Komuna e Prishtinës ka ndarë 70 mijë euro për furnizim të bibliotekave me libra për këtë vit.
Drejtori i Kulturës në Komunën e Prishtinës, Adrian Berisha tha se do të furnizohet me libra biblioteka “Hivzi Sylejmani”.
“Do të bëjmë furnizimin me libra, këtë vit kemi ndarë një shumë prej 70 mijë euro, do të furnizojmë me libra bibliotekën “Hivzi Sylejmani”, ku kësaj radhe do të jemi edhe më transparentë dhe do të bëjmë një thirrje publike për qytetarët që të na sugjerojnë se çfarë libra të blejmë për këtë bibliotekë, në mënyre që qytetarët, studentët, fëmijët t’i gjejnë ato në këtë bibliotekë.”, ka thënë Berisha në KTV, transmeton KultPlus.
Ai ka thënë po ashtu se janë nënshkruar edhe disa kontrata që pritet të zbatohen gjatë këtij viti siç janë: qendra multifunksionale me fokus në Bibliotekë në Kodrën e Trimave, ndërtimi i InfoPoint tek sheshi Zahir Pajaziti ku është e vendosur Ministria e Zhvillimit Ekonomik, kontrata për art në hapësirë publike dhe renovimi i hapësirave të institucioneve vartëse. / KultPlus.com
Kuvendi Komunal i Prishtinës ka ndarë rreth 10 mijë euro për furnizim me dhurata për festat e fundvitit për komunën.
Përmes njoftimit për dhënie të kontratës të publikuar në faqen e Komisionit Rregullativ të Prokurorimit Publik, është bërë e ditur se afati kohor për furnizim është pesë ditë.
Kompanitë e interesuara për të furnizuar komunës që udhëhiqet nga Shpend Ahmeti kanë afat që t’i dorëzojnë ofertat e tyre deri më 16 dhjetor, në orën 13:30. / KultPlus.com
Kryetari i komunës së Preshevës, Shqiprim Arifi, ka thënë se sivjet nuk do të ketë dekorime për festat e fundvitit. Ai ka thënë se mjetet e dedikuara për këtë punë do të shkojnë për një drejtim tjetër.
“Kemi vendosur që këtë vit mos të dekorohet qyteti si vitet e tjera dhe mjetet e parapara për dekorimin e qytetit për festën e vitit të ri t’ua dedikojmë fëmijëve jetim dhe nënave vetmbajtëse, ku do ti sigurojmë pako ushqimore dhe higjienike”, thotë ai./ KultPlus.com
Mbetet akoma për t’u bërë për avancimin e të drejtave të komunitetit lezbike, gej, biseksual, transgjinor dhe interseks (LGBTI) në Kosovë. Të drejtat LGBTI, si temë diskutimi, kanë pasur një prezencë të shtuar në debatet publike, megjithëse vazhdojnë të diskriminohen nga shoqëria. Komuna e Prishtinës e ka bërë një hap për avancimin e të drejtave të këtij komuniteti.
Kuvendi Komunal i Prishtinës ka miratuar dje buxhetin e komunës për vitin 2021 dhe kornizës afatmesme buxhetore për periudhën 2021-2023.
Kjo pikë u miratua me 26 vota për 5 abstenime nga të gjitha grupet e partive politike, përveç Lëvizjes Vetëvendosje që abstenuan.
Buxheti kap vlerën prej 86 milionë eurove.
Derisa, shumica e komunitetit LGBTI detyrohet të jetojë një jetë të fshehtë ose të dyfishtë me frikë të vazhdueshme nga diskriminimi, Komuna e Prishtinës po synon të bëjë më publik aktivitetin e këtij komuniteti.
Drejtoria e Mirëqenies e Komunës së Prishtinës në programin e saj për vitin 2021 ka paraparë ndërtimin e një strehimoreje për personat, që i përkasin komunitetit LGBTI.
Ky projekt figuron në buxhetin i cili u miratuar dje në Kuvend. Për ndërtimin e strehimores janë paraparë 300 mijë euro. Ndërkohë, lokaliteti për ndërtimin e strehimores akoma nuk është caktuar përfundimisht./lajmi.net/ KultPlus.com
“Është një politikë ndërprerjeje, duke prishur konfigurimin e forcave që përcaktojnë se çfarë është e dukshme dhe çfarë nuk është, cilat forma të të folurit kuptohen si të drejta dhe të cilat janë të perceptueshme vetëm si zhurmë, kush përcaktohet si një subjekt që flet dhe me të cilin flitet thjeshtë.”
Komuna e Prishtinës do të prezantojë veprën e parë të artit bashkëkohor specifik për qytetin e Prishtinës. Me këtë prezantim, Komuna e Prishtinës hap një dimension të ri vizual për qytetin dhe komunitetin duke investuar në artin bashkëkohor në hapësirën publike.
Komuna e Prishtinës ju fton në prezentimin e artistit të parë të komisionuar Sislej Xhafa, duke ekspozuar veprën artistike të titulluar “trëndafili i bardhë”.
Vepra “trëndafili i bardhë” e trajton unitetin, diversitetin dhe kompleksitetin e gjendjes njerëzore dhe hulumton se si bota jonë mund të shfaqë ironi dhe realitet të fortë.
Vepra “trëndafili i bardhë” do të ekspozohet në Prishtinë, të Premten, më 25 Shtator 2020, në orën 12:00, tek “Klubi i Pëllumbave” (rruga “Andrea Gropa”).
