Etiketë: Eleni Foureira

Eleni Foureira ‘pushton’ toplistat e rreth 30 shteteve në Europë

Posted on by KultPlus

Pas performancës së mbrëmshme në Eurovizion, këngëtarja Eleni Foureira ka pushtuar toplistat e disa shteteve në Evropë.

Përfaqësuese e Qipros në këtë Eurovizion – Festivalin e madh muzikor në Evropë, Eleni Foureira është numër 1 në toplistën zyrtare muzikore në Qipro.

Në Greqi ajo është në vendin e dytë, ndërsa në Estoni në vendin e pestë.
Kënga “Fuego” është momentalisht në vendin e nëntë në Suedi, në vendin e dhjetë në Spanjë, në vendin e 33-të në Izrael, në vendin e 35-të në Norvegji.

“Fuego” që u kualifikua për në finale e Eurovizionit me datë 12 maj, është edhe në toplistat e Portugalisë, Belgjikës, Francës, Austrisë, Irlandës, Finlandës, Anglisë.

Sipas basteve, Eurovizionin do ta fitojë shqiptarja Eleni Foureira

Posted on by KultPlus

Sonte do të mbahet gjysmëfinalja e parë e Eurovizionit – festivalit të madh muzikor që këtë vit mbahet në Portugali.

Do të jenë gjithsej 19 këngë që do të ngjiten në skenë, ndërsa vetëm dhjetë prej tyre në fund të natës do të kualifikohen për në finale të festivalit.

Para se të nisë nata, vëmendja fokusohet tek bastet e ndryshme.
Eleni Foureira – shqiptarja që këtë vit këndon për Qipron në Eurovizion, është momentalisht e para në baste për të fituar edhe gjysmëfinalen e parë edhe festivalin në tërësi. Deri dje këtë pozitë e ka pasur Netta nga Izraeli, por tani e para është ngjitur në listë Eleni.

Sonte Eleni performon e fundit në listë.

Në gjysmëfinale sonte këndon edhe Eugent Bushpepa për Shqipërinë. Në bastet momentale, Eugenti renditet në pozitën e 15-të dhe nuk ka shansa të kualifikohet, gjithmonë sipas basteve.

Nëse bastet kanë të drejtë, atëherë sonte drejt në finale shkojnë Qipro, Izraeli, Estonia, Lituania, Çekia, Greqia, Austria, Belgjika, Armenia dhe Bullgaria. / KultPlus.com

Shqiptarët ‘pushtojnë’ Eurovizionin, Eugent Bushpepa dhe Eleni Foureria interpretojnë sonte në Lisbonë (VIDEO)

Posted on by Kult Plus

Eugent Bushpepa do të ngjitet i treti në skenë me këngën “Mall”, në gjysmëfinalen e parë të Eurovizion-it që mbahet sonte në Lisbonë të Portugalisë.

Kujtojmë që këngëtari shqiptar i Rock-ut ka marrë vlerësime të mëdha për performancën e tij gjatë provave, kryesisht për vokalin, që duket se është pika e tij më e fortë.

Në skenë Bushpepa do të shoqërohet nga instrumentistët Denis Hima, Gerti Hima, Besnik Nikolli dhe vokalistet Erinda Agolli e Greta Radovani.

Në këtë gjysmëfinale të parë konkurrojnë 19 shtete: Azerbajxhani, Islanda, Shqipëria, Belgjika, Republika Çeke, Lituania, Izraeli, Bjellorusia, Estonia, Bullgaria, Maqedonia, Kroacia, Austria, Greqia, Finlanda, Armenia, Zvicra, Irlanda dhe Qipro.

https://www.youtube.com/watch?v=0KJQlXBROwI

Vlen për t’u theksuar fakti që për herë të parë tre shqiptarë garojnë për tre flamuj të ndryshëm, Bushpepa për Shqipërinë, Ermal Meta për Italinë, dhe Eleni Foureria për Qipron./ KultPlus.com

Gjesti i këngëtares shqiptare në Eurovision irriton grekët, reagime të ashpra në rrjet

Posted on by KultPlus

Ajo nuk kishte folur për origjinën e saj shqiptare, sepse e ndiente me erë diskriminimin. E bëri për shumë vite pasi jetoi në Greqi, por vendosi të dorëzohej një ditë dhe të pranonte se ishte shqiptare. Në fund të fundit, Eleni Foureira ka shumë arsye për t’u ndier krenare me veten dhe nuk ka pse të fshihet apo të shtiret si njeri tjetër.

