Muaj: Qershor 2018

56 vjeçari Shemsi Haziri, ishte njëri nga të dëbuarit nga Kosova, i cili tani jeton në Gjermani, ai rrëfen se si ulej në bankat shkollore me nxënës të cilët ishin dyfish më të rinj se ai.

Njerëzit gjithmonë kanë ardhur në Gjermani – sepse ata u dëbuan nga rajoni i tyre, u arratisën nga lufta apo u persekutuan në vendlindje. Për Ditën Botërore të Refugjatëve të para disa ditëve, e përditshmja gjermane “Donau Kurier” ka zgjedhur tre rsate të të arratisurve, në mesin e të cilëve edhe një çift bashkëshortor shqiptar.
“Gjermania më pranoi në gjirin e saj si një familje”. Dhe mu për këtë, Shemsi Haziri është gjithashtu shumë mirënjohës dhe i lumtur.

Shqiptari nga Kosova aktualisht është 56-vjeçar, ndërsa kanë kaluar plot 30 vite që kur u largua nga vendlindja, për tu vendosur në Gjermani. Shemsiu është shumë i lumtur në Pfaffenhofen, ku jeton me gruan e tij Hyrën dhe me fëmijët, Fjolla dhe Fatjoni. Që të dy kanë lindur në Pfaffenhofen.

Në vendlindjen e tij, në Kosovë, Shemsiu kishte studiuar letërsi dhe gazetari, ka shkruar për gazetat dhe ka marrë pjesë në demonstratat kundër serbëve të Sllobodan Millosheviqit. “Deri në periudhën që Tito vdiq, bashkëjetesa në shtetin multietnik të Jugosllavisë ka qenë e mirë”, thotë Shemsi Haziri për “Donau Kurier”, përcjell Albinfo.ch. Tito, i cili e kishte afruar vendin më afër Perëndimit në politikën e jashtme dhe kishte mbajtur lidhje të ngushta ekonomike me vendet kapitaliste, ishte personaliteti integrues i këtij vendi, i cili u karakterizua nga kaq shumë gjuhë dhe kultura. “Pastaj filloi të menduarit nacionalist”. Në fillim të viteve 1980, shumë shqiptarë të Kosovës kërkonin të merrnin statusin e Republikës në Jugosllavi. Propaganda nacionaliste në të dy anët ushqente gjendjen shpirtërore nga të dy anët. “Mbisundonte një ndjenjë e pakënaqësisë dhe shtypjes”, e përkujton atë periudhë Shemsiu. Ai u arrestua tri herë për një kohë të shkurtër, megjithatë lirohej sërish. “Por, e dija: se këtu për mua po bëhej rrezik”. Ishte në vitin 1988. Vetëm dhe vetëm me disa gjësende, ai u nis për në Gjermani. Në vendlindje i la tetë vëllezërit dhe motrat, si dhe dhe prindërit e tij. Një vëlla dhe babain nuk arriti t`i shohë më asnjëherë. Kur mbërriti në Mynih, Shemsiu aplikoi për azil politik dhe u vendos në rrethin Pfaffenhofen, të cilin nuk kishte të drejtë ta linte. Në Manching qëndroi për një vit e gjysmë, duke kaluar natën në një bujtinë. “Në atë kohë nuk më lejohej të punoja dhe as nuk më lejohej të ndiqja një kurs të gjuhës në Ingolstadt”. Pëlqente të bënte të paktën ndonjë punë të vogël sociale apo si mjeshtër i përgjithshëm, por nuk kishte shanse. Caritas vinte një herë në javë dhe ndër të tjera, ndihmonte azilkërkuesit për vizita tek autoritetet. Përndryshe nuk kishte shumë mbështetje tjetër. “Kemi pasur 81 marka si të holla për vetveten”.

Tre vite pas arritjes në Gjermani, më në fund Shemsi Haziri mori lejen e punës. “Në atë kohë unë isha në esencë aq i mirë në gjermanisht, sa jam edhe sot”, thotë ai. Gjuhët janë të tijat, mund të thuhet. Gjermanishtja e tij nuk është me theks, por pa gabime. Ai do të pëlqente të bëhej përkthyes, por zyra e punësimit financoi vetëm trajnimin në sektorin e ndërtimit. “Kjo nuk më shqetësonte”, thotë 56-vjeçari. Si një 30 vjeçar, Shemsiu u ul bashkë me nxënësit 16-vjeçarë në një shkollë profesionale. Si murator, Shemsiu më pas ka punuar për një kohë në Mynih, ndërsa për 15 vite ishte i pavarur.