Kur kuajt vdesin, ata marrin frymë Kur bari vdes, ajo thahet, Kur dielli vdes, ajo shuhet, Kur njerëzit vdesin, ata këndojnë këngë. Velimir Khlebnikov (1912)
“trëndafili i bardhë” nga Sislej Xhafa paraqet një skulpturë që krijon një fërkim mendor për shikuesin, duke ngritur pyetje të rëndësishme ndërsa krijon harmoni midis pranisë njerëzore dhe identitetit të saj si hapësirë për artin.
“trëndafili i bardhë” nënvizon gjendjen e fuqishme psikologjike të melankolisë dhe lehtësisë, dy aspekte që karakterizojnë punën e artistit Sislej Xhafa. Ai gjithashtu glorifikon heroizmin në përditshmërinë tonë. E mbushur me ironi, vepra e Xhafës posedon një ritëm të ditur por të fshehtë. Duke trajtuar aspektin psikologjik, kjo vepër pasqyron ekuilibrin e thellë midis dimensioneve të brendshme dhe të jashtme të shoqërisë sonë.
“trëndafili i bardhë” është një nderim për bukurinë e popullit tonë, tokës, komunitetit të rrethuar nga përmbysjet globale, për njerëzit e saj dhe unitetin e të cilët e përfaqësojnë.
Sislej Xhafa, i lindur në vitin 1970 në Pejë dhe tani me vendbanim në Neë York, ShBA, është i njohur për hetimet e tij artistike në realitetet shoqërore, ekonomike dhe politike që lidhen me ndërlikimet e shoqërisë moderne, si turizmi global dhe paligjshmëria e detyruar.
Punimet e Xhafës janë minimale dhe subversive derisa sfidojnë shikuesit të njohin ndërrimet dhe çarjet në shoqërinë bashkëkohore globale. Ai operon në media të ndryshme, nga skulptura dhe vizatimi te performance dhe fotografia.
Xhafa ka ekspozuar punën e tij në arenën ndërkombëtare në Bienale të Venedikut, Venedik, Itali (1997,1999, 2005, 2013, 2017); Museo Nacional de Bellas Artes de Cuba Rosa Azul, Havana, Cuba (2018); GAK Galeria Kombëtare Kosovë, Prishtine, Kosove (2018); Galleria Continua, Les Moulins, France, and San Gimignano, Italy, (2012, 2016); ZAC, Palermo (2017); MAXXI Museum, Rome, Italy (2016); BËA Sokol Gallery of contemporary art, Noëy Sacz, Poland (2016); Centro de arte contemporáneo Ëifredo Lam, Havana, Cuba (2015); the François Pinault Foundation, Palazzo Grassi, Venice, Italy (2011); Hardau Park, Zurich, Sëitzerland (2009); The Poëer Plant Contemporary Art Gallery, Toronto, Canada (2011); PRISM Misericordia, Ëest Hollyëood, California (2010); GAMeC, Bergamo, Italy (2010); Modern and Contemporary Art Museum of Trento and Rovereto, Italy (2008); PAC Padiglione d’Arte Contemporanea, Milan, Italy (2010); Museum of Contemporary Art MADRE, Naples, Italy (2011); Havana Biennial, Havana, Cuba (2009); Modern art Oxford, Oxford, England (2009); MOCAD, Detroit Museum of Contemporary Art, Michigan (2008); Schirn Kunsthalle, Frankfurt, Germany (2008); Istanbul Museum of Modern Art, Istanbul, Turkey (2001); International Contemporary Art Biennial of Gothenburg, Gothenburg, Sëeden (2007); Mori Art Museum, Tokyo, Japan (2007); PERFORMA05, Performance biennial, Neë York, Neë York (2005); I Seville Biennial of Contemporary Art, BIACS Foundation, Monastery of the Cartuja of Santa María de las Cuevas, Seville, Spain (2004); Museum of Contemporary Art, Saint Louis, Missouri (2016); Tate Modern, London, England (2014); Stedelijk Museum, Amsterdam, the Netherlands (2004); North Dakota Art Museum, Grand Forks, North Dakota (2004); La Caixa Foundation, Espai Montcada, Barcelona, Spain (2004); Haifa Art Museum, Haifa, Israel (2004), Palais de Tokyo, Paris, France (2003), Gëangju Biennale, Gëangju, South Korea (2002); Istanbul Biennial, Istanbul, Turkey (2001); S.M.A.K., Gent, Belgium (2000); MoMA PS1, Neë York, Neë York (2001); Manifesta III, Ljubljana, Slovenia (2000); Fondazione Olivetti, Rome, Italy (2000), ndër të tjera.
Shkëputje nga intervista e realizuar nga Hans-Ulrich Obrist në Romë, 2016
– […] Cilat janë rrugët e pandërtuara të Sislej Xhafa, cila është Utopia e juaj? – Utopia ime është dashuria. Sepse dashuria nuk ka kohë dhe hapësirë, ky është një projekt i parealizuar. / KultPlus.com
Problemi me qentë endacak mbetet shqetësues për Komunën e Prishtinës, marrë parasysh rrezikun e vazhdueshëm që iu kanoset qytetarëve çdo ditë.
Sipas një njoftimit për media nga Komuna e Prishtinës, thuhet se duke ditur faktin se këto kafshë migrojnë, kufiri administrativ komunal është pengesë për zgjidhjen e këtij problemi.
Tutje në njoftim thuhet se çështja e qenve endacak duhet të trajtohet dhe zgjidhet në nivel kombëtar dhe në gjithë territorin e Kosovës.
