Michael Jackson është gjallë dhe është dëgjuar në ceremoninë e diplomimit të djalit të tij Prince – pohojnë ithtarët e teorive konspirative.

Mbreti i muzikës pop ndërroi jetë në vitin 2009, mirëpo gjatë gjithë kohës ka pasur teori nga më të ndryshmet që pretendonin se është gjallë.

Ndërsa një video i ka rikthyer teoritë konspirative në lidhje me këngëtarin amerikan. Xhirimi thuhet se është bërë në muajin e kaluar gjatë ceremonisë së diplomimit të Prince në ‘Loyola Marymount University’ në Los Angeles.

Videoja e publikuar në kanalin BeLIEve në YouTube, e shfaq momentin kur thirret emri i djalit të Jackson teksa një femër thotë: “Ja ku është Prince”, ndërsa më pas dëgjohet edhe një zë tjetër që nuk kuptohet.

Ithtarët e teorive konspirative besojnë se është zëri i Michael, ndërkohë që të tjerët kërkojnë fakte reale për këto dyshime të hedhura.

“Michael Jackson është gjallë, mund ta dëgjoni zërin e Michaelit në diplomimin e djalit të tij”, thuhet në përshkrimin e videos. /Telegrafi/

Këngëtari i famshëm i muzikës pop, Michael Jackson, është krye-temë e mediave ndërkombëtare kohëve të fundit.

Akuzat lidhur me abuzimet seksuale duket se po nxjerrin në pah histori të shumë viteve më parë, të cilat kanë lënë gojëhapur opinionin.

Michael Jackson (Foto: Vinnie Zuffante/Hulton Archive/Getty Images/Guliver)

Së fundmi, edhe “Transport for London” ka tërhequr reklamat nga autobusët, në të cilat deri më tani mbrohej pafajësia e mbretit të popit.

Këto reklama shfaqnin sloganin: “Faktet nuk gënjejnë. Njerëzit po”.

“Ne rishikuam qëndrimin tonë dhe do i heqim reklamat”, kanë thënë në një deklaratë për BBC Radio 1 Newsbeat, “Trnsport for London”.

Ndërkohë, Survivors Trust ishin ata që bënë thirrje për bojkotimin e këtyre reklamave, pasi sipas tyre ato dekurajonin viktimat e dhunës seksuale që të denonconin rastet. /Telegrafi/ KultPlus.com

• Michael Jackson

Një ndër qendrat të vjetra tregtare në Danimarkë që në gjirin e vetë ka shumë figura prej dylli ka marrë një vendim interesant.

Menaxhementi ka vendosur që ta heq figurën e këngëtarit të ndjerë, Michael Jackson nga frika se mund të jetë ofenduese për klientët pasi artisti së fundi po akuzohet për ngacmime seksuale.

Charlotte Andersen, drejtoresha e marketingut në Redwood Center, një qendër tregtare në periferi të Kopenhagës, tha për TV2 se morën pesëmbëdhjetë ankesa për figurën e Jacksonit, kryesisht nga familjet me fëmijë.

Qendra ka njoftuar rreth organizimit të një ekspozite me figurat e dyllit të yjeve kryesore botërore, duke përfshirë Merilin Monroe dhe Julia Roberts.

Pas heqjes së figurës së këngëtarit që ndërroi jetë në vitin 2009 u vendos që të zëvendësohet me figurën e Brad Pittit.

Theksojmë se qendra tregtare me 75,500 metra katror u hapi në vitin 1966 dhe është ndër kryesore në Danimarkë.

Ndryshe, së fundi është shfaqur në ekranet e kinemave edhe një film dokumentar sa i përket keqtrajtimeve seksuale të Jacksonit. /Telegrafi/ KultPlus.com

Xhaketa e zezë lëkure e veshur nga Mbreti i ndjerë i Pop muzikës, Michael Jackson, të cilin e kishte veshur në turneun e parë solo “Bed”, do të dal në një ankand që do të mbahet në nëntor të këtij viti.

Sipas vlerësimeve të para, xhaketa mund të arrijë çmimin deri në 100 mijë dollarë.

Këngëtari i ndjerë këtë xhaketë, në shpinën e së cilës gjendet nënshkrimi i tij i përhershëm, e kishte veshur nëpër koncerte të ndryshme përgjatë viteve 1987 deri 1989.

Theksojmë se xhaketa e fundit kuqezi që e kishte veshur në videoklipin “Thriller” ishte shitur në një ankand për 1.8 milion dollarë në vitin 2011.

Në ankand, i cili do të mbahet më 10 nëntor në Hard Rock Cafe në Times Square të New Yorkut, do të shfaqen kitarat elektrike, ku kanë luajtur Bob Dylan, Paul McCartney, Eric Clapton, dhe anëtarët e U2 grupit, Bono dhe Edge.