Pasi spikati si këngëtare mjaft e talentuar, Foureira u kthye shumë shpejt në vokalin potent dhe u komentua gjatë si një artiste e kompletuar. Derisa i erdhi radha edhe Eurosongut, në të cilin këngëtarja me origjinë shqiptare do të konkurrojë për të përfaqësuar Qipron, pas pak ditësh në Lizbonë.

Ndërkaq, zhurma për artisten me origjinë shqiptare nuk ka përfunduar. Tani që ajo ka nisur provat së bashku me të gjithë artistët e tjerë pjesëmarrës, është ndalur në mënyrë të veçantë me disa prej tyre. Por takimi me Gent Bushpepën nuk mund të kalonte në heshtje. Dhe sidomos pasi bëri shqiponjën me duar në shenjë simbolike për të gjithë shqiptarët.

Që nuk është aspak shenjë e mirë për grekët. Simboli i shqiponjës dykrenare i ka irrituar mediat greke, aq sa një pjesë e mirë e tyre e konsiderojnë këtë gjest provokues dhe tallës ndaj kombit të tyre. Pas kësaj fotoje që Eleni Foureira postoi së bashku me përfaqësuesin shqiptar në Eurosong, jehona u përhap menjëherë në rrjet dhe reagimet qenë nga më të ndryshmet.
Përfaqësuesja e Qipros në Eurovision dhe veprimi i saj me shqiponjën ka ngjallur reagime të ashpra edhe në ekrane. I tillë është rasti i televizionit Star, i cili shkruan në faqen zyrtare se Eleni Foureira dhe këngëtari shqiptar Eugent Bushpepa bënë simbolin e “Shqipërisë së Madhe”, duke e lidhur gjestin me nacioanlistët dhe UÇK-në.

Eugent Bushpepa dhe Eleni Foureira bëjnë shqiponjën në Lisbonë (FOTO)

Posted on by Kult Plus

Eugent Bushpepa dhe Eleni Foureira (Entela Fureraj) janë duke bërë përgatitjet për edicion e radhës të Eurovisionit, ku do të jenë konkurrentë.

Mirëpo konkurrenca nuk i ka ndaluar këngëtarët, të cilët flasin më krenari për prejardhjen e tyre, të bëjnë një fotografi së bashku, duke krijuar figurën e shqiponjës me duar, shkruan KultPlus.

Eugent Bushpepa me këngën “Mall” ishte fitues i Festivalit të Këngës në TVSH, festival ky që i siguroi biletën për Eurovizion. Eugenti do të pushtojë skenën e Eurovizionit duke shpalosë flamurin kombëtar shqiptar në Lisbonë.

Eleni Foureira është shqiptarja e dytë që do të marrë rrugën për në Eurovizion. Eleni do ta përfaqësoj Qipron me këngën “Fuego”. Ajo jo rrallë herë e ka potencuar se është shqiptare, por kësaj radhe do të ecë drejt skenën me flamurin e Qipros.

Përveç tyre në Eurovizion është edhe Ermal Meta. Ai u bë shqiptari i parë që fitoi Festivalin e Sanremos, i cili jep dritën jeshile për përfaqësimin e Italisë në Eurovizion. Ermali bashkë me Fabrizio Moro do marrin rrugën për Lisbonë nën petkun e flamurit të Italisë me këngën “Non mi avete fatto niente”./ KultPlus.com

Shqiptarja Eleni Foureira performon në MadWalk 2018 në Greqi

Posted on by KultPlus

Këngëtarja me origjinë nga Fieri, Eleni Foureira, e cila po bën karrierë muzikore në Qipro dhe në Greqi, ka performuar disa këngë të saja në një spektakël të njohur në Greqi.