“Duke ditur faktin se këto kafshë migrojnë, kufiri administrativ komunal është pengesë për zgjidhjen e këtij problemi edhe pse me këtë legjislacion dhe me këto kapacitete buxhetore e njerëzore, komunat nuk kanë mundësi që të përballen vetë me këtë sfidë”, thuhet në njoftim.
Siç thonë ata, Komuna e Prishtinës për zgjidhjen e problemit të qenve endacak është duke punuar në disa drejtime.
“Duke bërë rehabilitimin e gjendjes së tanishme, Komuna e Prishtinës përmes operatorit ekonomik bën trajtimin e qenve në mënyrë humane siç është e përcaktuar me ligjin në fuqi. Prandaj, qentë endacak zihen në qytet, kontrollohen për sëmundje, vaksinohen apo trajtohen nëse sëmundja është e shërueshme, sterilizohen apo kastrohen në mënyrë që të mbahet nën kontroll shtimi i tyre, mbahen në kujdestari deri në 14 ditë në mënyrë që të socializohen dhe pastaj, veterineri jep urdhër për, lirimin apo eutanazimin nëse qeni është agresiv”.
Në njoftimin e dërguar nga Komuna e Prishtinës po ashtu thuhet se është hartuar një plan operativ dhe është përpiluar harta e rrezikut duke e identifikuar vend ndodhjen e qenve endacak.
“Vazhdimisht identifikohen dhe rrënohen shtëpitë e braktisura, si dhe vazhdimisht pastrohen deponitë ilegale në mënyrë që të parandalojmë grumbullimin e qenve. Komuna e Prishtinës i ka aktiv edhe numrat emergjent pa pagesë, që janë të hapura 24 orë, ku qytetarët mund të lajmërojnë për çdo parregullsi apo shqetësim që kanë. Numrat janë si më poshtë:
Kodi/Numrat Lloji i Shërbimit Qëllimi i përdorimit
0800 122 33 Pa pagesë Lajmërimi i parregullsive që vërejnë qytetarët
0800 122 44 Pa pagesë Lajmërimi i parregullsive që vërejnë qytetarët
0800 122 55 Pa pagesë Lajmërimi i rasteve të rrezikut nga qentë endacak (faza emergjente)”, thuhet tutje në njoftim.
Në ndërkohë, Komuna e Prishtinës bën të ditur se ka nënshkruar kontratën për ndërtimin e strehimores për qentë endacak dhe trajtimin e tyre, si dhe është në pritje të lejes mjedisore nga Ministria.
Po ashtu është duke e zbatuar pilot projektin për pesë pikat ushqyese për qentë në territorin e Prishtinës./ KultPlus.com
Drejtoria për Kulturë në Komunën e Prishtinës ka hapur thirrjen publike për fazën e dytë të financimit të projekt propozimeve për organizimin e aktiviteteve kulturore, shkruan KultPlus.
Nëpërmjet njoftimi të bërë nga ana e Komunës tregohet se OJQ-të, individët dhe bizneset, në përputhje me këtë thirrje publike, mund të aplikojnë me projekt propozimet për organizimin e aktiviteteve kulturore në fushën e artit vizual, botimeve, kinematografisë, muzikës, trashëgimisë kulturore dhe turizmit, si dhe teatër.
Shuma minimale e mbështetjes financiare që mund të jetë për një projekt është 500.00€ , ndërsa shuma maksimale për një projekt është 13,000.00€.
Afati për dorëzimin e propozimeve është i hapur nga sot dhe vlen deri më 28 shtator./ KultPlus.com
Asociacioni i Arkitektëve të Kosovës ka reaguar ndaj njoftimit nga Komuna e Prishtinës, lidhur me shpalljen e Konkurseve Ndërkombëtare për Sallën Koncertale, Shkollën e Muzikës, Sallën e Sporteve dhe Spitalit të Prishtinës, shkruan KultPlus.
Nëpërmjet një postimi në rrjetin social Facebook shoqata ka kërkuar që të bëhet respektimi i pozitës së arkitektit në procesin e hartimit të detyrës projektuese, shpalljes së konkursit, përzgjedhjes së projekteve, si dhe përcjelljes së realizimit të tyre.
Ata kanë shtuar se projektet duhet të paraqesin vizion për kryeqytetin, meqë bëhet fjalë për objekte të interesit publik. Shoqata ka ofruar gatishmërinë e tyre profesionale për tërë procesin.
Ndërkaq për Sallën Koncetrale që pritet të adoptohet në objektin e Gërmisë, shoqata ka shkruar se duhet të bëhet një studim i hollësishëm i lokacionit.
Shoqata krejt në fund ka shtuar edhe mendimin kritik të arkitektit Sali Spahiu i cili ndër të tjera ka thënë se që nga paslufta në Kosovë janë bërë shumë lëshime që do të na kushtojnë./ KultPlus.com
Trashëgimia kulturore e një vendi është pjesa më e rëndësishme e historisë së atij vendi, sepse në secilën pjesë të saj shpaloset një pjesë e historisë, një pjesë që tregon për zhvillimin kulturor të vendit ndër etapa të ndryshme të periudhave të ndryshme kohore. Trashëgimia kulturore në Kosovë është mjaft e pasur, edhe pse ka shumë objekte të cilat janë lënë anash përkujdesjes së institucioneve përkatëse, shkruan KultPlus.