Në vitin 1993, u takua me gruan e tij Hyrën, e cila gjithashtu është nga Kosova. Njëkohësisht, Shemsi Haziri është gjithashtu edhe shtetas gjerman. Fëmijët 21 dhe 15 vjeçarë, gjuhën shqipe e flasin në mënyrë të përkryer, merita për këtë i takon babait. “Integrimi është shumë i rëndësishëm”, thotë Shemsi Haziri, i cili themeloi një shoqatë kulturore shqiptaro-gjermane në Pfaffenhofen dhe gjithashtu është i përfshirë në Shoqatën ndërkombëtare kulturore të qytetit. “Por në shkollë, fëmijët e mi janë të huaj dhe nëse nuk janë shqiptarë, atëherë ata nuk janë asgjë”.
Ai është shumë i lumtur me jetën e tij në Pfaffenhofen.

“Jam shumë mirë këtu dhe kurrë nuk do ta harroj atë që bëri Gjermania për mua”. Ajo e kishte mbështetur atë për një kohë të gjatë, duke i dhënë para dhe duke i siguruar një çati mbi kokë. “Edhe nëse jeni me të afërmit, ata përfundimisht do t’ju thonë që duhet të largoheni”. Sot, 56-vjeçari përpiqet të japë diçka nga ajo që ka marrë. Vullnetarisht përkthen për shërbimet sociale dhe përpiqet të integrojë të huajt në Pfaffenhofen. Përkundër gjithçkaje, Kosova ka mbetur shtëpia e tij, për çdo pushim i viziton familjarët e tij. “Por, ashtu siç unë jam i huaj këtu, edhe atje jam i hujai. Megjithatë, e di që në atë kohë nuk kisha zgjidhje tjetër veçse të largohesha nga vendi”.

Kur refugjatët nga Siria u pritën në mënyrë miqësore në stacionin kryesor të Mynihut në vitin 2015, Shemsi Haziri mendoi se ishte “jashtzakonisht bukur”. Por, “jo të gjithë që vinin këtu, kanë qenë të përndjekur dhe disa nuk janë mirënjohës për ate që marrin këtu”. Përveç kësaj, për deportime është dashur shumë kohë. Në këtë pikëpamje, Shemsiu qëndron në një mendim me shumë gjermanë të tjerë. Në të njëjtën kohë, ai shpreson që Angela Merkel do të gjejë një zgjidhje europiane për problemin e refugjatëve.

Sot në Spanjë është intonuar dy herë himni i Kosovës, pas fitoreve që kanë shënuar dy xhudistet e Kosovës.

Në Spanjën e cila nuk e ka njohur Kosovën si shtet, sonte dy herë është intonuar himni i Kosovës dhe është ngritur flamuri i Kosovës, pasi Distria Krasniqi dhe Nora Gjakova fituan medaljet e arat në xhudo në Lojërat Mesdhetare “Tarragona 2018”.

Komiteti Olimpik i Kosovës e ka publikuar një video me intonimin e himnit të Kosovës dhe ngritjen e flamurit.

Anija turistike “Marina” me 313 turistë të huaj në bord ka arritur sot në portin e Himarës.

Bregdeti i jugut është kthyer një atraksion turistik mjaft të preferuar për turistët e huaj dhe këtë e dëshmojnë edhe shifrat në rritje të numrit të turistëve.

Gjeografia e vendeve nga vijnë turistët është zgjeruar tashmë dhe jugun e vendit e vizitojnë turistë nga Italia, Belgjika, Finlanda, Danimarka, Hungaria, Polonia, Anglia, Izraeli etj.