MadWalk2018 ka mirëpritur artistët e njohur nga Greqia dhe nga disa shtete evropiane.

MadWalk2018 – një organizim i modës ka mirëpritur edhe Elenin e cila në këtë video shihet duke kënduar versionin e saj të hitit “Gigi in Paradiso” nga Dalida.

Eleni do të këndojë për Qipron në Eurovizion, pas vetëm 1 muaji. Kënga “Fuego” tanimë po cilësohet si një ndër këngët më të mira të këtij edicioni të festivalit evropian.

Në këtë spektakël kanë performuar edhe Sakis Rouvas – këngëtar i njohur në Greqi. / KultPlus.com

Këngëtarja rrëfen kujtimet që ka nga Shqipëria: E vizitoj shpesh

Posted on by Kult Plus

Pak kohë më parë këngëtarja me origjinë shqiptare Eleni Foureira ka deklaruar origjinën e saj. Këngëtarja shqiptare këtë vit do të përfaqësojë Qipron në Eurovizion dhe ka dhënë një intervistë në mediat greke ku ka theksuar se e viziton shpesh atdheun e saj pasi ka gjyshërit ende në Shqiperi.

Githashtu ajo thekson se ato kujtime që ka për vendin e saj nuk mund t’i harroj kollaj, ndonëse nuk ka jetuar shumë vite.

“Nuk harrohen, ato përvoja më kanë bërë kjo që jam sot. Të them të vërtetën, kam vetëm kujtime të mira. Ne jemi katër motra e vëllezër, një familje e madhe. Më kujtohen vite të bukur dhe papritur më kujtohet që ndryshon gjithçka. Nisi lufta, me plumba, me dhunë”, shprehet Eleni Foureira.

Ajo nuk ka lënë pa përmendur gjyshërit e saj, arsyeja përse vjen shpesh në vendin tonë.

“Gjyshja dhe gjyshi jetojnë aty, dhe shkoj shpesh për t’i parë. Krenohen dhe gëzohen me aq sa kam arritur janë të lumtur për mua”, shtoi Eleni Foureira.

Këngëtarja me origjinë shqiptare tashmë është një nga emrat më të lakuar në muzikën greke./a.me/KultPlus.com

Nga 43 këngët në Eurovizion, tanimë ekziston një favorite për të fituar (VIDEO)

Posted on by KultPlus

Tanimë dihen të gjitha 43 këngët që do të ngjiten në muajin maj në skenën e Eurovizionit.

Eurovizioni është festival që përcillet nga miliona shikues në mbarë botën.

43 këngë sivjet sjellin 43 shtete në Portugali, shteti që fitoi vitin e kaluar Eurovizionin dhe këtë vit do të jetë nikoqir i dy gjysmëfinaleve dhe finales.

Si e do zakoni, këngët më të mira marrin menjëherë vëmendjen e publikut.

Kësisoj ka ndodhur edhe me këngën nga Izraeli. Kënga “Toy” menjëherë ka depërtuar në toplistat e vendeve të ndryshme evropiane dhe qysh tash shihet si një prej favoriteve, shkruan KultPlus.

Netta është këngëtarja nga Izraeli, shumë e re në moshë, e cila ka mahnitur me suksesin e saj viteve të fundit. Kënga e saj “Toy” po dëgjohet tanimë në Spanjë, në Poloni, Norvegji e në Holandë, ku ka arritur të futet në toplistat kryesore.

Pos kësaj kënge, Eleni Foureira për Qipron duket se e ka nisur këtë periudhë me këmbë të mbarë. Kënga “Fuego” pos që ka pushtuar Qipron e Greqinë, po dëgjohet dhe është klasifikuar mirë edhe në Spanjë. Deri tani duket sikur këto dy këngë janë goxha favorite për të dalë mirë në këtë festival. Izraeli, në fakt, edhe mund ta fitojë në tërësi festivalin me një këngë të kapshme dhe të veçantë si ajo e Netta.

Eurovizioni do të mbahet me 8, 10 dhe 12 maj në Portugali. Filomena Cautela, Sílvia Alberto, Daniela Ruah dhe Catarina Furtado janë moderatoret e këtij spektakli në këto tri net muzikore. / KultPlus.com

Cili prej tre shqiptarëve do ta ketë rezultatin më të mirë në Eurovizion?