Një rast i tillë ka ndodhur edhe me Xhaminë e Çarshisë në Prishtinë. Një objekt tejet i veçantë në arkitekturën e tij, që konsiderohet ndër objektet më të vjetra e më me vlerë në trashëgiminë kulturore të vendit tonë, objekt ky të cilit i janë dashur dashur gjithsej 51 vjet për t’u ndërtuar (1389-1440) dhe ka përfunduar para 580 vitesh.
Xhamia e Çarshisë shënon fillimin e qendrës së qytetit të vjetër. Kjo xhami është ndërtesa më e vjetër ekzistuese në Prishtinë sot. Në të kaluarën Xhamia e Çarshisë gjendej përballë çarshisë së mbuluar të Prishtinës, prandaj edhe sot mban emërtimin Xhamia e Çarshisë. Sot nuk ka mbetur asgjë nga çarshia e vjetër, vetëm emri i Xhamisë së Çarshisë shërben për të na e përkujtuar atë. Shumë ndryshime si dhe punime për riparimin e saj e kanë ndryshuar pamjen origjinale të kësaj xhamie, mirëpo simboli i saj – kulmi i gurët minares – ka mbijetuar për më shumë se 600 vite. Këtë xhami e quajnë edhe ‘Tash Xhamia’, që në përkthim do të thotë ‘Xhamia e gurit’.
Mirëpo, Xhamia e Çarshisë, restaurimi i së cilës është ndërprerë në vitin 2011, tashmë për pothuajse 10 vjet është lënë anash nga institucionet dhe ka mbetur si mos më keq. Qytetarët e papërgjegjshëm po e shfrytëzojnë atë për nevoja të ndryshme, duke e shndërruar atë në një vend të tmerrshëm.
KultPlus ka qenë në vendin e ngjarjes ku ka realizuar disa fotografi, tek të cilat shihet gjendja në të cilën ka mbetur ky objekt.
KultPlus ka kontaktuar me drejtorin për shtyp dhe veprimtari nga Kryesia e Bashkësisë Islame të Republikës së Kosovës, Ramadan Shkodrën, i cili ka deklaruar se kanë marrë masa për parandalimin e hyrjes së qytetarëve të papërgjegjshëm, kanë bllokuar edhe hyrjen me llamarina, por sipas tij ato janë shkatërruar.
I pyetur nëse kanë provuar të vënë një kujdestar për parandalimin e hyrjes së njerëzve në xhami, ai nuk i është përgjigjur kësaj pyetje, por ka pohuar që kanë bllokuar hyrjen me llamarina e që nuk kanë arritur ti parandalojnë.
Sipas tij Bashkësia Islame e Kosovës mbetet e shokuar me papërgjegjësinë e njerëzve që arrijnë të bëjnë vepra të tilla në një vend ku predikohet feja.
Ndër të tjera, Shkodra ka treguar për KultPlus se restaurimi pritet të fillojë shumë shpejt dhe uron që edhe përfundimi të jetë i shpejtë. Ndonëse restaurimi ka filluar nga viti 2011, si aryetim u morë edhe situata e krijuar nga pandemia Covid-19
Xhaminë e karakterizon edhe maja e minares poligonale me gurë, duke e bërë atë ndër tre xhamitë e vetme në botë që ndërtimine minares e kanë në mënyrë të tillë.
Në aspektin funksional, arkitektonik dhe historik, kjo ndërtesë është strukturë unike në harmoni me transformimet e kohës, dhe në përbërje ruan të gjitha elementet karakteristike nga koha e ndërtimit, për të cilat edhe radhitet si vepër ndërtimore e spikatur.
KultPlus ka kontaktuar edhe me Drejtoreshën e Kulturës nga Komuna e Prishtinës, Blerta Basholli, e cila ka treguar se pas nënshkrimit të memorandumit ndërmjet Komunës së Prishtinës dhe TIKA-së, kjo e fundit ka filluar me procedurat për hartimin e projektit të Xhamisë së Çarshisë.
Ku, sipas saj, pas punës së realizuar të hulumtimeve historike dhe arkitektonike nga ekspertët e fushës së konzervimit dhe restaurimit brenda këtij viti ka përfunduar hartimi i projektit i cili është dorëzuar ne zyrën qendrore të TIKA-së, ku nga ekspertët e fushës është marrë për shqyrtim.
Ndërkaq, akoma nuk dihet data e saktë se kur do të fillojë e sa pritet të zgjasë restaurimi i kësaj xhamie. ‘Komisioni ka dhënë rekomandimet e veta dhe ka aprovuar projektin, tani është duke u punuar projekti kryesor për të zhvilluar procedurat e fundit për ndërhyrje’, ka potencuar Basholli për KultPlus.
Sa për shfrytëzimin e hapsirës së Xhamisë nga ana e qytetarëve për nevoja të ndryshme, Basholli e ka konsideruar si një sjellje të papranueshme, mirëpo nuk ka deklaruar nëse komuna ka ndërmarrë masa drejt parandalimit të kësaj dukurie. Basholli tutje për KultPlus potencoi se për parandalimin e kësaj gjendjeje së pari duhet të hulumtojë se cila është mundësia dhe çfarë kompetenca ka Komuna e Prishtinës për të marrë masa.
