15 vjet më parë është publikuar postimi i parë në rrjetin social Twitter. Këtë e kishte bërë drejtori i Twitterit, Jack Dorsey, ku kishte shkruar “sapo krijova Twitterin tim”.

Twitteri ishte themeluar më 21 mars në San Francisco ndërsa ishte lansuar për publikun më 15 korrik të 2006-s.

Në bazë të statistikave, Twitteri ka rreth 187 milionë përdorues në mbarë botën. Më së shumti ka në Shtetet e Bashkuara të Amerikës, Japoni, Indi dhe Britani të Madhe./ KultPlus.com

Për të nxitur një bisedë të shëndetshme në platformë, “Twitter” po eksperimenton me mesazhe “humanizimi”, për t’u treguar përdoruesve si të nxjerrin në pah gjërat që kanë të përbashkët me ndërvepruesit e tjerë.

“Risia, e quajtur “Nxitja e humanizimit”, do të testohet në 10% të përdoruesve të Android, të cilët flasin anglisht”, njoftoi faqja e lajmeve në internetit “Mashable”.

Më hollësisht, “Twitter” do t’i tregojë përdoruesit, i cili po i përgjigjet një cicërime, se çfarë ka të përbashkët me personin që e shkroi atë cicërimë, për shembull, temat që ndjekin të dy ata.

“Në nxehtësinë e momentit, përdoruesit mund të harrojnë se ekziston një tjetër qenie njerëzore prapa një llogarie në Twitter”, tha për “Mashable” Christine Su, kryemenaxherja për Produktin në Twitter.

“Duke treguar atë që kemi të përbashkët, ne shpresojmë t’u kujtojmë personave atë që na lidh si një pikënisje”, shtoi ajo.

Për Twitter, ky nuk është eksperimenti i vetëm në zhvillim e sipër.

Kompania, gjithashtu, ka nisur testimin e “Spaces”, një eksperiment i vogël që përqendrohet në intimitetin e zërit njerëzor/ANSA/ KultPlus.com

Kreu i Twitter-it, Jack Dorsey do të dhurojë tre milionë dollarë për t’u mundësuar kryebashkiakëve të disa qyteteve në SHBA të eksperimentojnë me krijimin e një të ardhure universale.

Shuma do t’i jepet shoqatës së sapokrijuar “Kryebashkiakët për të ardhurën universale”, e cila bashkon kryetarët e 16 qyteteve të vendit, aktivistë në favor të vendosjes së një të ardhure universale.

“Është një mjet për mbylljen e boshllëkut të pasurisë dhe të ardhurave, nivelimin e pabarazive sistemike që lidhen me ngjyrën e lëkurës ose gjininë dhe krijimin e sigurisë ekonomike për familjet”, komentoi Dorsey në Twitter.

“Jemi mirënjohës për këtë mbështetje. Së bashku, ne mund ta bëjmë ekonominë e SHBA-së të funksionojë për të gjithë”, iu përgjigj shoqata e kryebashkiakëve po në Twitter. /KultPlus.com

Rrjeti social Twitter po përpiqet t’ua ndalojë njerëzve shpërndarjen e artikujve që s’i kanë lexuar, në një eksperiment me të cilin kompania shpreson se do të promovojë “diskutimet me informata” në rrjete sociale.

Në këtë test, të nisur te disa pajisje Android, kompania po pyet përdoruesit nëse me të vërtetë duan ta shpërndajnë një artikull, pa klikuar fare në të fillimisht.

“Shpërndarja e një artikulli mund të nxisë debat, kështu që ju ndoshta dëshironi ta lexoni para se ta shpërndani”, ka thënë Twitteri në një njoftim. “Për të ndihmuar promovimin e diskutimit me informacione, ne po testojmë një opsion në Android – kur ju shpërndani një artikull të cilin nuk e keni hapur në Twitter, ne do t’ju pyesim nëse dëshironi ta hapni fillimisht”.

Problemi i shpërndarjes së artikujve pa i lexuar artikujt, nuk është i ri. Një studim i 2016-s, i shkencëtarëve të Universitetit Columbia dhe Microsoftit kishte gjetur se 59 për qind e linqeve të postuara në Twitter nuk klikohen fare.

Lajm i mirë nëse jeni punonjës në Twitter – ndoshta nuk do të duhet të ktheheni përsëri në punë, kurrë.

Kompania, e cila është me seli në San Francisko, thotë se fuqia e saj punëtore prej rreth 5,000 njerëzve kanë punuar nga distanca që nga fillimi i marsit.

Marrëveshja ka funksionuar aq mirë sa që Twitter thotë se do të ishte e gatshme t’i linte ata të vazhdojnë – nëse rolet e tyre e lejojnë këtë.

“Ne ishim të pozicionuar në mënyrë unike … të lejojmë që njerëzit të punojnë nga shtëpia. Muajt ​​e fundit kanë dwshmuar se mund ta bëjmë atë punë.

“Pra, nëse punonjësit tanë janë në një rol dhe situatë që u lejon atyre të punojnë nga shtëpia dhe ata duan të vazhdojnë ta bëjnë këtë përgjithmonë, ne do ta bëjmë atë të ndodhë,” i tha drejtori Jack Dorsey punonjësve në një email.

Për punonjësit e tjerë që nuk mund të kryejnë punën e tyre përgjithmonë nga shtëpia, kompania thotë se ka të ngjarë të hapë zyrat e saj deri në fund të vitit, por jo “para shtatorit”, raporton BBC, transmeton Klan Kosova.

Twitter ka 35 zyra në të gjithë botën, përfshirë në New Delhi, Londër dhe Singapor.

Kompanitë si Facebook dhe Google gjithashtu u kanë thënë shumicës së stafit të tyre se mund të punojnë nga distanca për pjesën tjetër të vitit 2020. / KultPlus.com