Posted on by KultPlus

Tanimë dihet se janë gjithsej tre këngëtarë me prejardhje shqiptare në Eurovizioni e këtij viti.

Ka shumë që nuk e pëlqejnë Festivalin Evropian të Muzikës – Eurovizionin, por këtë vit edhe ata që nuk janë të pasionuar pas tij do të kthehen për të parë tre shqiptarët që ngjiten në skenë për tri shtete të ndryshme.

Qiproja përfaqësohet këtë vit nga Eleni Foureira. Ajo është shqiptare me origjinë, por për vite me radhë e ka mohuar dhe fshehur prejardhjen e saj. Megjithatë, emri i saj i vërtetë është shqiptar. Kënga e saj “Fuego” ka pak ditë që është lansuar dhe po pëlqehet prej fansave të Eurovizionit. Një këngë ritmike është gjithmonë e mirëseardhur për fansat e Eurovizionit.

https://www.youtube.com/watch?v=ZuZoTKTbwUA

Eugent Bushpepa do të ngjitet në skenën e Eurovizionit për të provuar një rezultat më të mirë për Shqipërinë. Bushpepa po përgatitet fuqishëm për gjysmëfinalen ku ai do të performojnë, ndërsa nga ky muaj do të nisë edhe promovimin më intensiv të këngës. Shqipëria ka debutuar në Eurovizion në vitin 2004 ndërsa rezultati më i mirë është vendi i pestë në finalen e vitit 2012-të. A do të mundet Eugenti të depërtojë edhe më mirë se kaq?

Ndërsa Ermal Meta do të përfaqësojë Italinë në Eurovizion. Shqiptari i tretë në këtë garë të fuqishme evropiane sjellë një këngë me një mesazh të fuqishëm, kundër akteve terroriste që viteve të fundit kanë ndodhur në pjesë të ndryshme të Evropës. Meta, një djalë karizmatik i cili para se të bëhej vetë këngëtar u angazhua si tekstshkrues për plot këngëtarë italianë, këtë vit provon që bashkë me Fabrizio Moron ta çojë fitoren e Eurovizionit në Itali. Hera e fundit kur Italia e fitoi Eurovizionin ishte në vitin 1990. / KultPlus.com

Shqiptarja që mund ta përfaqësojë Greqinë në Eurovizion (VIDEO)

Posted on by KultPlus

Ajo është ndër këngëtaret më të njohura në Greqi. Përpos faktit se disa herë e ka fshehur origjinën e saj shqiptare, Eleni Foureira megjithatë është një shqiptare e cila për vite me radhë jeton në Greqi, atje ku ka karrierë të bujshme në muzikë.

“Eurovizioni është një tregim i dhimbshëm megjithatë” ka thënë ajo kur ka folur në një radio greke dhe kur është pyetur nëse do të donte të përfaqësonte shtetin grek në Eurovizion.

“Ka një arsye pse unë deri sot nuk kam kënduar në Eurovizion. Ka shumë pak mundësi që unë të përzgjidhem për ta përfaqësuar Greqinë, dhe shansat për të aplikuar janë tepër tepër të vogla” ka thënë Foureira në këtë intervistë, shkruan KultPlus.

https://www.youtube.com/watch?v=JvZCoMpj4A0

Në vitin 2013-të, Foureira ka performuar bashkë me këngëtaren fituese të Eurovizionit 2004, Ruslana, ndërsa vitin e kaluar ajo pati shprehur dëshirë të merrte pjesë në Eurovizionin që u mbajt në Stokholm të Suedisë.

Deri me 27 tetor, këngëtarët nga Greqia mund të aplikojnë për ta përfaqësuar shtetin e tyre në garën evropiane të muzikës – Eurovizion. Greqia e ka fituar festivalin në vitin 2005, kur Elena Paparizou këndoi këngën “My Number One”, ndërsa shteti mbetet si një ndër më aktivët dhe një nga ato shtete që gjithmonë pozicionohet mirë në Eurovizion. / KultPlus.com