Xhamia e Çarshisë në Prishtinë brenda vetes bartë një qytetërim të kahmotshëm të kryeqytetit, muret e saj tregojnë histori, traditë e kulturë qindra vjeçare dhe zhdukja apo shkatërrimi i një monumenti të tillë do të thotë më shumë se humbje, më shumë se shqetësim dhe mbi të gjitha një pasqyrë jashtëzakonisht e tmerrshme për vendit tonë. Faji i pësimit tragjik të kësaj vlere të madhe kulturore qëndron mbi supet e institucioneve përkatëse e deri tek qytetarët e thjeshtë, pasiqë asnjëra palë nuk e ka trajtuar këtë objekt me dinjitet. / KultPlus.com
Komuna e Prishtinës ka publikuar listën e përfituesve të thirrjes publike “Thirrja për Kulturë: festivale, muzikë, shoqëri kulturore artistike, mbështetje të aktiviteteve vjetore të organizatave dhe operatorëve kulturorë”.
Kuvendi i Komunës së Prishtinës në mbledhjen e mbajtur të premten ka miratuar vendimin për pakon ekonomike emergjente pas situatës së krijuar nga përhapja e pandemisë së koronavirusit.
Në mesin e 14 pikave të kësaj pakoje, KK i Prishtinës ka menduar edhe për klubet sportive të kryeqytetit. Në fakt prej muajit të shkuar me vendim të Qeverisë së Kosovës janë ndërprerë të gjitha aktivitetet sportive shkaku i koronavirusit.
“Subvencione për sport, në vlerë prej 100 mijë eurosh, për klubet në vështirësi për shkak të mosfunksionimit të garave”, shkruan në pikën 11 të pakos ekonomike emergjente.
Për zbatimin e këtij vendimi do të kujdesen kryetari i Komunës së Prishtinës, Shpend Ahmeti, Drejtoria e Financave dhe drejtoritë tjera relevante.
“Ky vendim hyn në fuqi 15 ditë pas regjistrimit në Zyrën e protokollit të Ministrisë së Administrimit të Pushtetit Lokal, si dhe publikimit në gjuhë zyrtare në ueb-faqen e Komunës”, thuhet në vendimin për miratimin e pakos ekonomike emergjente.
Prej sot rifillon shpërndarja e shujtave të ngrohta për gjithë ata që kanë nevojë. Ushqimin do të shpërndahet në dy pika duke filluar nga ora 12:00, në Tophane dhe Aktash, njofton Komuna e Prishtinës.
‘Gjellë, sallatë, pemë dhe bukë do ketë dyfish më shumë sesa zakonisht për gjithë ata që kanë nevojë. Ushqimin vetëm mund ta marrin me veti. Ne e kemi blerë një numër të madh të pajisjeve plastike përmes së cilave mund të bartet ushqimi, mirëpo i inkurajojmë të gjithë që të marrin pajisje me vete. Jemi kujdesur që të gjithë ambientin ku do shpërndahet ushqimi ta kemi të dezinfektuar dhe brenda një niveli të lartë higjienik. Njëkohësisht, bëjmë thirrje që të gjithe përfituesit e shujtës se gjatë procesit të marrjes së ushqimit të mbajnë distancë në mes tyre gjatë pritjes në rend’, thuhet ndër të tjera në komunikatën për media. / KultPlus.com
Kryetari i Prishtinës Shpend Ahmeti, në seancën e jashtëzakonshme të Kuvendit Komunal pas tërmetit në Shqipëri tha se dje ka qenë ditë tragjike për të gjithë shqiptarët. Me këtë rast janë ndarë 50 mijë euro për Shqipërinë.
“Prej dje kemi vazhduar kontaktet në Shqipëri me Erion Veliajn nëse ka nevojë për ndihmë. Ndihmat qe po mblidhen është gati e pamundshme të koordinohen. Mësohet se sot mbi 400 qytetarë të Shqipërisë kanë arritur në qytete të ndryshme. Erion Veliaj do të na njoftojë për çdo gjë që kanë nevojë. Do të ndajmë 50 mijë euro, është shumë e mjaftueshme qe si kryeqytet të tregojmë solidaritet”, tha Ahmeti, raporton KTV.
Ahmeti shtoi se “po kërkohen inxhinierë”.
“Sot do të shkojnë 15 inxhinierë të statikës për vlerësimin e objekteve në Durrës. Do të dërgojmë çdo kapacitet që kemi mundësi, ekspertë apo inxhinierë”, tha Ahmeti. / KultPlus.com
Drejtoria e Kulturës, Komuna e Prishtinës, në bazë të rregullores për ndarjen e subvencioneve nga Komuna e Prishtinës ka hapur thirrje publike për mbështetje të projekteve kulturore për këtë vit.
Thirrja është
e hapur për të gjithë individët, bizneset, organizatat joqeveritare të
regjistruara në Republikën e Kosovës, programi i punës i të cilave është i
fokusuar në fushën e kulturës.