Ndryshe, çdo kitarë e tij mund të shitet për 20 mijë deri në 50 mijë dollarë. /KultPlus.com

Adhuruesit nuk po pajtohen me vdekjen e këngëtarit Michael Jackson, i cili më 29 gusht do ta kishte ditëlindjen e tij të 60-të. Ata pohojnë se ekzistojnë prova të forta se ai është gjallë, shkruan The Sun.

Janë shfaqur disa teori konspirative për ‘mbretin e popit’, ndërsa njëra prej tyre është emri i tij i shkruar gabimisht në certifikatën e vdekjes.

Në videon të cilën e postuan adhuruesit, në pasaportën e Jacksonit është i shkruar emri i mesëm “Joe”, ndërsa në certifikatën e vdekjes është shkruar ‘Joseph’. Adhuruesit përmes rrjeteve sociale e pyetën motrën e Michael, këngëtaren La Toya Jackson (62), ndërsa ajo e konfirmoi se emri i saktë është “Joe”.

Para kësaj u diskutua për ‘gjurmën’ në këngën ‘The Great Forever’ të motrës së tij Janet Jackson (52) e cila daton nga viti 2015. Adhuruesit e ngadalësuan ritmin e këngës dhe thonë se ajo e përmban zërin e ‘mbretit të popit’.

“Nuk më vjen mirë që po gërmoni, jam zënë duke e jetuar jetën time”, – thuhet se këndon Jackson. Adhuruesit në teorinë e tretë pretendojnë se Michael vitin e kaluar ishte maskuar në martesën e muzikantit Siggy Jackson.

Thuhet se bëhet fjalë për një njeri të madh me syze të diellit, i cili qëndroi jo shumë larg Prince (21) dhe Paris Jackson (20), fëmijëve të tij. Adhuruesit theksuan se “mbreti i popit” në xhirim ngjan shumë në personazhin, i cili në vitin 1996 luajti në filmin e shkurtër ‘Ghosts’. koha.net/ KultPlus.com

Michael Jackson kryeson listën e Forbes me të famshmit më të mëdhenj që kanë fituar të vdekur për vitin e pestë në radhë duke grumbulluar në 75 milionë dollarë falë shfaqjes së tij në Las Vegas dhe albumit të ri më të madh të goditjeve.

Michael Jackson ka fituar 75 milionë dollarë në një vit, duke u bërë kryesuesi i listës së të famshmëve që kanë fituar edhe si të vdekur, sipas Forbes.

Golfisti Arnold Palmer mori vendin e dytë, duke fituar 40 milionë dollarë në sajë të shitjeve të pijeve dhe veshjeve të markës.

Charles Schulz u rendit i treti në listë, duke fituar 38 milionë dollarë në 12 muaj.

Elvis Presley dhe Bob Marley pasojnë më pas në vendet 4 dhe 5, duke fituar respektivisht 35 milionë dhe 23 milionë dollarë.

Të famshëm të tjerë të vdekur që fitojnë më së shumti janë: Elizabeth Taylor, Albert Ajnshtajni, The Prince dhe David Bowie.

Michael Jackson vdiq tetë vjet më parë, por ai ende fiton miliona dollarë.

Mbreti i Popit kryeson listën “Top 13” të Forbes me emrat e të vdekurve që vazhdojnë të fitojnë, gjersa për të pestin vit vazhdon të mbetet në të njëjtën pozitë.

Kjo është lista e 13 personave të vdekur, që vazhdojnë të fitojnë më së shumti:

1. Michael Jackson, muzikant, vdiq 2009: 75 milion dollarë
2. Arnold Palmer, lojtar golfi, vdiq 2016 – 40million dollarë
3. Charles Schulz, karikaturist, vdiq 2000 – 38 milionë dollarë
4. Elvis Presley, muzikant, vdiq 1977 – 35 milionë dollarë
5. Bob Marley, muzikant, vdiq 198- 23 milionë dollarë
6. Tom Petty, muzikant, vdiq 2017 – 20 milionë dollarë
7. The Prince, muzikant, vdiq 2016 – 18 milionë dollarë
8. Dr Seuss, autor, vdiq 1991 – 16 milionë dollarë
9. John Lennon, muzikant, vdiq 1980 – 12 milionë dollarë
10. Albert Einstein, fizikan, vdiq në vitin 1955 – 10 milionë dollarë
11. David Bowie, muzikant, vdiq 2016 – 9.5 milionë dollarë
12. Elizabeth Taylor, aktore, vdiq 2011 – 8 milionë dollarë
13. Bettie Paige, model, vdiq 2008 – 7.5 milionë dollarë. / KultPlus.com