regjisor.

Pas një viti me plot suksese dhe projekte, Ukaj po kthehet me regjinë e shfaqjes ‘Nigdje nikog nemam’.

Sonte, premiera e shfaqjes vjen në SARTR në Sarajevë, dhe duket se Albani është i lumtur që ka punuar në këtë projekt.

Teksti flet për jetën e njeriut modern dhe për të ardhmen e tij. Një burrë i ekspozohet një regjimi totalitar, ndërsa ngjashmëria vërehet edhe me distopinë e Orwellit.

“E di fort mirë çka do të thotë regjim që shtypë, sepse jam rritur dhe kam qenë adoleshent në një regjim të tillë. Historia jonë shpesh përsëritet. Ky tekst është shkruar disa vitesh dhe gjithmonë ka qenë kontraverz” tregon në një intervistë për Klix – Alban Ukaj.

https://www.youtube.com/watch?v=-1H944zHxZA

Albani do të jetë edhe aktor në këtë shfaqje, duke mos e harruar ‘zanatin’ e tij të vjetër. Teksti i shfaqjes është shkruar nga Edward Bond, shkruan KultPlus.

Snežana Bogićević dhe Jasenko Pašić i bashkohen Albanit në lojën brenda shfaqjes.

Shfaqja fillon në ora 20:00 në Sarajevskog ratnog teatra (SARTR). / KultPlus.com

Ka nisë Festivali i Filmit në Sarajevë, nën udhëheqjen e aktorit kosovar Alban Ukaj

Posted on by KultPlus

Ka nisë edicioni i 24 i Festivalit të Filmit në Sarajevë, edicion ky që është hapur nga aktori kosovar Alban Ukaj, shkruan KultPlus.

KultPlus ka njoftuar edhe më herët se ky edicion do të ketë për nikoqir aktorin kosovar Alban Ukaj, kurse organizatorët kanë shpjeguar se Festivali i Filmit në Sarajevë, si një festival që zbulon gjeneratat e reja që do të udhëheqin kinemanë rajonale në të ardhmen, ka vendosë që në ceremoninë hapëse të këtij edicioni, rolin e nikoqirit t’ia besoj aktorit kosovar Alban Ukaj, i cili ka shumë vite që është paraqitur në shumë role, si në teatër, ashtu edhe në film.

Festivali i Filmit në Sarajevë vlerësohet të jetë Festivali më i rëndësishëm i filmit në rajon, duke sjellë shumë shpesh figura të njohura të kinemtaografisë botërore./KultPlus.com

Aktori Alban Ukaj, nikoqir i ceremonisë së hapjes së Festivalit të Filmit në Sarajevë

Posted on by KultPlus

Aktori kosovar Alban Ukaj do të jetë nikoqir i ceremonisë së hapjes së edicionit të 24-të të Festivalit të Filmit në Sarajevë, shkruan KultPlus.

Ky festival do të hapet më 10 gusht, me një numër të madh të mysafirëve, ku hapja do të bëhet në Teatrin Kombëtar të Sarajevës.

Festivali i Filmit në Sarajevë, si një festival që zbulon gjeneratat e reja që do të udhëheqin kinemanë rajonale në të ardhmen, ka vendosë që në ceremoninë hapëse të këtij edicioni, rolin e nikoqirit t’ia besoj aktorit kosovar Alban Ukaj, i cili ka shumë vite që është paraqitur në shumë role, si në teatër, ashtu edhe në film./KultPlus.com

“Martesa” e Blerta Zeqirit me premierë në Kosovë

Posted on by KultPlus

Filmi artistik i metrazhit të gjatë “Martesa” me regji të Blerta Zeqirit tashmë ka shijuar suksesin e premierës botërore, film i cili në festivalin “Tallin Black Nighs Film Festival” ka marë çmimin e kritikës dhe atë të ansamblit të aktorëve, shkruan KultPlus.

Dhe pas këtij suksesi, ky film është duke shqyrtuar rrugëtimin e mëtejmë të prezantimit të këtij filmi edhe nëpër festivale të tjera, por edhe të prezantimit të filmit nëpër kinema.
Blerta Zeqiri, regjisorja e filmit ka thënë për KultPlus se filmi “Martesa” do të prezantohet edhe në Kosovë, dhe mbrëmja e parë kur do të prezantohet ky film është një shkurti. Ajo ka treguar se filmi do të prezantohet në Cineplexx.

‘Martesa’ flet për një trekëndësh dashurie pranë dhe gjatë një martese, trekëndësh ky problematik dhe një diskutim më i thellë i tabuve të pranishme në plot shoqëri, ku rolet kryesore interpretohen nga: Alban Ukaj, Adriana Matoshi dhe Genc Salihu./KultPlus.com

Lansohet traileri i filmit “Martesa” i regjisores Blerta Zeqiri (VIDEO)

Posted on by KultPlus

Filmi artistik i metrazhit të gjatë “Martesa” me regji të Blerta Zeqirit tashmë ka publikuar trailerin zyrtar, shkruan KultPlus.

Në këtë film që shtjellohet dashuria nëpërmjet një trekëndëshi, me rolet e tyre luajnë aktorët: Adriana Matoshi, Alban Ukaj e Genc Salihu.

Bekimi dhe Anita gjenden në një ngjarje të dhimbshme ku janë gjetur mbetje nga varrezat masive. Prindërit e Anitës janë të zhdukur, dhe çifti është gati për martesë. Çifti, i kthyer në Prishtinë, e takon Nolin, muzikantin që jeton në Francë. Ai ka qenë shoku i ngushtë i Bekimit, ndërsa ata nuk e kanë parë njëri-tjetrin për dy vite” shkruhet mes tjerash në kritikën e Vassilis Economou.

Ndërkaq, ky film ka premierën botërore më 28 nëntor në Estoni, në festival të kategorisë A.
Përndryshe, ky është filmi i parë i metrazhit të gjatë për regjisoren Blerta Zeqiri./KultPlus.com