OJQ-të,
individët dhe bizneset, në përputhje me këtë thirrje publike, mund të aplikojnë
me projektpropozimet për organizimin e aktiviteteve kulturore si më
poshtë:
Art vizual –
figurativ: krijim i veprës së re, fuqizim i artistëve të rinj, ekspozitë,
hulumtim kuratorial, instalime në hapësira publike, mbështetje të personave me
nevoja të veçanta dhe inovacion teknolgjik;
Botime: për
fëmijë, për të rinj, romane, tregime, përkthime, mbështetje të personave me
nevoja të veçanta dhe hulumtime kulturore;
Festival: art
figurativ, art në hapësira publike, arkitekturë, ekologji, film, letrar, shumë
disiplinor, muzikë, folklore, teatër, teknologji informative, vallëzim etj.;
Kinematografi: film
dokumentar, filmi i shkurtër, film i animuar, fuqizimi i kinematografëve të
rinj, titrim dhe zhvillim skenari;
Manifestime: shënimi
i datave historike, shënimi i festave kombëtare dhe ndërkombëtare dhe shënimi i
datave të tjera me rëndësi në Komunën e Prishtinës;
Mbështetje
të aktiviteteve vjetore të organizatave dhe operatorëve kulturorë: aktivitete
mujore, fuqizim i krijuesve të rinj, rezidencë artistike, debate, ligjërata dhe
hulumtime;
Muzikë: kompozim
i veprës së re, audio-incizim, koncert, fuqizimi i muzikantëve të rinj,
mbështetje të personave me nevoja të veçanta dhe inovacion teknologjik;
Shoqëri
kulturoro artistike: mbështetje të aktiviteteve vjetore, blerja e
kostumeve, blerja e instrumenteve dhe pjesëmarrje në festivale;
Teatër: prodhimi
i shfaqjes, promovim dhe pjesëmarrje e shfaqjes në festivale kombëtare dhe
ndërkombëtare, mbështetje të personave me nevoja të veçanta dhe inovacion
teknologjik;
Trashëgimi
kulturore: fushata vetëdijesimi, pjesëmarrje në aktivitete për mbrojtjen e
trashëgimisë kulturore, hulumtim, promovim i diversitetit kulturor, turizëm
kulturor, platforma informative;
Vlera
e përgjithshme e planifikuar e thirrjes është 85,000€ (Euro).
Shuma
minimale e mbështetjes financiare që mund të alokohet për çdo
projekt individual është 500€ (Euro), ndërsa shuma
maksimale për një projekt është 11,560€ (euro).
Thirrja për mbështetje të projekteve kulturore nga Komuna e Prishtinës mbetet e hapur deri më 8 tetor 2019./ KultPlus.com
Për të gjithë fëmijët e talentuar në muzikë, sapo është dhënë njëndër lajmet më të mira së fundmi.
Kompozitori i njohur Florent Boshnjaku në bashkëpunim me
Komunën e Prishtinës do të sjellin në Kosovë festivalin për fëmijë të titulluar
“Cerise”.
Festivali ka karakter garues ndërsa fituesit të këtij festivali do ti punohet një këngë me të cilën automatikisht do ti sigurohet pjesëmarrja në festivalin e fëmijëve në RTSH në Tiranë, shkruan GazetaExpress.
Përmes kësaj pjesëmarrje, fituesi nga festivali “Cerise” hyn
në garë për përfaqësimin e Shqipërisë në festivalin “Junior Eurosong”.
I gjithë festivali do të jetë ‘live’ ndërsa do të mbahet në
sallën e kuqe në Prishtinë me datë 21 qershor.
Kjo është ndër nismat më të mira të marra së fundmi në këtë periudhë kur në vendin tone mungojnë gara të tilla përmes të cilave vihet në pah talenti i artistëve të vegjël./KultPlus.com
Për dallim nga viti i kaluar, këtë herë Komuna e Prishtinës ka ndarë më shumë buxhet sa i përket dekorimit të shesheve për festat e fundvitit.
Këtë vit komuna ka ndarë gjithsej 75 mijë euro vetëm për dekorimin e shesheve. E gjithë kjo sipas komunës së Prishtinës është bërë pasi është shtuar edhe sheshi ‘Adem Jashari’.
“Këtë vit janë ndarë 75.000 euro për dekorimin e shesheve të Prishtinës. Diçka më shumë se vitin e kaluar, meqë është shtuar edhe sheshi “Adem Jashari””, ka thënë për Indeksonline zëdhënësi i komunës së Prishtinës, Adonis Tahiri.
Dekorimet për këto festa nuk kanë filluar ende, por sipas Tahirit shumë shpejtë do të bëhet e ditur se kush do të realizojë dekorimin dhe me çfarë çmimi.
“Jemi fare në fund të procedurave të tenderimit, dhe së shpejti e marrim vesh se kush do t’i dekorojë dhe me çfarë çmimi”, ka shtuar Tahiri për Indeksonline.
Për dallim nga ky fundvit, për dekorimin e shesheve në vitin 2017 ishin ndarë gjithsej 57 mijë e 940 euro. Dekorimi kishte filluar më 29 nëntor dhe i kishte dhënë kryeqytetit një pamje shumë të bukur festive.
Tashmë dekorimi i shesheve të Prishtinës është bërë një trend i vazhdueshëm që padyshim i kushton mjaft shumë buxhetit në përgjithësi.
Drejtori i Drejtorisë së Kulturës në Komunën e Prishtinës-Yll Rugova, sot përmes një publikimi në rrjetin social Facebook, ka njoftuar se komuna ka hapë tenderin për stabilizimin dhe konservimin e ndërtesës që ishte shkolla e parë shqipe e hapur në vitin 1908 në Prishtinë, e njohur (lagjja te plepat), shkruan KultPlus.
“Në Prishtinë shkolla e parë shqipe është hapur në vitin 1908 dhe kishte 250 nxënës. Kjo ndërtesë, që po shihet edhe në fotografi (dhe që ndodhet krejt afër Komunës së Prishtinës), sot është e privatizuar. Për këtë arsye institucionet e kanë pasur të vështirë ndërhyrjen për rehabilitim deri më tani.
