Sikur ta kishit ditur se, kur shtëpia është e errët dhe e qetë, unë hyj dhe ju shikoj si merrni frymë. Aty në heshtje, e pyes veten se a e dini sa shumë ju du. Mendoj për gjërat që do t’kisha mundur t’i bëj e them ndryshe, dhe e pyes veten nëse i harroni gabimet e mia, apo i grumbulloni në kujtesë. Shpresoj dhe lutem, aty në heshtje, se do ta dini sa thellë e gjërë ju dua.

M’keni parë në versionin më të mirë timin, edhe në më t’keqin. Sot n’mëngjes jemi përqafuar në krevat dhe koka jote u mbështet në gjoksin tim. I morra erë flokëve të tua dhe të pëshpërita se të dua. Edhe të mbatja ligjëratë se si duhet TË DËGJOSH dhe TË MOS NDËRPRESËSH, dhe isha shumë më terse se duhej. Më vonë, u shtriva në krevatin tënd dhe të kërkova falje.

Ju m’i keni parë të gjitha ngjyrat, dhe para jush nuk kam asnjë maskë. Jam veç një nanë e tollovitur që shpesh kërkoj falje dhe ju dua me çdo grimcë të qenies time.

Dua ta dini…

Nuk e di sakt se çfarë po bëj. Do të doja ta dija, por nuk e di. E bëj më të mirën që mundem dhe i besoj instiktit tim, por ndonjëherë bëj gabime. Ndonjëherë them gjëra që nuk duhet të thuhen. Ju lutem më tregoni kur ju lëndoj dhe do ta përmirësoj. Ne po mësojmë dhe rritemi bashk.

Ndonjëherë nuk mund t’i gjej fjalët për ta përshkruar se çfarë ndjej për ju. Dua, por nuk mundem.

Edhe pse ndonjëherë jam e stërngarkuar dhe e stresuar do të doja t’i jetoj këto ditë përgjithmonë.

Jam krenare me ju. Jua them këtë, por akoma nuk e kuptoj plotësisht çfarë do të thotë. Jam krenare me ju në një mënyrë që nuk varet nga sukseset apo dështimet tuaja. Jam krenare për atë se kush ju jeni, dhe çdoherë do të jem fansja juaj më e madhe, pavarësisht çdo gjëje.

Shpresoj që mospërkryerja ime ju lejon bën të kuptoni se është në rregull mos të jeni të përkryer. Shpresoj se çdoherë do të më lejoni t’i shoh gabimet tuaja dhe ta dini se jeni të sigurt me mua. Shpresoj asnjëherë të mos hamendeni të më tregoni kur të gaboni, sepse kjo nënë jo e përkryer do t’ju dojë pavarësisht gjithçkaje.

Dashuria ime do të mbështillet rreth jush, deshët apo s’deshët. Nuk ka diçka që mund ta bëni e që do t’më bënte të mos ju dua. Asnjëherë.

Ju dua. /supergrat.net/ KultPlus.com

Këtë të mërkurë, me datë 26 dhjetor, duke filluar prej orës 19:00 në Prishtinë do të promovohet përmbledhja “Letërsia Lëvizëse”.

Në hapësirën e Qendrës Multimedia, Alter Habitus organizon përmbylljen e vitit 2018 duke promovuar dy publikime – përmbledhjen me poezi nga edicioni i parë i festivalit Letërsia Lëvizëse, dhe vëllimin e parë të ‘Feminizmat në Kosovë’. 

Inspiruar nga përmbledhja e parë e poezive të Letërsisë Lëvizëse Alter Habitus ju fton në një panel diskutimi lidhur me letërsinë moderniste të viteve të 70-a dhe çështje tjera që kanë të bëjnë me letërsinë dhe feminizmin.

Alter Habitus ka nderin të ketë në panel diskutimi Resmije Kryeziun, Agim Vincën, Ag Apollonin dhe Zyrafete Shalën. 

Pas diskutimit, për me festu sukseset e 2018-ës kemi koktej të lezetshëm që po na e organizon Miqt Pub. / KultPlus.com

Heritage Space do të bëjë promovimin e librit “Këngët e Dasmave” më 27 dhjetor duke filluar nga ora 18:00 në Institut Yunus Emre , në Prizren .

Libri “Këngët e Dasmave, Gora, Zhupa dhe Podgorë” ka dalë si rezultat i hulumtimit të disa tregimeve gojore me qëllim të mbledhjes, vizuelizimit dhe digjitalizimit të tyre. Këto tregime deri sot janë rrëfyer përmes këngëve të vjetra dasmore, të kënduara kryesisht nga gratë dhe vajzat e reja, për ta përcjellur çdo pjesë dhe akt të ceremonisë së martesës. Përmes këtij libri, kjo traditë e vjetër dhe ky thesar kulturor i komunitetit boshnjak të rajonit të Prizrenit, do të ruhet nga harresa. 

Pjesë e promovit do të jetë edhe një performancë e shkurtë e këtyre këngëve nga Hatime Emini, Seude Saciri dhe Ermine Abaji.