Himara shquhet për plazhet e saj shumë të bukur, shumica me zalle, por edhe me rërë të bardhë e të imët. Spilleja, është plazhi qendror i Himarës, me shumë vizitorë në verë, më tutje janë Prino, Potami, Filikuri, më në jug Llamani, Qeparoi, Borshi, brigjet e Piqernit (Buneci), Lukova dhe Kakomea./ata

Këtyre ditëve kur po diskutohet më shumë se kurrë për shqiponjën – simbolin shqiptar të pranishëm edhe në flamurin kombëtar dhe faktin se si Granit Xhaka e Xherdan Shaqiri me festimin e tyre shkaktuan debat në Evropë, faqe të ndryshme dhe njerëz të ndryshëm me kreativitet po nxjerrin shqiponjën në kontekste të ndryshme jetësore.

Diçka kreative është edhe një shqiponjë e Charlie Chaplinit vite më parë.

Në kuadër të projektit Ponder, i cili synon fuqizimin e të rinjve përmes shkrim-leximit kritik medial, UNICEF Innovations Lab, tani ka hapur aplikimin për garën e kritikëve të rinj, shkruan KultPlus.

Kjo është garë e hapur për të gjithë të rinjtë nga e gjithë Kosova, të cilët synojnë fuqizimin përmes shkrim – leximit kritik medial. Të gjithë ata të cilët ndonjëherë kanë shkruar apo kanë dëshirë të shkruajnë artikuj dhe krijojnë video bazuar në dëshirën dhe nevojën për të sfiduar stigmatizimet shoqërore, por edhe për të shprehur interesimet e tyre në tema të ndryshme, gara e kritikëve të rinj është rruga që duhet ndjekur.

Duke u bërë pjesë e kësaj gare të rinjtë do të kenë mundësi të sfidojnë kreativitetin e tyre, të zgjerojnë përvojën dhe zhvillojnë aftësitë, të krijojnë lidhje me kritikët tjerë të rinj të cilët ndajnë të njëjtat interesa dhe pasione, të bëhen pjesë e rrjetit të kritikëve të rinj dhe se fundi të hyjnë në këtë garë për të fituar njërin nga tri çmimet (3 Tableta Lenovo Yoga) që do të ndahen për artikullin, videon dhe fotografinë më të mirë.
Për tu bërë pjesë e kësaj gare, ju duhet të shkruani një artikull, krijoni një video apo fotografi mbi një temë të zgjedhjes tuaj dhe ta dorëzoni atë në formën e aplikimit të cilën mund ta gjeni në linkun më poshtë:
http://kosovoinnovations.org/ponder/

Gjestin e dy futbollistëve shqiptarë po e bëjnë të gjithë ata që i mbështesin, përfshirë edhe figura publike.

Është ish-presidenti i Kroacisë, Stipe Mesiq, i cili me duart shqiponjë ka nxitur reagimin e presidentit të Serbisë, Aleksandër Vuçiq.

Pas publikimit të kësaj fotoje, Vuciq tha se “kroatët dhe shqiptarët na urrejnë. Veprimet e tyre flasin për ta e jo për ne. Ne duhet të shohim se si të shkojmë përpara, të zhvillohemi. Urrejtja vret atë që urren, jo atë që është objekt i urrejtjes,” i është kundërpërgjigjur Vuçiq ish-presidentit kroat.

Kësaj iniciative i është bashkuar edhe mbështetësi i madh i shqiptarëve kongresmeni amerikan Eliot Engel. Pas marrjes se mandatit në Kongres, Engel ka pozuar me duart mbi gjoks, duke imituar simbolin e shqiponjës.

E ndonëse një ditë më parë nuk deshi të komentojë shumë lidhur me dënimin që FIFA ua dha dy futbollistëve shqiptarë, kryeministri i Kosovës, Ramush Haradinaj, shihet në një foto me stafin e tij, duke mbështetur djemtë shqiptarë të kombëtares zvicerane të dënuar nga FIFA, raporton KTV.

Mediat zvicerane kanë vazhduar të shkruajnë vazhdimisht për shqiponjat e kombëtares së tyre, derisa e djathta zvicerane nuk ka ndalur sulmet, duke thënë se kjo është mbështetje për Shqipërinë e jo për Zvicrën. E në gjithë këtë debat është përfshirë edhe birra e Luzernit, e cila ka publikuar një foto montazh se si do të dukej ambalazhi me simbolin, i cili ngjall shumë reagime. Por pronari i birrarisë ka thënë se është vetëm montazh, derisa nuk ka përjashtuar mundësinë që në të ardhmen të krijohet një ambalazh i tillë.