Deri para ca javësh aty jetonin disa familje pa strehë, në rrezikshmëri të lartë nga shembja. Komuna e ka siguruar strehimin adekuat për këto familje, kurse dje e kemi shpallur edhe tenderin për stabilizim dhe më pas konservim të ndërtesës. Nëse çdo gjë shkon në rregull me prokurim muajin tjetër fillojnë punimet.
Paralelisht me të do të nisë konservimi edhe i një ndërtese tjetër në Qendrën Historike, dhe kështu të nisim mbarë dhe konkretisht projektin për rehabilitim të trashëgimisë kulturore në Prishtinë në bashkëpunim me CHwB, QRTK dhe IKMM”, ka shkruar Yll Rugova./ KultPlus.com
Sonte në Platonë e Bibliotekës Kombëtare “Pjetër Bogdani”, nga Kompania Coca Cola do të shtrohet një iftar, në shenjë të Muajit të Ramazanit, shhkruan KultPlus.
Pavarësisht prej thirrjeve të shumta që ceremonitë fetare të mbahen larg institucioneve shtetërore, kjo kompani, me leje të Rektoratit por edhe të Komunës së Prishtinës, sonte do të shtrojë një iftar për besimtarët mysliman.
Drejtori i Bibliotekës Kombëtare të Kosovës Fazli Gajraku ka thënë për KultPlus se për këtë çështje vetëm është njoftuar, por askush nuk ka kërkuar leje nga ai. Por lejen për këtë darkë e ka dhënë Rektorati në bashkëpunim me Komunën e Prishtinës.
Në një emal të kompanisë Coca Cola drejtuar redaksisë së KultPlus është konfirmuar se një leje e tillë është dhënë nga Rektorati dhe Komuna e Prishtinës.
“Për 5 vitet e fundit, Coca-Cola ka organizuar darkë në Ramazan me qëllim për të mbledhur familje dhe miq, dhe të gjithë qytetarët tanë për të ndarë një vakt së bashku”, kanë thënë për KultPlus nga Kompania Coca Cola.
Ata më tutje kanë sqaruar se duke pasur parasysh numrin e pritur të njerëzve dhe të gjitha aktivitetet e planifikuara, vendndodhja për këtë darkë të posaçme u zgjodh në bashkëpunim të ngushtë me Komunën e Prishtinës për të qenë hapësira përpara Bibliotekës Kombëtare.
“Ky vendim u miratua zyrtarisht nga sektori i shërbimit publik të Komunës së Prishtinës, si dhe nga Rektorati i Universitetit të Prishtinës. Ne jemi shumë krenarë që Coca-Cola po e numëron ngjarjen e 21-të të këtij lloji në të gjithë Kosovën, me më shumë se 30,000 njerëz që u mblodhën për të ndarë së bashku dhe shijuar darkën tonë “Coke and meal” në Ramazan. Ne shpresojmë se do të kemi shumë mundësi në vitet që vijnë për të organizuar ngjarje të ngjashme ku mund të sjellim gëzim dhe lumturi për qytetarët e Kosovës”, kanë thënë nga Kompania Coca Cola.
Për këtë vendim të Rektoratit dhe Komunës së Prishtinës, redaksia e KultPlus nuk ka arrit të mësojë nga këto institucione se pse kanë dhënë një leje të tillë mu në Bibliotekën Kombëtare të Kosovës, kurse për këtë veprim historiani Jusuf Buxhovi ka thënë se ka kohë që shteti laik, i përcaktuar me kushtetutën e Republikës së Kosovës, po nëpërkëmbët nga ata që janë të thirrur ta mbrojnë: pushtetarët si dhe gjyqësori.
“Presidenti, kryetari i parlamentit, Kryeministri dhe liderët kryesor të partive politike, duke e thyer parimin e laicitetit, po i vardisën religjionit. Këtë e bëjnë për dy arsye: për përfitime materiale si dhe për sigurimin e klientelës nga xhamitë! Këto veprime, bëhen edhe më shqetësuese, kur prekin institucionet shtetërore, arsimore dhe kulturore”, ka thënë Buxhovi.
Sipas tij, nëse vazhdon kështu, mund të pritet që gjatë ramazanit të mbyllen edhe shkollat, të pushojë veprimtaria ekonomike me çka shteti laik do t’ia lëshonte vendin shtetit të sheriatit, ndërsa identieti kombëtar do të zëvendësohej me identiet fetar.
“Këtë ka kërkuar dikur Çubrilloviqi dhe ata që kanë bërë elaborate kundër shqiptarëve në mënyrë që ata me gjenocide të përjashtohen nga harta politike dhe shtetërore e Ballkanit me anatemën e “mbetjeve islamike”. Si historian mund të përseris maksimën e njohur: ata që nuk marrin mësim nga historia, ajo i denon poamëshirshëm! Ky dënim, do të shaqej si vetëndëshkim”, ka thënë Buxhovi.
Ndërkohë, për këtë darkë që do të shtrohet sonte në platonë e BKK-së, KultPlus ka provuar të merr një përgjigje edhe nga ministri i MKRS-së Kujtim Gashi, por i njëjti nuk ka dhënë ndonjë koment për këtë institucion që është në varësi të MKRS-së./KultPlus.com
Kryetari i Komunës së Prishtinës, Shpend Ahmeti, sot përmes profilit në rrjetin social Facebook, ka njoftuar se së bashku me drejtorin e Drejtorisë së Kulturës kanë arritur të finalizojnë marrëveshjen për kalim të kinemasë së ish APJ në hapësirë kulturore të Prishtinës, shkruan KultPlus.
Kjo sallë do të përdoret si kinema dhe skenë alternative, ka njoftuar kryetari Ahmeti.