Edicioni i tretë i Heritage Space NDËRLIDHI trashëgiminë me kreativitetin në mënyrë që këto së bashku të krijojnë edhe njëherë. NDËRLIDHE TRASHËGIMINË këtë vit ka ofruar hapësirë për ri-jetësimin e ndërtesave historike, ri-krijimin e artefakte, ri-tregimin e tregimeve të harruara dhe ri-zbulimin e turizmit kulturor. Heritage Space është platformë e nisur nga CHwB Kosova që i krijon hapësirë individëve kreativ të përdorin trashëgiminë kulturore si burim frymëzimi për krijimin e punëve të reja, përmes përdorimit të mediumeve të ndryshme, për zhvillim ekonomik, social dhe kulturor në Kosovë. Kjo platformë krijon lidhje të reja në mes të krijuesve dhe shoqërisë me trashëgiminë./ KultPlus.com

Gjenetika e nënës përcakton se sa të zgjuar janë fëmijët e saj, sipas studiuesve. Femrat kanë më shumë gjasa të transmetojnë gjenet e inteligjencës tek fëmijët e tyre, sepse ato ndodhen në kromozomin X dhe gratë kanë dy prej tyre, ndërsa meshkujt kanë vetëm një.

Por përveç kësaj, shkencëtarët tani besojnë se gjenet për funksionet njohëse të avancuara të trashëguara nga babai mund të çaktivizohen automatikisht. Një kategori e gjeneve të njohura si “gjene të kushtëzuar” mendohen të punojnë vetëm nëse vijnë nga nëna në disa raste dhe babai në raste të tjera. Inteligjenca besohet të jetë midis gjeneve të kushtëzuar që duhet të vijnë nga nëna.

Studimet laboratorike duke përdorur minj gjenetikisht të modifikuar gjetën se ata me një dozë shtesë të gjeneve të nënës zhvilluan koka dhe tru më të madh, por kishin trupa të vegjël. Ata me një dozë shtesë të gjeneve atërore kishin trurin e vogël dhe trupat më të mëdhenj. Hulumtuesit identifikuan qelizat që përmbanin vetëm gjene të nënës ose atësisë në gjashtë pjesë të ndryshme të trurit të miut, të cilat kontrollonin funksione të ndryshme njohëse, shkruan Gazeta Shqipe.

Të shqetësuar se njerëzit nuk mund të jenë si minj, hulumtuesit në Glasgoë morën një qasje më njerëzore për të eksploruar inteligjencën. Ata gjetën se teoritë e realizuara nga studimet e minjve mbarten edhe në realitetin njerëzor. Studiuesit intervistuan 12,686 të rinj mes moshave 14 dhe 22 çdo vit nga viti 1994. Me gjithë marrjen parasysh të disa faktorëve, nga pjesëmarrësit në arsim në racën e tyre dhe gjendjen socio-ekonomike, ekipi doli në konkluzionin se IQ trashëgohej nga nëna.

Megjithatë, hulumtimet gjithashtu bëjnë të qartë se gjenetika nuk është përcaktimi i vetëm i inteligjencës – vetëm 40 deri 60 përqind e inteligjencës vlerësohet të jetë trashëguese sepse pjesa tjetër është e varur nga mjedisi. Por nënat gjithashtu luajnë një rol jashtëzakonisht të rëndësishëm në këtë pjesë jo gjenetike të inteligjencës, me disa studime që sugjerojnë një lidhje të sigurt midis nënës dhe fëmijës është e lidhur ngushtë me inteligjencën.
Hulumtuesit në Universitetin e Uashingtonit zbuluan se një lidhje e sigurt emocionale midis nënës dhe fëmijës është vendimtare për rritjen e disa pjesëve të trurit. Pas analizimit të një grupi të nënave që kishin lidhje me fëmijët e tyre për shtatë vjet, studiuesit gjetën se fëmijët që ishin mbështetur emocionalisht dhe kishin përmbushur nevojat intelektuale kishin një hippocampus më të madh prej 10 përqind në 13 t se fëmijët nënat e të cilëve ishin emocionalisht të largëta. Hippocampus është një zonë e trurit të lidhur me kujtesën, të mësuarit dhe reagimin ndaj stresit.

Një lidhje e fortë me nënën mendohet të japë një fëmijë një ndjenjë sigurie që u lejon atyre të eksplorojnë botën dhe besimin për të zgjidhur problemet. Përveç kësaj, nënat e devotshme dhe të vëmendshëm kanë tendencë t’i ndihmojnë fëmijët të zgjidhin problemet, duke i ndihmuar më tej ata për të arritur potencialin e tyre.

Natyrisht, nuk ka asnjë arsye pse baballarët nuk mund të luajnë një rol të madh si nënat. Dhe hulumtuesit tregojnë se një grup i tërë i gjeneve të tjera të përcaktuara – si intuita dhe emocionet – të cilat mund të trashëgohen nga babai janë gjithashtu çelësi për zhbllokimin e inteligjencës së mundshme./ insjaderi.com/ KultPlus.com