“Para disa vitesh filluam një iniciativë me Alush Gashin për kthimin e kinemasë së ish APJ në hapësirë kulturore të Prishtinës (kinema dhe skenë alternative). Atëkohë ishte në menaxhim të UNMIK dhe hasëm në shumë vështirësi.
Pas kalimit në menaxhim të Qeverisë, me Yll Rugova kemi arritur të finalizojmë marrëveshjen për kalim të sallës në menaxhim të Prishtinës. Javëve në vijim do të njoftojmë për shfrytëzimin e kesaj hapësire në bashkëpunim me ideatoret e kthimt të kësaj hapësire në kinema/hapesirë alternative të kultures në kryeqytet.
Si fëmijë, kam shkuar shpesh në këtë kinema. Edhe pse nuk është e njejtë patjetër se ka rëndësi të veçantë kulturore për Prishtinën”, ka shkruar Shpend Ahmeti./ KultPlus.com
Kryetari Shpend Ahmeti nënshkroi një marrëveshje mirëkuptimi për zhvillimin e sektorit të turizmit në rajonin e Prishtinës. Kjo marrëveshje mirëkuptimi u nënshkrua me projektin e Agjencisë Zvicerane për Zhvillim dhe Bashkëpunim që implementohet nga Swisscontact.
Komuna e Prishtinës, përmes Drejtorisë për Kulturë e Sport ka për synim zhvillimin e turizmit krahas investimeve në infrastrukturën kulturore në qytet dhe ruajtjen e trashëgimisë. Prandaj, do të investohet në restaurimin e trashëgimisë kulturore dhe do të themelohen dy muze për promovimin e artit bashkëkohorë të Kosovës.
Përmes këtij projekti, Swisscontact do të bashkëpunojë me Komunën e Prishtinës në zhvillimin e strategjisë për turizëm, gjetjen e modeleve të menaxhimit efikas të monumenteve, trajnimin e guidave dhe zhvillimin e produkteve turistike duke kontribuar kështu në rritjen e të hyrave dhe të punësimit./ KultPlus.com
Para pak ditësh Yll Rugova nga radhët e Lëvizjes Vetëvendosje, mori detyrën e drejtorit të Drejtorisë së Kulturës në Komunën e Prishtinë, komunë kjo e cila do të udhëhiqet edhe për katër vite nga kryetari Shpend Ahmeti.
Kësisoj, mbrëmë drejtori i ri i kulturës në Komunën e Prishtinës, me një shkrim në rrjetin social Facebook, i është drejtuar qytetarëve të kësaj komune duke iu thënë atyre se me shumë përgjegjësi e ka pranuar këtë detyrë nga kryetari Ahmeti, dhe se do të punojë në atë drejtim që kultura të hyjë në binarët e duhur, shkruan KultPlus.
Po sjellim të plotë letrën e Yll Rugovës:
“Faleminderit krejtve për urimet. Sado që është për t’iu uruar kujtdo pozita e drejtorit në kryeqytet, kjo detyrë është ndër sfidat e rëndësishme për neve si shoqëri dhe për këdo që e pranon.
Kultura, si tërësi e gjurmëve që mbledhen nga historia, është njëra ndër pjesët kryesore të identitetit kolektiv të shoqërive.
Nëse e shohim në thelb, për shembull lufta mes Kosovës dhe Serbisë (dhe lufta e popullit shqiptar, e popujve tjerë gati gjithmonë) ka qenë edhe luftë për mbrojtje të kulturës. Nëse secili prej neve në Kosovë do të pranonim tjetërsimin tonë kulturor, e gjuhësor si shqiptar, atëherë regjimi serb nuk do të kishte problem me ne. Rrjedhimisht shtypja nuk do të ndodhte.
Tash që jemi liruar nga cenuesi më i madh i kulturës, na mbetet neve ta studiojmë e mbledhim, ruajmë dhe ekspozojmë atë me këmbëngulje.
T’ju them të drejtën, këto 19 vjet të pasluftës nuk mendoj se kemi bërë punë shumë të mirë në këtë drejtim. Por jam i bindur se tashmë janë krijuar rrethana për etapë të re kulturore.
Prandaj me shumë përgjegjësi e kam pranuar emërimin e kryetarit Ahmeti për të udhëhequr me drejtorinë e kulturës në Prishtinë. E megjithëse e di se me kulturën në kryeqytet nuk zgjidhen të gjitha problemet, por të paktën do të vendosen punët në binarë të duhur.
Dua të falënderoj Shpend Ahmetin dhe Dardan Sejdiun për besimin, dhe gjithsesi gjithë aktivistët e Vetëvendosjes për mbështetjen e pakusht gjatë këtyre gjashtë muajve rrugëtim së bashku”, ka shkruar Rugova./ KultPlus.com
Drejtoria për Kulturë në Komunën e Prishtinës duke u mbështetur në vendimin për kriteret dhe procedurën e ndarjes së subvencioneve ka hapur thirrje për krijuesit me projekt propozime për prodhim të audio incizimeve në fushën e muzikës, përcjellë KultPlus.
Audio incizimi mund të jetë muzikë klasike, xhaz, muzikë rock dhe alternative. Aplikimi është i hapur vetëm për solist dhe grupe muzikore.
Parakushti për aplikim është që veprat e krijuar të jenë të pa publikuar më herët.
Konkursi do të qëndron i hapur deri me 19 shtator 2017 në orën 15:00. / KultPlus.com
